Actualitats
Espanha: conferéncia de premsa a la turca de la preson estant
Los presonièrs politics Jordi Sánchez e Oriol Junqueras fan de conferéncias de premsa de la preson estant amb una bandièra espanhòla e la fòto del rei
Lo 28 d’abril, se tendràn las eleccions generalas al parlament espanhòl. Los ciutadans de l’estat votaràn la composicion del Congrès dels Deputats, qu’elegirà lo president del govèrn, e del Senat. Demest los candidats i a los presonièrs politics Jordi Sànchez (Amassa per Catalonha) e Oriol Junqueras (Esquèrra Republicana de Catalonha). Lo conselh electoral de l’estat lor a enebit de sortir de la preson per far campanha e enregistrar d’espòts electorals. Pr’aquò solament lor a permés de far de conferéncias de premsa dempuèi la preson madrilenca de Soto del Real, ont son embarrats mentre que se debana lo jutjament.
Oriol Junqueras fa uèi sa conferéncia, mentre que Sànchez la faguèt ièr. Li impausèron una mesa en scèna amb un drapèl espanhòl e una fòto del rei Felip VI, çò que remembra la qu’impausèt l’estat turc al presonièr politic curd Selahattin Demirtaş en junh de l’an passat. Demirtaş se presentava a las eleccions presidencialas turcas amb lo Partit Democratic del Pòble e li permetèron de far un discors de la preson estant. Sus l’ecran apareguèt un drapèl turc.
En seguida podètz veire las videoconferéncias de premsa de Sánchez de Junqueras.
Oriol Junqueras fa uèi sa conferéncia, mentre que Sànchez la faguèt ièr. Li impausèron una mesa en scèna amb un drapèl espanhòl e una fòto del rei Felip VI, çò que remembra la qu’impausèt l’estat turc al presonièr politic curd Selahattin Demirtaş en junh de l’an passat. Demirtaş se presentava a las eleccions presidencialas turcas amb lo Partit Democratic del Pòble e li permetèron de far un discors de la preson estant. Sus l’ecran apareguèt un drapèl turc.
En seguida podètz veire las videoconferéncias de premsa de Sánchez de Junqueras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta es l'espanha real ereva del franquisme. Los politics que son pas del regim son empresonats . L'espectacle d'horror.
Una bandièra espanhòla e la fòto del rei darrièr eles ? Aquò fa plan exotic ! Encara que… un pauc folcloric, saique !
Remarcam que ni la bandièra ni lo retrach son pas filmats (çò que lèva pas grand causa a l'ambient carceral! tanplan coma la qualitat del son).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari