CAPÇALERA PAIS INVISIBLE

Actualitats

InternacionalPolitica

“Isula Morta”: Corsega a recebut Macron amb un arrèst de país

Qualifican lo Grand debat de Macron d'espectacle del temps qu'aqueste refusa lo debat amb los representants del pòble còrs

L'illa de Corsega visquèt ièr un arrèst de país. Entre miègjorn e 18h los abitants cessèron tota l'activitat dins una cauma nomenada “Isula Morta” (illa mòrta). Es atal que lo pòble còrs recebiá lo president de la republica francesa, Emmanuel Macron, que vesitava l'illa. La cauma denonciava “l'abséncia de dialòg entre lo govèrn francés e las institucions còrsas”.
 
Macron vesitèt l'illa per participar a un debat public dins lo quadre del Grand Debat a l'escala estatala qu'a organizat davant la crisi dels Gilets Jaunes. De soslinhar que lo president francés a refusat mai d’un còp de debatre amb l'assemblada e lo govèrn còrses. Es precisament per aquesta rason qu'an cridat a l'“Isula Morta”, perque qualifican lo Grand Debat de Macron d'espectacle del temps qu’aqueste rebuta lo dialòg amb los representants del pòble còrs.
 
Lo president còrs, Gilles Simeoni, e lo president de l’Assemblada de Corsega, Jean-Guy Talamoni, encara dimècres passat avián convidat un còp de mai Macron a se reünir amb los elegits territorials, mas aqueste o tornèt rebutar. Macron s'amassèt a Cuzzà amb d'elegits de son partit e d'autres grops qu'an menat son Grand Debat per tot l'estat francés.
 
Mentretant, los dos presidents e los representants de la majoritat territoriala rendèron publica una declaracion solemna que ditz que Macron pòt pas contunhar de mespresar los elegits de las institucions còrsas e un govèrn qu'atenguèt lo 56% dels vòts a las darrièras eleccions de l’illa.
 


 


 

 




abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
2.

La Macrona que se'n vaja a cagara París.

  • 1
  • 0
Pitaluga
1.

E la mediasfèra de tustar suls còrses coma de costuma en reprenent las paraulas del piroman de l'Elisèu. Es lo mond al revèrs: Macron vòl EMBARRAR Corsèga dins França e los acusa de se pas voler dobrir! Aquela empèga! Li cal remembrar que Corsèga declarèt la republica abans França, que Paoli èra un òme de las Luses, qu'es Rousseau que trabalhava a la constitucion de Corsèga, que Napoleon, que sembla èsser son modèl de cap d'estat se vendèt per far carrièra.
Deuriá legir mens Mérimée que lor fotèt una marrida reputacion sus l’esquina als còrses (las istòrias de Colomba son mediterranencas, pas propriament còrsas) e parlar amb Simeoni. Mas al contrari, per sa primièra visita i anèt amb l’ultrajacobin Chevènement çò que foguèt un carpan monumental pels còrses e l’afirmacion peremptòria que se devián sometre coma subjèctes mai que coma ciutadans.
S'es pas de violéncia aquò...

  • 6
  • 0

Escriu un comentari sus aqueste article