Actualitats
Los socialistas ganhan las eleccions en Espanha del temps que l’independentisme s’impausa en Catalonha
Per constituir un govèrn, Pedro Sánchez deu causir entre far un pache amb Ciutadans o lo far amb Podèm e los independentistas catalans
Lo Partit Socialista (PSÒE) de Pedro Sánchez a ganhat las eleccions legislativas de l’estat espanhòl dins una jornada electorala d’una participacion recòrd (un 75,79%). La possibilitat d’un pache de la drecha extrèma del Partit Popular (PP) e de Ciutadans (C’s), amb l’ultradrecha de Vox, es estada desactivada. Malgrat l’espelida de l’ultradrecha de Vox e la pojada de C’s, la fòrta revirada del PP empacha que i aja pro de deputats per far un govèrn. Ara, per constituir un govèrn, Pedro Sánchez deu causir entre far un pache amb C’s o lo far amb Podèm e los independentistas catalans.
En Catalonha, ont l’independentisme s’es impausat, la participacion a atench un recòrd istoric (un 77,60%).
Cinc presonièrs politics son elegits
Amb 22 sètis de deputats, en plaça 17 a las eleccions precedentas, l’independentisme es estat amplament l’opcion pus votada en Catalonha. De soslinhar la victòria istorica d’ÈRC, primièra fòrça amb 15 deputats, que prepausa una via pus moderada devèrs l’independéncia. Amassa per Catalonha (JxCAT) a patit una leugièra reculada d’un sèti per comparason amb los resultats anteriors del PdeCAT (8 sètis), mas a pogut resistir a las reviradas que pronosticavan los sondatges e la campanha per deslegitimar Puigdemont. L’esquèrra independentista del Front Republican a pas obtengut pro de vòtes per daverar un mandat de deputat. Cinc presonièrs politics son elegits: quatre deputats e un senator (las eleccions legislativas e senatorialas se tenián lo meteis jorn).
Resultats en Aran
En Aran, per contra, lo Partit Socialista (PSÒE) es lo partit pus votat amb lo 28,29% dels vòtes, seguit de Ciutadans amb un 16,86%. ÈRC a obtengut gaireben lo 15% dels vòtes, mas l’ensems de tot l’independentisme atench un pauc mai del 25%.
De soslinhar qu’en Aran i aurà tornarmai d’eleccions, lo 26 de mai que ven. Al costat de las eleccions al Parlament Europèu, se tendràn tanben las eleccions municipalas (que se debanaràn dins tot l’estat espanhòl) e s’elegirà lo Conselh General, es a dire, lo govèrn del país que foguèt restaurat en 1990 après 156 ans d’inactivitat, e qu’ara es refortit amb la nòva Lei d’Aran.
Se se repetissián aquestes resultats, la lista esquerrista Aran Amassa de Mireia Boya poiriá obténer lo 28,47% dels vòtes a egalitat amb Unitat d’Aran de Paco Boya. Mas lo sistèma d’eleccion per terçons e lo fach que las eleccions al Conselh General d’Aran rebatan pas las espanhòlas pòdon far cambiar completament lo resultat.
Eleccions al País Valencian
Per quant a eles, los valencians votavan tanben per lor govèrn regional e segon los primièrs resultats venon de confirmar lo pache del Partit Socialista amb l’esquèrra de Podèm e lo valencianisme de Compromís. Ça que la, lo compte se deu far après de lo de las eleccions espanhòlas, e los resultats definitius arribaràn pus tard.
En Catalonha, ont l’independentisme s’es impausat, la participacion a atench un recòrd istoric (un 77,60%).
Cinc presonièrs politics son elegits
Amb 22 sètis de deputats, en plaça 17 a las eleccions precedentas, l’independentisme es estat amplament l’opcion pus votada en Catalonha. De soslinhar la victòria istorica d’ÈRC, primièra fòrça amb 15 deputats, que prepausa una via pus moderada devèrs l’independéncia. Amassa per Catalonha (JxCAT) a patit una leugièra reculada d’un sèti per comparason amb los resultats anteriors del PdeCAT (8 sètis), mas a pogut resistir a las reviradas que pronosticavan los sondatges e la campanha per deslegitimar Puigdemont. L’esquèrra independentista del Front Republican a pas obtengut pro de vòtes per daverar un mandat de deputat. Cinc presonièrs politics son elegits: quatre deputats e un senator (las eleccions legislativas e senatorialas se tenián lo meteis jorn).
Resultats en Aran
En Aran, per contra, lo Partit Socialista (PSÒE) es lo partit pus votat amb lo 28,29% dels vòtes, seguit de Ciutadans amb un 16,86%. ÈRC a obtengut gaireben lo 15% dels vòtes, mas l’ensems de tot l’independentisme atench un pauc mai del 25%.
| Partit Socialista (PSÒE) | 28,29% |
| Ciutadans(Cs) | 16,86% |
| Èsquerra Republicana de Catalonha (ÈRC) | 14,94% |
| Podèm | 12,39% |
| Amassa per Catalonha (JxCat) | 9,15% |
| Partit Popular (PP) | 8,85% |
| Vox | 6,63% |
| Partit Animalista (Pacma) | 1,39% |
| Front Republican | 1,14% |
| D’autres | 0,36% |
De soslinhar qu’en Aran i aurà tornarmai d’eleccions, lo 26 de mai que ven. Al costat de las eleccions al Parlament Europèu, se tendràn tanben las eleccions municipalas (que se debanaràn dins tot l’estat espanhòl) e s’elegirà lo Conselh General, es a dire, lo govèrn del país que foguèt restaurat en 1990 après 156 ans d’inactivitat, e qu’ara es refortit amb la nòva Lei d’Aran.
Se se repetissián aquestes resultats, la lista esquerrista Aran Amassa de Mireia Boya poiriá obténer lo 28,47% dels vòtes a egalitat amb Unitat d’Aran de Paco Boya. Mas lo sistèma d’eleccion per terçons e lo fach que las eleccions al Conselh General d’Aran rebatan pas las espanhòlas pòdon far cambiar completament lo resultat.
Eleccions al País Valencian
Per quant a eles, los valencians votavan tanben per lor govèrn regional e segon los primièrs resultats venon de confirmar lo pache del Partit Socialista amb l’esquèrra de Podèm e lo valencianisme de Compromís. Ça que la, lo compte se deu far après de lo de las eleccions espanhòlas, e los resultats definitius arribaràn pus tard.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Oc la Magnifica Nacion Catalana, coma pasa una lapida de la gleisa de Sant Francesc de l'Alguer. Los occitans son ma segona lenga e cultura estimada. E lo Govern de París e Madrid son los darriers.
#2 Ma Magnifica Nacion Catalana ? Vòles dire, la que va de Leucata a Guardamar e de la Franja a l'Alguer, supausi ?
En Rufan ERC qu'ha ganhat las eleccions a Catalunha es lo qu' hauria de dialogar directament amb Pedro Sanchez e anar a cercar la sortida dels presos politics e la tornada dels exil·liats. Açò es pot aconseguir dins la constitucion. E tamben lo reconeissement de la Magnífica Nacion Catalana, lo concert econòmic, las seleccions esportivas, lo blindage de la lenga e la Cultura Catalana.
Sense Puigdemont e lo Partit Junts per Catalunya, que non ha guanhat, la gent ha castigat la seva caperrudesa, e insensibilitat amb los catalans d'ERC qu' estan en preson que son la majoria.
Unas eleccions importantas,uns resultats bons. Esquerra Republicana ha ganhat a Catalunya.
Dialogar dins la Constitucion es lo que diset Pedro Sanchez quan es guanyador guanhador.
Primier: Laissar en libertat provisional als presos politics, i que pugan tornar los exil·liats. No hi ha cap problema per la Constitucions.
Segon: Reconeissement de la Nacion Catalana e Basca, e Galicia tamben es una nacion. La Nacion Castellana es podria dir que tamben es una nacion que ja està reconeguda com la lenga e la Nacion Espanhola.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari