Actualitats
Lo Forum d’Òc fa l’escomesa de la fraternitat occitanocatalana
Lo congrès annal se tendrà a Ais de Provença lo 16 de mai que ven jos lo tèma “Eslargir l’impacte dau Forum d’Òc per la recèrca de nòus partenaris. La perspectiva catalana”
Lo congrès annal del Forum d’Òc se tendrà lo 16 de mai venent a Ais de Provença. Aculhidas a l’Ostau de Provença, las associacions, entrepresas e collectivitats que compausan lo Forum d’Òc s’amassaràn per tractar lo tèma “Eslargir l’impacte dau Forum d’Òc per la recèrca de nòus partenaris. La perspectiva catalana”. Podètz descargar lo programa aquí.
Creat a la prima de 2014 per qualques associacions de promocion de l’occitan coma lo Felibritge, l’IEO, Calandreta, l’APLR e l’AELÒC, lo Forum d’Òc compren ara qualques entrepresas e grops artistics e los conselhs departamentals de las Bocas de Ròse e dels Alps de Nauta Provença. Cèrca d’incitar las collectivitats localas per que menen una politica favorabla a nòstra lenga occitana, en tot federar totas las energias disponiblas.
La perspectiva catalana
La fraternitat occitanocatalana es un ponch important d’aquel congrès que cèrca refortir los ligams amicals entre provençals e catalans. L’eveniment se tendrà en partenariat amb lo Cercle Catalan de Marselha.
L’iniciativa del Fòrum d’Òc seguís lo debat que faguèron Aquòd’Aquí e lo Cep d’Òc dimècres passat, 10 d’abril, ont s’anoncièt la creacion d’un Ceucle d’Afrairament Occitanocatalan (CAÒC) en Provença.
Per mai d’informacion podètz legir: “Quand lei Provençaus renforçan l’amistat amé lei Catalans” sus Aquò d’Aquí.
Creat a la prima de 2014 per qualques associacions de promocion de l’occitan coma lo Felibritge, l’IEO, Calandreta, l’APLR e l’AELÒC, lo Forum d’Òc compren ara qualques entrepresas e grops artistics e los conselhs departamentals de las Bocas de Ròse e dels Alps de Nauta Provença. Cèrca d’incitar las collectivitats localas per que menen una politica favorabla a nòstra lenga occitana, en tot federar totas las energias disponiblas.
La perspectiva catalana
La fraternitat occitanocatalana es un ponch important d’aquel congrès que cèrca refortir los ligams amicals entre provençals e catalans. L’eveniment se tendrà en partenariat amb lo Cercle Catalan de Marselha.
L’iniciativa del Fòrum d’Òc seguís lo debat que faguèron Aquòd’Aquí e lo Cep d’Òc dimècres passat, 10 d’abril, ont s’anoncièt la creacion d’un Ceucle d’Afrairament Occitanocatalan (CAÒC) en Provença.
Per mai d’informacion podètz legir: “Quand lei Provençaus renforçan l’amistat amé lei Catalans” sus Aquò d’Aquí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 O sabi pro plan: quand venguèri rei d'Aragon, Aragon venguèt far partida de Catalonha.
#8 Bon. Perdon. Ara ai comprés. En defòra de Bordeu , Pau ,Tarba , Banhèras de Bigòrra, tot es plan luènh estrangièr.
#7 Adixatz , que sòi estat obligat de prener un diccionari entà comprener çò que voleva diser racrocar a nosta que disem tornar estacar çò qui ei pro diferent mès aquero qu'ei un punt de detalh , non Aragon n'estè jamès Catalan que son mes d'avit eths condes de Bracelona que prenon eth titre d'Arrei d'Aragon per maridatge Aragon qu'ei Aragon e'ras vòstas Euroregions Aragon dab Catalonha non va pas estar possible ath dia de uei pormor qu'eths Aragonès deths Catalans ne'n vòn pas qu'us coneixi hèra plan que i a mantus problemas entre eths sus tot qu'eths Catalans e vòn prener tot a Aragon eths bens culturaus tanben entà arresumir era faiçon de veger en Aragon per arrapòrt a Catalonha que i a ua causa que 's ditz " Puigdemont a prision " per tot en Aragon !
#6 "Aragon n'ei pas Catalonha"... ara non, mas foguèt un temps... tot es una question de punt de vista, e los punts de vistas càmbian segon la geografia, lo moment e la societat/mitan social; e coma tot aquò es movedis... nos podèm racrocar a l'istòria de las lias e patziras o dire que son de vièlhas lunas. Nos podèm racrocar a l'occitanitat, o dire que son de bestièsas. Nos podèm racrocar a la solidaritat pirenenca, o dire qu'es una asenada e que las vals foncionan en nòrd/sud e pas per vesinatge. Nos podèm racrocar al nacionalisme francés o estimar qu'es una ideologia despassada... Mas perqué pas renforçar las solidaritats de las euroregions coma Nouvelle Aquitaine-Euskadi-Navarre (en remembrant los ligams ancians entre Navarra e Tolosa...) e Pirenèus-Mediterranèa (amb las regions Occitanie-Pyrénées-Méditerranée, Balearas, Catalonha e Aragon). Mas aquò tanben es una question de volontat.
#5 Adixatz , qu'ei vertat qu'avem ligams dab Aragon desempuix sègles a ,eths nostes davancèrs que hasevan negòci dab eths Aragones dab eths tractas de lias e patzerias e qu'an participat ara (reconquista ) dab eths Arreis d'Aragon sus eths musulmans , mès Aragon n'ei pas Catalonha !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari