Actualitats
Perqué Chelsea Manning es tornarmai en preson?
La recenta detencion de Julian Assange nos fa pensar a l’èx-militara estatsunidenca que passèt d’informacions a Wikileaks. Après la gràcia d’Obama, es tornarmai en preson
La recenta detencion de Julian Assange nos fa pensar a Chelsea Manning e nos pausar la question: perqué es tornarmai encarcerada? Una de las darrièras decisions de Barack Obama, tres jorns abans de quitar la presidéncia dels Estats Units, foguèt de comudar la pena de Manning, condemnada a 35 ans de preson per aver passat sèt cents mila documents classificats del govèrn dels Estats Units, que l’organizacion WikiLeaks difondèt puèi. La decision d’Obama arribèt tres jorns abans que quitèsse l’Ostal Blanc, en genièr de 2017. Mas la libertat de Manning es estada brèva. L’8 de març passat, tornava èsser encarcerada. La rason es qu’ela refusèt de respondre davant una jurada sus una enquèsta pertocant WikiLeaks. “Participarai pas a de procèsses secrets e ne refusi moralament un qu’es estat emplegat per arrestar e perseguir d’activistas a causa de lor discors politic”, çò diguèt segon AP.
Dins aquesta segonda detencion, l’an tornarmai embarrat dins una cellula d’isolament, segon çò qu’a denonciat lo grop de sosten a Manning nomenat “Chelsea Resist!”. Lo 4 d’abril passat, lo compte oficial de Twitter de la detenguda raportèt qu’avián mes fin a aquela situacion, après qu’aguèt passat 28 jorns en aquela situacion.
Aqueste còp, sembla que l’Ostal Blanc favorirà pas la situacion de Manning, se prenèm en compte qu’al començament de 2017 Donald Trump diguèt qu’èra una “traita ingrata” (ungrateful traitor) que “jamai deviá pas èsser mesa en libertat”.
Nascuda Bradley Manning, èra analista d’intelligéncia de las Fòrças Armadas dels Estats Units e passèt a Wikileaks de documents classificats sus las guèrras d’Iraq e d’Afganistan; d’autres documents provoquèron una granda polemica internacionala quand foguèron publicats en 2010.
Dins son jutjament, en julhet de 2013, Manning foguèt declarada innocenta del delicte d’aver ajudat l’enemic dins l’afar Wikileaks, çò que li evitèt d’èsser condemnada a perpetuitat, mas foguèt declarada colpabla dels autres dètz e nòu delictes que n’èra acusada. Manning foguèt arrestada en mai de 2010 e empresonada tres ans en esperant aquel jutjament. La mitat del temps lo passèt estremada dins una cellula de 4,46 mètres cairats.
Pendent son procès, Manning demandèt perdon. “Me grèva d’aver greujat los Estats Units”, çò diguèt.
Dins aquesta segonda detencion, l’an tornarmai embarrat dins una cellula d’isolament, segon çò qu’a denonciat lo grop de sosten a Manning nomenat “Chelsea Resist!”. Lo 4 d’abril passat, lo compte oficial de Twitter de la detenguda raportèt qu’avián mes fin a aquela situacion, après qu’aguèt passat 28 jorns en aquela situacion.
Aqueste còp, sembla que l’Ostal Blanc favorirà pas la situacion de Manning, se prenèm en compte qu’al començament de 2017 Donald Trump diguèt qu’èra una “traita ingrata” (ungrateful traitor) que “jamai deviá pas èsser mesa en libertat”.
Nascuda Bradley Manning, èra analista d’intelligéncia de las Fòrças Armadas dels Estats Units e passèt a Wikileaks de documents classificats sus las guèrras d’Iraq e d’Afganistan; d’autres documents provoquèron una granda polemica internacionala quand foguèron publicats en 2010.
Dins son jutjament, en julhet de 2013, Manning foguèt declarada innocenta del delicte d’aver ajudat l’enemic dins l’afar Wikileaks, çò que li evitèt d’èsser condemnada a perpetuitat, mas foguèt declarada colpabla dels autres dètz e nòu delictes que n’èra acusada. Manning foguèt arrestada en mai de 2010 e empresonada tres ans en esperant aquel jutjament. La mitat del temps lo passèt estremada dins una cellula de 4,46 mètres cairats.
Pendent son procès, Manning demandèt perdon. “Me grèva d’aver greujat los Estats Units”, çò diguèt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los unics qu' estan espiant a tot los ciutadans d' Europa e tot lo mond es l'Antena parabolica Scalone situada al Regne Unit, que espia totas las comunicaacions telefonicas e electronicas dels ciutadans, e tamben aquestas. Big Brodes lo que fa es espiar als messorguiers coma los EEUU e d'altras que organizan guerras coma la d'Irac e assassinan a la gent amb sas armas terrorificas.
La democracia dicha occidentala avança coma los crancs: un pas endavant, tres passes enrè. Encara que fa bèl brieu qu'avèm pas vist de pas endavant.
Ara nos vòlon vendre l'opacitat coma bona per la democracia: nos dison que i a tròp de tansparéncia. En revenge, Big Brother se geina pas per voler tot saupre de nosautres. Omertà de l'estat d'un costat, violacion de la vida privada del ciutadan de l'autre.
Las libertata als EEUU son solament pels milionaris. Las personas justas,bonas,plenas de bons sentiments e democraticas ja vesets coma les va.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari