Actualitats
L’èx-president del Barça relaxat en justícia après dos ans de preson preventiva
Sandro Rosell e son sòci andorran Joan Besolí an passat 643 jorns en preson, mas los procuraires an pas pogut demostrar las acusacions d’emblanquiment d’argent e de comissions illegalas
La justícia espanhòla relaxèt dijòus passat l’èx-president del Fotbòl Club Barcelona, Sandro Rosell, e son sòci andorran Joan Besolí. Après qu'aguèron passat gaireben dos ans en preson preventiva (643 jorns), la jutgessa Carmen Lamela los a relaxats de totas las cargas que pesavan contra eles. Los procuraires an pas pogut demostrar las acusacions d’emblanquiment d’argent e de comissions illegalas. Aquel temps de preson preventiva lo passèron un an a Madrid e calguèt esperar fins al mes de julhet passat per que foguèsson menats dins una preson de Catalonha.
Los a jutjats l’Audiéncia Nacionala, un naut tribunal d’excepcion espanhòl especializat sustot en delictes de terrorisme. La jutgessa que decidiguèt lor preson provisòria, es la que decidiguèt lo meteis sòrt pels presonièrs politics catalans Jordi Cuixart e Jordi Sànchez e la que decidiguèt que foguèsson jutjats per terrorisme los uèch joves d’Altsasu.
Una jutgessa polemica
Lo sistèma judiciari de l’estat espanhòl met pas jamai en question las accions dels jutges. Per tant, la jutgessa Carmen Lamela deurà pas respondre d’aquela longassa preson preventiva injusta. Mas es pas lo sol escàndol d’aquela jutgessa, que recebèt la decoracion de la Crotz d’Argent del Merit de la Gàrdia Civila e la medalha del Merit Policièr de part del ministre espanhòl dels afars interiors doas setmanas après aver encarcerat Cuixart e Sànchez.
Es tanben coneguda per aver relaxat l’òme d’afars Florentino Pérez, que son projècte sonat Castor provoquèt de tèrratrems de 3.4, 3.6, 3.9, 4.1 e 4.2 grases de l’escala de Richter, en ensajar d’aprofechar lo gas d’un ancian potz de petròli a 1750 mètres jos la mar Mediterranèa.
En mai de tot aquò, la jutgessa vegèt de terrorisme dins las activitats del grop anarquista vegan Straight Edge de Madrid. Dos activistas passèron mai d’un an en preson provisòria dins de condicions plan sevèras, e puèi foguèron reconeguts innocents.
Una apelacion del ministèri public espanhòl
Après l'anóncia del verdicte, lo ministèri public espanhòl a assolidat qu'estudiava una possibla apelacion.
Los a jutjats l’Audiéncia Nacionala, un naut tribunal d’excepcion espanhòl especializat sustot en delictes de terrorisme. La jutgessa que decidiguèt lor preson provisòria, es la que decidiguèt lo meteis sòrt pels presonièrs politics catalans Jordi Cuixart e Jordi Sànchez e la que decidiguèt que foguèsson jutjats per terrorisme los uèch joves d’Altsasu.
Una jutgessa polemica
Lo sistèma judiciari de l’estat espanhòl met pas jamai en question las accions dels jutges. Per tant, la jutgessa Carmen Lamela deurà pas respondre d’aquela longassa preson preventiva injusta. Mas es pas lo sol escàndol d’aquela jutgessa, que recebèt la decoracion de la Crotz d’Argent del Merit de la Gàrdia Civila e la medalha del Merit Policièr de part del ministre espanhòl dels afars interiors doas setmanas après aver encarcerat Cuixart e Sànchez.
Es tanben coneguda per aver relaxat l’òme d’afars Florentino Pérez, que son projècte sonat Castor provoquèt de tèrratrems de 3.4, 3.6, 3.9, 4.1 e 4.2 grases de l’escala de Richter, en ensajar d’aprofechar lo gas d’un ancian potz de petròli a 1750 mètres jos la mar Mediterranèa.
En mai de tot aquò, la jutgessa vegèt de terrorisme dins las activitats del grop anarquista vegan Straight Edge de Madrid. Dos activistas passèron mai d’un an en preson provisòria dins de condicions plan sevèras, e puèi foguèron reconeguts innocents.
Una apelacion del ministèri public espanhòl
Après l'anóncia del verdicte, lo ministèri public espanhòl a assolidat qu'estudiava una possibla apelacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Acusan lo mond per los embrenar. Apuèi los acusats son declarats innocents mas, rai per aquela "justícia": demòran embrenats.
Qual es que disiá: "Mentissetz, mentissetz, ne demorarà totjorn quicòm"? Me sembla qu'èra un dirigent d'un regim pas gaire recomandable. Resultat: los castelhans veson la palha qu'i a dins los uèlhs dels catalans, e sovent, coma dins aqueste cas i a pas cap de palha, e refusan de veire la biga qu'an dins los lors.
E i a mai qu'en Espanha que s'aplica aquesta recepta.
Acusan lo mond per los embrenar. Apuèi los acusats son declarats innocents mas, rai per aquela "justícia": demòran embrenats.
Qual es que disiá: "Mentissetz, mentissetz, ne demorarà totjorn quicòm"? Me sembla qu'èra un dirigent d'un regim pas gaire recomandable. Resultat: los castelhans veson la palha qu'i a dins los uèlhs dels catalans, e sovent, coma dins aqueste cas i a pas cap de palha, e refusan de veire la biga qu'an dins los lors.
E i a mai qu'en Espanha que s'aplica aquesta recepta.
Roselh ficat 643 jorns a la preson per l'audiència nacionala, lo tribunal d'Ordre Public franquista , perquè lo Barça estava a favor del procés. Amb la jutja Lamela coma protagonista.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari