CAPÇALERA PAIS INVISIBLE

Actualitats

InternacionalPoliticaSocietat

Julian Assange detengut per la polícia britanica

La relacion d’Assange amb lo govèrn d’Eqüator venguèt plan marrida après que Wikileaks aguèt publicat de documents que restacavan son president amb la crompa de bens de divèrsas societats offshore

La polícia britanica arrestèt ièr Julian Assange, lo fondador de WikiLeaks, a l’interior de l’ambaissada londinenca d’Eqüator, perque lo govèrn d’aquel país a li levat l’asil. Segon lo president eqüatorian, Lenín Moreno, es a causa del “comportament descortés e agressiu de Sénher Julian Assange e sas declaracions ostilas e menaçantas contra Eqüator e, mai que mai, la transgression dels tractats internacionals”. En mai d’aquò, Moreno mençona que Wikileaks a revelat de documents sus una guèrra de poder al Vatican publicats en genièr passat.
 
Ça que la, en agost d'arunan, Moreno aviá ja menaçat Assange de lo punir se parlava de Catalonha, après que lo jornalista aguèt mostrat son sosten al referendum d’independéncia del 1r d’octòbre e denonciat la repression de l’estat espanhòl contra los catalans.
 
La relacion d’Assange amb lo govèrn d’Eqüator s'enverinèt fòrça après que Wikileaks aguèt publicat de documents que restacavan Lenín Moreno amb la crompa de bens de divèrsas societats offshore.
 
Lo govèrn precedent, del president Rafel Correa, concediguèt l’asil politic a Assange en junh de 2012 perque estimava que los dreches d’Assange perilhavan. Mas lo govèrn britanic neguèt lo salveconduch amb lo qual Assange auriá pogut quitar l’ambaissada eqüatoriana a Londres per prene un avion devèrs Eqüator.
 
Assange a viscut refugiat a l’ambaissada de l’Eqüator a Londres dempuèi junh de 2012 per evitar una possibla extradicion devèrs Suècia.
En mai de l’an passat, lo ministèri public suedés decidiguèt de clavar l’enquèsta contra el per un presumit afar de viòl. Ça que la, lo Reialme Unit aviá avertit de l’intencion de lo deténer per aver contravengut a las condicions de sa libertat condicionala.
 
Assange a paur d’èsser liurat als Estats Units, son país d’origina, ont risca d’èsser condemnat a mòrt per aver publicat sus Wikileaks de documents secrets.
 
 

 

 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
8.

#6 Son los afogats de Fred Vargas que vos critican.

  • 5
  • 0
francesc palma
7.

Se lo Pentagon sap gardar sos documents, lo qu' han de far es posar uns informatics que ne sapigan. Assange es pas nordameican senon ciutadan Australian e de la Commenwell. Revelar los crims que faguet l'exercit ianc a l'Irac e mostrar las messorgas que disevan es un acte de libertat d'expressió e de Drets Humans.

  • 2
  • 0
Pierre Terral
6.


Es l'evocacion del camarada Battisti que m'a valgut aquela avalanca de pocejadas rojas ?

https://www.marianne.net/monde/terorrisme-italie-cesare-battisti-reconnait-ses-crimes


  • 3
  • 5
Pitaluga
5.

Es plan conegut: Big Brother o vòl contrarotlar tot, mas vòl pas que se sàpia res de sas maniganças. Ara qu'a un govèrnament mai a sa man en Eqüator a pres un pretèxt per metre la man pel biais de la perfida Albion sus aquel que revelèt sas turpituds.

  • 3
  • 0
Anonymous
4.

#2 La "patrie des droits de l'homme" l'a pas fach perque es malaurosament tanben aquela del P.Terral.

  • 3
  • 1

Escriu un comentari sus aqueste article