Actualitats
Rugbi de XIII: cada segonda compta…
“Jogar fins a la còrna”; “Una partida es pas jamai acabada”: aquò sembla de formulas totas faitas de bon ajustar dins una convèrsa rugbistica. Mas, de còps, la realitat ven refortir aqueles dires…
Alan Roch
Superliga: cachavièlha a Brutus
Los Dragons an passat 80 minutas a córrer darrièr Hull FC. Darrièra minuta: Kasiano marca l’ensag que Tomkins transforma; 30-28 pels catalans. Quatre pichonas segondas de jòc encara. Sul remandadís, un catalan dintra dins la zòna dels 10 mètres. Penalitat que Sneyd ensaca dels 50 mètres. Egalitat 30-30 e punt en aur a venir. Recepcion mancada pels catalans, mesclanha e Sneyd passa lo tombat de la victòria anglesa: 31-30.
La dimenjada de Pascas arriba amb un desplaçament a Londres dijòus e la recepcion de Castleford diluns: demòra als catalans de tornar trapar los camins de la victòria.
Saint Helens a représ sa marcha endavant: victòria 38-12 suls Lops de Warringon, alara que Wakefield domina Wigan: 20-12.
Elèit 1: Carcassona cap de fila
En Elèit 1, se debanava la Dimenjada Magica a Carcassona, revista de las dètz formacions abans la fin de sason.
Tolosa marquèt tres ensages dins las darrièras dètz minutas, mas èra tròp tard: victòria d’Avinhon 32-30. Palau se mostrèt mai actiu que Sent Gaudenç per ganhar 42-24. Lo dèrbi audenc metèt de temps per causir son venceire: victòria de Lesinhan sus Limós: 18-14.
Dimenge, Vilanòva faguèt la melhora entama, mas Albi accelerèt per ganhar 52-24. Los dos primadièrs s’afrontavan. Entre Carcassona e Dragonets, la partida foguèt de naut nivèl. Los audencs capitèron d’arrestar los assauts de la fòrta linha de davants catalana e las cambas de fuòc de sos atacants permetèron a Carcassona de ganhar 30-22 e de prene la primièra plaça al classament un punt davant Lesinhan e dos davant los catalans.
Dimenge, Lesinhan reçauprà los Dragonets alara que Carcassona jogarà a Albi aqueste dissabte de ser.
Finala catalana en Copa d’Elèit 2
Las mièjas finalas del Challenge Aillères, la Copa d’Elèit 2, virèron a l’avantatge de las formacions catalanas: Pià dominèt Vilafranca de Roergue: 34-12 e Baó ganhèt l’afrontament bèl amb Vilagalhenc-Argon: 23-16.
Cameron Smith, rei de l’NRL
En passant doas penalitats contra los Vaquièrs, Cameron Smith ven lo jogaire qu’a marcat lo mai de punts en NRL. 2422 punts e la tièra es pas acabada…
Alan Roch
Los Dragons an passat 80 minutas a córrer darrièr Hull FC. Darrièra minuta: Kasiano marca l’ensag que Tomkins transforma; 30-28 pels catalans. Quatre pichonas segondas de jòc encara. Sul remandadís, un catalan dintra dins la zòna dels 10 mètres. Penalitat que Sneyd ensaca dels 50 mètres. Egalitat 30-30 e punt en aur a venir. Recepcion mancada pels catalans, mesclanha e Sneyd passa lo tombat de la victòria anglesa: 31-30.
La dimenjada de Pascas arriba amb un desplaçament a Londres dijòus e la recepcion de Castleford diluns: demòra als catalans de tornar trapar los camins de la victòria.
Saint Helens a représ sa marcha endavant: victòria 38-12 suls Lops de Warringon, alara que Wakefield domina Wigan: 20-12.
Elèit 1: Carcassona cap de fila
En Elèit 1, se debanava la Dimenjada Magica a Carcassona, revista de las dètz formacions abans la fin de sason.
Tolosa marquèt tres ensages dins las darrièras dètz minutas, mas èra tròp tard: victòria d’Avinhon 32-30. Palau se mostrèt mai actiu que Sent Gaudenç per ganhar 42-24. Lo dèrbi audenc metèt de temps per causir son venceire: victòria de Lesinhan sus Limós: 18-14.
Dimenge, Vilanòva faguèt la melhora entama, mas Albi accelerèt per ganhar 52-24. Los dos primadièrs s’afrontavan. Entre Carcassona e Dragonets, la partida foguèt de naut nivèl. Los audencs capitèron d’arrestar los assauts de la fòrta linha de davants catalana e las cambas de fuòc de sos atacants permetèron a Carcassona de ganhar 30-22 e de prene la primièra plaça al classament un punt davant Lesinhan e dos davant los catalans.
Dimenge, Lesinhan reçauprà los Dragonets alara que Carcassona jogarà a Albi aqueste dissabte de ser.
Finala catalana en Copa d’Elèit 2
Las mièjas finalas del Challenge Aillères, la Copa d’Elèit 2, virèron a l’avantatge de las formacions catalanas: Pià dominèt Vilafranca de Roergue: 34-12 e Baó ganhèt l’afrontament bèl amb Vilagalhenc-Argon: 23-16.
Cameron Smith, rei de l’NRL
En passant doas penalitats contra los Vaquièrs, Cameron Smith ven lo jogaire qu’a marcat lo mai de punts en NRL. 2422 punts e la tièra es pas acabada…
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 E comentas pendent que la nòsta lenga es a crebar. Vergonha.
Que hèn au XIII pendent que la nosta lenga es a crebar ! Vergonha !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari