Actualitats
Corsega: Macron reïtèra l’ofèrta d’una “autonomia” sens capacitat legislativa ni cooficialitat del còrs
La proposicion demòra fòrça luènh de la demanda del govèrn de Corsega
Emmanuel Macron e lo govèrn còrs an tornat mostrar lor distància al respècte de l’autonomia de Corsega pendent la vesita que lo president francés faguèt la setmana passada dins l’illa. Macron reïterèt son ofèrta d’una “autonomia” sens capacitat legislativa ni cooficialitat del còrs qu’es encara tras qu’en dejós de las aspiracions de la majoritat governamentala insulara.
Macron defendèt son idèa d’una “autonomia dins la Republica”, que passa, segon el, per inscriure Corsega dins l’article 72 de la Constitucion, que fins ara solament reconeis especificament qualques particularitats als territòris non europèus de França.
Ça que la, lo president francés limita l’inscripcion de Corsega a l’eventuala capacitat de las autoritats insularas “d’adaptar de nòrmas [estatalas] dins l’encastre de lors competéncias”. Es doncas fòrça luènh de las aspiracions del govèrn còrs, que reclama la cooficialitat de la lenga còrsa —rebutada tornarmai dijòus passat per Macron—, la creacion d’un estatut de resident que protegisca Corsega de l’especulacion immobiliària, e mai generalament l’obtencion d’una autonomia legislativa amb de poders fiscals. Aquò es lo programa amb lo qual la coalicion d’autonomistas e independentistas ganhèt las eleccions de decembre de 2017 amb una majoritat absoluda e que Macron refusèt dos meses puèi.
“Isula morta“
Macron aviá cridat los cònsols e las consolessas màgers de Corsega a una reünion aqueste 4 d’abril passat al centre de l’illa, mas solament i anèron 160 suls 360 que ten Corsega. Lo president del govèrn còrs (Conselh Executiu), Gilles Simeoni, e lo president de l’Assemblada de Corsega, Jean-Guy Talamoni, lo convidèron a una amassada alternativa que l’acceptèt pas Macron.
Aqueste article es adaptat de Nationalia, amb qui Jornalet ten un acòrdi de cooperacion.
Macron defendèt son idèa d’una “autonomia dins la Republica”, que passa, segon el, per inscriure Corsega dins l’article 72 de la Constitucion, que fins ara solament reconeis especificament qualques particularitats als territòris non europèus de França.
Ça que la, lo president francés limita l’inscripcion de Corsega a l’eventuala capacitat de las autoritats insularas “d’adaptar de nòrmas [estatalas] dins l’encastre de lors competéncias”. Es doncas fòrça luènh de las aspiracions del govèrn còrs, que reclama la cooficialitat de la lenga còrsa —rebutada tornarmai dijòus passat per Macron—, la creacion d’un estatut de resident que protegisca Corsega de l’especulacion immobiliària, e mai generalament l’obtencion d’una autonomia legislativa amb de poders fiscals. Aquò es lo programa amb lo qual la coalicion d’autonomistas e independentistas ganhèt las eleccions de decembre de 2017 amb una majoritat absoluda e que Macron refusèt dos meses puèi.
“Isula morta“
Macron aviá cridat los cònsols e las consolessas màgers de Corsega a una reünion aqueste 4 d’abril passat al centre de l’illa, mas solament i anèron 160 suls 360 que ten Corsega. Lo president del govèrn còrs (Conselh Executiu), Gilles Simeoni, e lo president de l’Assemblada de Corsega, Jean-Guy Talamoni, lo convidèron a una amassada alternativa que l’acceptèt pas Macron.
Aqueste article es adaptat de Nationalia, amb qui Jornalet ten un acòrdi de cooperacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Complètament d’acòrdi. Efectivament, Macron es un cinic, pas un ignorant.
Fasiái allusion a la confusion que los poderoses (govèrnament per la propaganda e l’escòla, finança e multinacionalas pel biais dels mèdias que contraròtlan) mantenon entre autonomia e independéncia, entre nacion, país, estat, totas aquelas idèas borroladas que fa que lo bon pòble vei pas qu’una organizacion d’estat "intelligenta" : lo centralisme jacobin. Los autres países foncionan pas aital ? Rai ! Tot es fach perque las gents pensen coma Obélix : « Ils sont fous ces Romains ! »
Dins aquela situacion, lo ròtle de Macron es de far lo pèc coma los autre. E coma comedian, i a pas a dire, s’i entend.
Un Estatut d'Autonomia, bo és. Parlem-ne. Amb las màximes competències possibles. Coma las altra autonomias europeas. Lo Regne Unit, l'Estat Espanhol, Italia, Portugal, Alemanha, Belgica. Ne cal parlar.
Un article 72... Me ramenta lo gag de l'article 75-1 suu patrimòni nacionau que son las lengas de França, e que sierve de ren. Lo monde nòu sap utilisar las vielhas ficèlas
« Soi ieu lo Tenebrós – lo veuse inconsolat,
lo Prinçòt de París, diplomat elegit :
Ma republica es mòrta, – mon propaus constelat
Pòrta l'Autonomia sense dreit… M'as legit ? »
GdN
Macron es pas un ignorant. Sap plan ben çò que fai e per quals interests lo fai.
Los poderos acceptaran pas jamai l'autonomia d'una region perque lòr sistem d'espleitacion es basada sur las multinacionalas e las bancas qu'an de dimensions internacionalas e que podan controlar aisadament.
Autonomia regionala es una resistença.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari