Actualitats
Lo Conselh Electoral d'Espanha a exclús Puigdemont de sa candidatura a las eleccions europèas
Segon l'avocat Gonzalo Boye, la "jurisprudéncia europèa empacha l’exclusion dels candidats". Per tant, aquela decision poiriá "menar las eleccions europèas a la nullitat"
La senténcia arribèt diluns passat après una denóncia facha pel Partit Popular e per Ciutadans, qu'argumentavan que podián pas èsser elegibles a causa de lor situacion judiciària de rebellion.
Lo Conselh Electoral argumentèt pas sa decision mas anoncièt diluns que tot simplament aviá acceptat las denóncias dels partits espanholistas en autrejant dos jorns per que se presentèsse un recors e en demandant que se tornèsse far la lista dels candidats abans lo meteis diluns a 18h.
L'avocat Gonzalo Boye anoncièt que depausarián un recors davant la Cort de Justícia de l'Union Europèa e la Cort Europèa dels Dreches Umans, après agotar la via intèrna espanhòla. "Aquel sòrta de causas arriban normalament dins de païses del Tèrç Mond", çò diguèt Boye. E mai, lo jurista precisèt que segon la "jurisprudéncia europèa, se pòt pas exclure los candidats". Per tant, segon Boye, la decision del Conselh Electoral espanhòl poiriá "menar las eleccions europèas a la nullitat".
En mai d'aquò, Boye remembrèt que demest los elegits dimenge al parlament espanhòl, i aviá cinc presonièrs politics, que l’exiliat Lluís Puig èra elegible al Senat, e tanben que Clara Ponsatí èra candidata a la comuna de Barcelona per las municipalas del 26 de mai que ven, sens que sa candidatura foguèsse rebutada.
Esquèrra Republicana de Catalonha (ÈRC) a mostrat sa solidaritat amb Puigdemont, Comín e Ponsatí: "Vòlon amudir l’independentisme, mas respondrem a las urnas tantes còps coma caldrà".
Carles Puigdemont se revendica “ciutadan liure de l’Union Europèa” en tot remembrar que sèrva totes sos dreches politics. “S’un estat membre enebís a un ciutadan d’èsser candidat, viòla totas las règlas de la democracia”, çò recordava quand se presentèt a l'èurocambra. E mai precisava qu'en cas que venguèsse deputat europèu, tornariá en Catalonha, car auriá l’immunitat parlamentària. Benlèu aquò es çò que las autoritats espanhòlas vòlon evitar.
És un fet gravíssim
— Jaume Alonso-Cuevillas (JACS) (@cuevillasjacs) 29 d’abril de 2019
Sabien que no podrien frenar l’elecció del MHP @KRLS i opten per impedir-ne la candidatura vulnerant tots els drets imaginables
Apartar Puigdemont i tot el que representa és una operació d’estat
Però no defallirem
https://t.co/wFymRwTG0e
| COMUNICAT |
— Junts per Catalunya (@JuntsXCat) 29 d’abril de 2019
‼ La Junta Electoral Central espanyola ha comunicat que accepta el recurs presentat per PP i C's i exclou de la candidatura de Junts per Catalunya – Lliures per Europa els tres primers candidats: el president @KRLS i els consellers @toni_comin i @ClaraPonsatipic.twitter.com/wURJ4G7nKr
L'Estat només sap limitar drets. @KRLS, @toni_comin i @ClaraPonsati s'han de poder presentar a les europees. Volen silenciar l'independentisme, però els contestarem a les urnes les vegades que calgui! Tot el nostre suport i solidaritat davant aquesta decisió injusta i arbitrària! https://t.co/q0bQTv9qLP
— Esquerra Republicana (@Esquerra_ERC) 29 d’abril de 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara i a agut eleccions e an ganhat los d'ERC qu'a tret tres cops mai diputats. Los de Junts per Catalunya no han analisats els resultats ni li an donat importancia, coma se non agués agut eleccions. Els amb son faraon a Brussel·les que diu lo qu'an de far, ara an sortit amb no se quin conte del compta contes que dura mai d'un an e mieg. A la merda ! Junqueras a de parlar amb Pedro e Iglésias en principi dins la constitucion, se non donàs resultats alavets veiriem.
#1 Euròpa es liberala e son objectiu es de perenizar lo liberalisme : donc, qué fa Euròpa ? Enriquís los rics en aparaurissent e precarizant los paures, ni mai, ni mens. E de tot çò mai, fin finala, se'n chauta. Plan segur !
Espanha tots sabem lo qu' es. Mas Catalunya es pas Puigdemont ni Junts per Catalunya, qu' han pas guanhat las eleccions e qu'ara toca a Rufan ERC coma partit mai votat prendre la direccion per negociar amb Madrid.
Encara una gautada a la democracia qu'a pas besonh d'aquò. E Euròpa farà encara la sorda? Puigdemont es estat elegit democraticament coma president de Catamonha e coma deputat europèu. Tota falsièra per dire lo contrari es de marrida fe.
Miélher atau benlèu non vei pas en quau país Puidgi e poderé estar elegeder en tot estar acusat per la justícia e en ajant huejut lo procès.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari