Carole Delga, presidenta de la region qu’a pres lo nom d’Occitània, anoncièt una subvencion d’1,5 milions d’èuros per la reconstruccion de la catedrala de París. Una nòva qu’a desvelhat de criticas. De soslinhar la de Christian Teyssèdre, cònsol màger de Rodés. “S’ela espèra una catastròfa per s’interessar al sòrt de Nòstra Dòna de Rodés?”, çò ditz  Teyssèdre dins una letra dobèrta a Delga. Lo cònsol rodanés demanda dempuèi 2017 lo sosten de la region per la renovacion de la catedrala de Rodés, mas la region respond qu’ela “interven pas quand l’estat es proprietari de l’edifici concernit”.
 
“En clar, a la region Occitània lo principi general s’aplica per finançar pas la catedrala de Nòstra Dòna de Rodés mas per contra constatam que lo principi general s’aplica pas per finançar Nòstra Dòna de París fòra del territòri regional”, çò assolida Teyssèdre dins sa letra a Delga.
 
 
De pèiras tomban del campanal
 
Just l’endeman de l’incendi de la catedrala parisenca, lo cloquièr de la catedrala de Rodés perdèt qualques pèiras que tombèron de 80m en trencant un veïcul parcat.
 
 

Merci Christian Teyssèdre, maire de @VilledeRodez de ramener @CaroleDelga à la raison !

0€ pour #NotreDame de Rodez, 1,5M€ pour ND de Paris, où est la cohérence dans la politique culturelle de la région ?#Rodez#Aveyron#Patrimoinepic.twitter.com/sFxdrs0nxZ

— Edgar Bruel (@EdgarBruel) 20 d’abril de 2019