Actualitats
La Comission Europèa a dobèrt una nòva procedura d’infraccion contra Polonha e avertís Romania
La reforma judiciària polonesa poiriá cercar de far contrarotlar los jutges per la politica. E mai la CE avertís Romania de crear pas una impunitat pels politicians corromputs
La Comission Europèa (CE) a dobèrt una nòva procedura d’infraccion contra Polonha amb la tòca de “protegir los jutges del contraròtle politic” que sembla que lo patirián dins una darrièra reforma judiciària aviada pel govèrn d’extrèma drecha del país. Dins una conferéncia de premsa, lo vicepresident de la CE e candidat socialista a las eleccions europèas Frans Timmermans a assegurat qu’aqueles cambiaments per “establir un nòu regim disciplinari” dels jutges de Polonha pòt èsser “incompatible” amb lo principi de l’independéncia judiciària dins aquel estat membre de l’Union Europèa.
Timmermans a acompanhat l’anóncia de la procedura entamenada contra Polonha en avertissent Romania. “Vòli metre en gàrdia tota accion del govèrn qu’entrepachariá lo sistèma judiciari romanés en creant de facto una impunitat sistemica pels nauts responsables politics que son estats condemnats per corrupcion”, çò a dich.
Timmermans a acompanhat l’anóncia de la procedura entamenada contra Polonha en avertissent Romania. “Vòli metre en gàrdia tota accion del govèrn qu’entrepachariá lo sistèma judiciari romanés en creant de facto una impunitat sistemica pels nauts responsables politics que son estats condemnats per corrupcion”, çò a dich.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La justicia ha de ser iguala per tots,los rics e los paubres. Per açò cal votar als partits obriers que son los paures,perquè senon los partits rics s'apoderan de tot e tamben de la justicia.
Teoricament la justícia es renduda al nom del pòble. Aniriá plan que los pòbles polonés e romanés posquèssan elegir lors jutges, de jutges que jutjarián dins l'interès de lor pòble e non pas segon lor ideologia personala o segon los interèsses de l'euromondialisme.
La Comission Europèa qu'a pas cap de legitimitat electorala fa encara lo pròva de son arrogància en volguent impausar sas volontats a de païses que son encara teoricament independents.
Teoricament la justícia es renduda al nom del pòble. Aniriá plan que los pòbles polonés e romanés posquèssan elegir lors jutges, de jutges que jutjarián dins l'interès de lor pòble e non pas segon lor ideologia personala o segon los interèsses de l'euromondialisme.
La Comission Europèa qu'a pas cap de legitimitat electorala fa encara lo pròva de son arrogància en volguent impausar sas volontats a de païses que son encara teoricament independents.
Don Quichota, pren ton chavau blanc e vai-te restablir lo bon dreit en Polonha o en Romania.
Quand l'òm dich 'l'extrem drecha" menaça lo dreit; tot es dich. Coneisa pas la situacion en Polonha e Romania mas me mesfia de la bona fe de la comission europenna qu'a pas totjorn de tòca filantropica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari