capçalera campanha

Actualitats

InternacionalPoliticaSocietat

Andalosia: an penjat l’efígia de Carles Puigdemont, l’an cremada e fusilhada

Lo fach seguís una tradicion pascala d’aquel vilatge d’aperaquí 1200 abitants ont se tracta de tuar Judàs

Aqueste dimenge de Pascas a Coripe, un vilatge d’Andalosia, una molonada a passejat l’efígia de Carles Puigdemont, l’an penjada, cremada e fusilhada amb d’armas provesidas per la polícia locala. Los imatges vidèo d’aquel linchatge public an virat dins los rets socials e an provocat l’indignacion. Lo president catalan en exili a denonciat la connivéncia del Partit Socialista (PSÒE) que govèrna la comuna. De son caire, la Generalitat de Catalonha anóncia que farà sa denóncia per incitacion a l’asirança.
 
Lo fach seguís una tradicion pascala d’aquel vilatge d’unes 1200 abitants: se tracta de tuar Judàs. Cada an, lo mond del vilatge cargan aquel “Judàs” de totes los mals e lo condemnan al lenhièr. Son las familhas dels collegians que causisson quin personatge representarà aquel “Judàs” per collectar d’argent pel viatge de fin de cors.
 
Ongan, pasmens, aquel eveniment a passat l’òsca, coma podètz veire dins lo vidèo que seguís.
 

 
Reaccion de Puigdemont
 
Lo president catalan en exili reagiguèt sus Twitter. Dins un primièr messatge, diguèt qu’aviá vist lo vidèo quand èra a dire adieu a sa familha que l’èra anada vesitar. “Per astre, ai pogut evitar que mas filhas lo vegèsson”. Pus tard publiquèt son vejaire:
 
“Uèi, dins un vilatge d’Espanha governat pel PSÒE, an decidit de fusilhar e de cremar un pantin que representava ma persona, e que portava un riban jaune ben visible. M’an pas volgut fusilhar e cremar a ieu, solament: se son volguts trufar de la lucha per la libertat dels presonièrs politics e exiliats.
 
Aquò non es pas estat una anecdòta ni l’òbra d’una minoritat. Aquò es estat una activitat oficiala, aparada per las autoritats socialistas localas. An quitament emplegat de municion reala amb la participacion de la polícia locala.
 
Normalament, ai tendéncia a respectar las mòstras d’ironia e de sarcasme que se produson per tot l’estat perque fan partida de la libertat d’expression. Mas aquesta, a diferéncia de las autras, la pòdi pas respectar, per dignitat personala e per decéncia democratica.
 
Es un messatge d’òdi, amb tota la volontat de crear l’òdi. Es un acte ont participan de menors, qu’an assistit coma una causa normala a l’orgia de violéncia descadenada contra çò que representi. Es un acte indigne, impròpri de cap de societat civilizada.
 
Mon engatjament es l’independéncia, la democracia, la libertat. Cap d’aqueles engatjaments merita pas un fusilhament ni un cremament, almens dins una societat civilizada. Planhi fòrça que lo PSÒE participe a un acte d’òdi tan visceral e inuman.”
 
Lo messatge de Puigdemont se clava amb una acusacion dirècta contra los promotors de l’aplicacion de l’article 155 de la Constitucion per cancelar las institucions de Catalonha (PSÒE, PP e Ciutadans) e als que cridavan “Sus eles, oè” (A por ellos, d’inspiracion fotbolaira) als policièrs que partiguèron devèrs Catalonha per reprimir lo referendum d’independéncia del 1r d’octòbre passat.
 
 
Denóncia de la Generalitat
 
Lo president de la Generalitat en foncions, Quim Torra, a anonciat que la Generalitat depausarà una denóncia. Segon Torra, l’acte es “intolerable” e li provòca un “fàstic extrèm”.
 
 
 




 




abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

"Tàrrega" Igualada (PP.CC.)
14.

Es la habitual actitud dels ispans, no donen res a canvi de res, i si volem llibertat haurem d'aguantar insults, i vexacions així, però que faixin això i que ho faixin veure a la canalla, diu molt del que passa a allí, que mes els passa pel cap!? Que sàpiga els catalans no fem aquestes coses i si algú en fa li diem...això no.
Però ells tenen han borrat la decència del seu ADN, i volen fer el que volen, potser es conseqüència de no haver acabat amb l'antic règim al 1945,i ara hi ha un problema...
Que algú pensi cony!
Visca la Terra...Lliure!
L'Ernest, "El Tàrrega".

  • 1
  • 0
Hilh
13.

Solide que ns'estimam mei véser lo deus espanhòus que non pas lo deus catalans per'mor que ns'avienem mei dab los catalans qui son com nosauts en ua situacion de minoritat e per'mor qu'am dab eths ligams culturaus e militants particulars. Totun s'èm un chic imparciaus que vesem bèth drin viste que son harts d'aquera cresença. Que pòts espiar lo comentari devath lo pòste fb d'aqueste article e qu'i veiràs çò qui vesen tostemps quan legen las pajas catalanistas o que batalan dab eths.

  • 0
  • 5
Hilh
12.

#11 segur que n'i a un tanben carrejat per l'espanhòlisme non disi pas lo contrari. Totun quan disès: lo racisme en Espanha qu'ei sustot anti-catalan aquiu que maniqueavas l'ahar. Malurosament l'ahar Catalonha / Espanha qu'ei entecada per duas percepcions de superioritat e d'inferioritat de l'auta part. Que seré faus de díser que n'ei pas sonque açò mes qu'ei tanben açò.

  • 0
  • 4
Pitaluga
11.

#10 Aquò del sentiment de superioritat catalan es tanben un rasonament primari e maniquean. Aqueste sentiment de superioritat es plan espandit en Castelha, pels meteisses "prepotentes" coma se ditz en espanhòl, e me gardarai plan de generalizar. E aquò data pas d'ièr! "Castilla desprecia cuánto ignora" escriguèt Antonio Machado.

  • 3
  • 0
Hilh
10.

#9 Malurosament qu'ei un imatge maniquean dont los quites catalonhistas e son convençuts pr'aquò la causas, com tostemps, e son mei complicadas. Que i a per la societat catalana un vertadèr e potent sentiment de superiotat segon loquau e serén la punta civilizada d'ua Espanha endarrerada. Pensi qu'estó un cliché desvolopat peus elèits catalans, bahida cap a las massas espanhòlas qui'us servín de luppen-proletariat. Pr'aquò malurosament qu'ei ua de las pèiras sosjacentas de l'identitat nacionau catalana e que s'ei difusada capvath lo pòble, capvath Diu me dau los quites progressistas catalans.

  • 0
  • 2

Escriu un comentari sus aqueste article