capçalera campanha

Actualitats

EnvironamentInternacionalPoliticaSocietat

An blocat las principalas carrièras de Londres per alertar sul cambiament climatic

La còla d’Extinction Rebellion creson que la vida sus nòstra planeta es a mand de s’escantir e qu’o cal empedir en emplegant la resisténcia pacifica

La còla d’Extinction Rebellion (XR) bloquèt ièr qualques unas de las carrièras pus importantas de Londres per combatre lo cambiament climatic. Creson que la vida sus nòstra planeta es pròcha de l’escantiment e qu’o cal empedir en emplegant la resisténcia pacifica. Dins aquel sens bloquèron de biais pacific e festiu la circulacion de qualques luòcs estrategics de la vila coma la Plaça del Parlament, lo Pont de Waterloo, l’Arc de Marbre o la Carrièra d’Oxford. Amb aquel blocatge simultanèu del transit automobil, e en empachant lo foncionament normal de la vila, volián mandar un avertiment al govèrn britanic a prepaus de sa responsabilitat dins la lucha contra l’escantiment de la vida sus la planeta. Aquela accion es estada sostenguda per d’acamps dins de vilas de tota la planeta.
 
XR a fach tres demandas al govèrn britanic, que los grops d’endacòm mai poiràn adaptar localament. La primièra es la declaracion d’una estat d’emergéncia climatic e "dire la vertat a la populacion". La segonda es la reduccion dels gases d’efièch de sèrra a zèro en 2025. La tresena es la creacion d’una Assemblada Ciutadana sul clima e sus la justícia ecologica.
 
XR la sostenon d’activistas e d’artistas coma Noam Chomsky, Naomi Klein, Radiohead o Stephen Fry. L’actritz Emma Thompson a declarat que "[lor] govèrn [lo britanic] a signat qualques acòrdis mas a romput totas las promessas que i aviá fachas. Ara es ora de salvar la planeta coma la coneissèm, perque i a pas de planeta B".
 
L’intencion dels manifestants es pas d’abandonar las carrièras. I vòlon restar en fasent d’activitats de protèsta e de conscientizacion ciutadana.
 



 

 


 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Topasa Deu Savés
4.

#1 E comentas pendent que la nòsta lenga es a crebar. Vergonha! au tribalh fenhant.

  • 0
  • 0
francesc palma
3.

Es bon que la gent proteste per un mond melhor, perquè las empresas EEUU posin filtres per non contaminar, tot açò esta força ben. Aquesta gent m'agrada, sembla bona gent.

  • 1
  • 0
francesc palma
2.

Colhonera, podrias canviar lo disc perquè ja t'estàs repetint (retxant). Gaita la vida es belha, non te prengas las causas tan fort.

  • 1
  • 0
CJC
1.

Que's chepican que la Tèrra va explosar pendent que la nosta lenga es a crebar ! Vergonha !

  • 2
  • 1

Escriu un comentari sus aqueste article