Eth dimars 20 de noveme, qu’èram 47 escolans deth collègi d’Aurinhac (Comenge) a anar tà Tolosa, on estèrem arrecebuts ath Ostau d’Occitània.
Eth maitin, qu’escotèrem Alem Surre-Garcia, un escrivan passionat d’Istòria, a parlar-mos deths “Orients d’Occitània”. Que mos condèc legendas deths Pirenèus, coma Ercules e Pirèna, era fondacion de Marselha, eths esclòps de Vathmala... Que mos parlèc tanben dera conquèsta d’Espanha peras tropas arabo-berbèras, dera batalha de Tolosa (721) on eth duc d’Aquitània arrestèc era progression musulmana en Occident e deras arrelacions que i avec ath Atge Mejancèr entram era civilacion occitana e al-Andalus a travèrs eth art e era arquitectura.
Après era conferéncia, qu’anèrem hèr ua passejada peras carrèras de Tolosa e que’n profitèrem entà visitar era glèisa deths Jacobins, polit d’exemple d’art gotic occitan.
Era après-dinnada, eth acordeonista Rémi Geffroy que mos venguec véder. Que mos presentèc son instrument e, entà acabar, que dancèrem ath son deth diatonic ena cort deth Ostau d’Occitània eth pas deth lop, era escotisha, eth cèrcle circassian o encara era capelesa.
Que mo’n tornèrem en fin d’après-dinnada a Aurinhac, contents d’aver passat ua bona jornada dambe eths nòstes professors.
Eths escolans d’occitan de 4au deth collègi d’Aurinhac
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca pes escolans d'Aurinhac!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari