Actualitats
Es dobèrta l’inscripcion a la Jurada per intrar en formacion d’ensenhaire a Calandreta
L’establiment Aprene ven de dobrir l’examen per intrar en formacion e venir ensenhaire del ret d’escòlas associativas occitanofònas. Los candidats an fins al 2 de junh de 2019 per s’i inscriure
L’establiment Aprene, que forma los ensenhaires de las escòlas Calandreta, ven de dobrir la Jurada, çò es l’examen per intrar en formacion e venir ensenhaire del ret d’escòlas associativas occitanofònas. L’inscripcion se fa a partir del sit aprene.org, ont tanben i a totas las entresenhas per ne saber mai d’aquesta formacion intensiva e exigenta. La pedagogia cooperativa de dobertura multiculturala e interlingüistica es al còr de la formacion.
Aprene es un establiment d’ensenhament superior e la formacion que prepausa es de mai en mai reconeguda per sa capacitat a formar lo mond al mestièr d’ensenhaire en immersion e de transmeteire de la lenga occitana.
Los candidats an fins al 2 de junh de 2019 per s’i inscriure.
Es pas un concors
La Jurada es una avaloracion diagnostica dobèrta a totes los qu’an lo desir d’ensenhar dins una escòla Calandreta. Es pas un concors.
Las Calandretas son d’escòlas ont la lenga ensenhanta es l’occitan. Los mainatges escolarizats a Calandreta son en majoritat d’ostals francofòns. La problematica prepausada als regents de las Calandretas es de trasmetre la lenga occitana viva de biais natural en prepausar una immersion tan completa coma possible a l’escòla. En mai de la lenga, trasmeton a l’encòp la cultura d’òc.
Datas de la Jurada 2019
Aprene es un establiment d’ensenhament superior e la formacion que prepausa es de mai en mai reconeguda per sa capacitat a formar lo mond al mestièr d’ensenhaire en immersion e de transmeteire de la lenga occitana.
Los candidats an fins al 2 de junh de 2019 per s’i inscriure.
Es pas un concors
La Jurada es una avaloracion diagnostica dobèrta a totes los qu’an lo desir d’ensenhar dins una escòla Calandreta. Es pas un concors.
Las Calandretas son d’escòlas ont la lenga ensenhanta es l’occitan. Los mainatges escolarizats a Calandreta son en majoritat d’ostals francofòns. La problematica prepausada als regents de las Calandretas es de trasmetre la lenga occitana viva de biais natural en prepausar una immersion tan completa coma possible a l’escòla. En mai de la lenga, trasmeton a l’encòp la cultura d’òc.
Datas de la Jurada 2019
— Inscripcion: fins al 2 de junh.
— Entreten oral: l’11 de junh a Tolosa e lo 13 de junh a Besièrs.
— Espròvas escrichas: lo 19 de junh a Besièrs e Tolosa.
— Entreten oral: l’11 de junh a Tolosa e lo 13 de junh a Besièrs.
— Espròvas escrichas: lo 19 de junh a Besièrs e Tolosa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amb aquò, l'occitan natiu se sent pas capable de le transmetre, que l'à pas aprés a l'escòla, e encara mens a l'ensenhar. Perqué faire complicat quand se posquèsse faire simple?
E se se pèrde, es en causa de l'Estat parisenc...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari