capçalera campanha

Actualitats

Internacional

Hong Kong: an condemnats a la preson nòu membres de la Revolucion dels Parapluèjas

Demest los acusats i a de legislators, de professors, d’estudiants activistas e un prèire que joguèt un ròtle clau dins la protèsta de 79 jorns

| @nazishd
Un tribunal d’Hong Kong a considerat colpables nòu caps del movement Occupy Central per incitacion a la revòlta e conspiracion. Demest los acusats i a de legislators, de professors, d’estudiants activistas e un cap religiós que joguèt un ròtle clau dins la protèsta d’una durada de 79 jorns.
 
Tres membres del grop, Benny Tai, Chan Kin Man e lo pastor retirat Chu Yiu Ming, son estats declarats colpables de conspiracion per aver alterat l’òrdre public a causa de lor ròtle dins las protèstas massissas que se tenguèron dins divèrsas parts de la vila.
 
Lo tribunal reportèt l’anóncia de la senténcia fins a ièr. Los acusats comencèron de promòure en 2013 una campanha de desobesissença pacifica per ocupar las carrièras de la zòna comerciala d’Hong Kong e exigir una vertadièra democracia. Caduna de las cargas supausa un maxim de sèt ans de preson.
 
Lo movement Occupy Central espeliguèt en setembre de 2014 amb la revendicacion  que las autoritats de Pequin aguèsson pas lo darrièr mot sus qual deviá èsser lo president d’aquela region autonòma. China aviá anonciat que permetriá l’eleccion dirècta del president de la vila autonòma, mas se reservava lo drech de dire qual ne podiá èsser candidat e qual non.
 



 


 




abonar los amics de Jornalet

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pitaluga
2.

La recèpta es la meteissa dins lo monde tot: judiciarisar la politica e anientir tota oposicion a "l'unica politica possibla" (M. Thatcher). Per aquò far:
1) roïnar de mond qu'en general a pas gaire de dardenas per los botar de genolhs;
2) intimidar de mond que son pas de delinquents en los botant en preson.
Aital pel grand public qu'escota pas que los mèdias venduts a l'oligarquia, l'oposicion son pas que de pelucres e de paucvals!
E se cal pas plànher, que sèm dins lo melhor dels mond segon los Panglòsses macronistas,traces d'egoïstas!

  • 3
  • 0
francesc palma
1.

Ocupar las avingudas de Nova York Centre per los contraris al sistema capitalista seria una bona causida per protestar contra lo capitalisma salvatge. Cresi que seria una bona trobada. Obriers, trabalhadors, socialistas,comunistas, paures, los sense feina,l os anticapitalistas, amassa per acabar amb lo centre mundial del capitalisme.Urrà !

  • 3
  • 0

Escriu un comentari sus aqueste article