Lo cantador niçard d’expression francesa Dick Rivers nos quitèr ier, lo jorn exacte de son 74n anniversari, a causa d’un càncer. Es estat una de las figuras clau del ròck-n-roll en francés al costat de Johnny Hallyday e d’Eddy Mitchell.
 
Nascut Hervé Fornieri, tirèt son nom artistic d’un personatge del filme Loving You interpretat per Elvis Presley.
 
Comencèt d’èsser conegut en 1961, tre sos 16 ans, amb lo grop Chats Sauvages, mai que mai per la cançon “Ma p’tite amie est vache”. Puèi comencèt de trabalhar en solo amb un album entitolat Je ne suis plus rien sans toi (1964). A publicat mai d’un vintenat de disques fins a l’an 2014.
 
A la fin dels ans 1960, arribèt un temps malaisit per Dick Rivers, mas el contunhèt d’enregistrar, amb qualques succèsses coma “Nice, baie des anges” (1984), un omenatge nostalgic a sa vila de naissença devèrs los ans 1960. En 1995, après 19 ans d’abséncia, tornèt  suls emponts.