Après dedicar un jorn a vesitar la vila de Barcelona, los 16 e 17 d’abril passats, la còla Òc Malhòrca aculhiguèt los escolans e professors d’occitan del licèu polivalent Teofil Rossèl de Sench Ale dels Apchièrs (Aubrac), al viatge escolar que faguèron a Malhòrca.
 
Comencèron las vesitas de Palma comentadas en occitan per lo guida local, Dídac Martorell, president d’Òc Malhòrca. Dins lo tantòst foguèron recebuts a la comuna de la vila.
 
L’endeman de matin es al licèu Madina Mayurqa de Palma, aculhits pel professor Joan-Ferran Llorens, que los liceans poguèron escambiar amb de liceans catalanofòns, abans de presentar d’expausats sus l’ensenhament de las lengas, las legendas e las especialitats culinàrias. La segonda partida de la jornada foguèt consagrada a la vesita de Sóller. Per acabar la jornada, Dídac Martorell nos regalèt amb un obrador de xeremies, la cornamusa tradicionala de l’illa, e amb una presentacion dels instruments de Malhòrca. Un concèrt plan agradiu que s’acabèt amb lo Brisa-pè.
 

 Pel darrièr jorn, los escolans tornèron a Palma, per finir la setmana en beutat amb la vesita del castèl de Bellver.
 
Una setmana intensa que permetèt als liceans de prene consciéncia de lor cultura e de la proximitat entre catalan e occitan. Un brave mercé a la còla d’Òc Malhòrca, a Dídac Martorell per son acuèlh e per sa simpatia a Perrine Alsina que nos venguèt tanben aculhir e a Joan-Ferran Llorens, professor.
 
 
 
 
Cristòl Causse/Òc Malhòrca/Redaccion
 
 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…