Actualitats
Depausan una iniciativa ciutadana per que l’UE sancione Espanha per mancar a l’estat de drech
La campanha l’a presentada Carles Puigdemont, acompanhat de qualques unes de sos ministres en exili e de l’elegit occitan Gérard Onesta
L'iniciativa demanda a la CE d’aplicar l’article 7 del Tractat de l’Union Europèa en sancionant Espanha. Aquel article permet de punir un estat membre quand contraven als principis de l’UE. Ara, Brussèlas a dos meses de relambi per dire s’accèpta l’enregistrament de la campanha. Se l’UE l’acceptava pas, la portarián a la Cort de Justícia de l’Union Europèa. Segon Puigdemont, aquela mesura es un biais d’interpelar los ciutadans europèus, e una escasença per Espanha de refortir son estat de drech.
La campanha es lançada amb la signatura de sèt ciutadans de sèt estats membres: Finlàndia, Suècia, França, Eslovènia, Espanha, Alemanha e Belgica. A mai, an soslinhat que serà finançada unicament amb de fonzes privats donats per de ciutadans e d’associacions sens tòca lucrativa.
La peticion denóncia las violacions de dreches fondamentals en Catalonha de part del govèrn espanhòl, compresa la violacion de la “dignitat umana, de la libertat, de la democracia, del respècte egalitari dels dreches umans e de las minoritats”.
Demest los exemples expausats, i a la decision del Conselh Electoral espanhòl d’empedir que Puigdemont, Comín e Ponsatí se presenten a las eleccions europèas. Mas tanben planhon tanben un “emplec illegitim” d’Espanha dels mandats d’arrèst europèus contra d’independentistas.
Un an per aténher un milion de signaturas
Segon las nòrmas de l’Union Europèa, dins la primièra fasa, la Comission Europèa a d’acceptar l’enregistrament d’una iniciativa se constata qu’es pas en defòra del quadre de sas competéncias, “s’es pas manifèstament abusiva, frivòla o temerària” e se contraven pas als principis e valors de l’UE. Se l’accèpta, los impulsors auràn d’amassar un milion de signaturas dins un relambi de dotze meses. Los signataris devon èsser de ciutadans d’almens sèt estats de l’UE.
“Ara es ora de demostrar lo poder dels ciutadans”, çò a dich Puigdemont. “Los ciutadans catalans, inquiets per la regression de lors dreches, s’adreiçan als autres ciutadans europèus per que nos ajuden amb lor signatura a defendre, d’un biais egoïsta, tanben lor democracia e lors dreches”, çò a precisat.
Le Conseil pour la République de #Catalunya et l’#ANC déposent une #InitiativeCitoyenne pour que la Commission Européenne défende enfin la #Démocratie dans l’#UE. Objectif : un million de signatures❗️
— Gérard Onesta (@OnestaGerard) 2 de maig de 2019
Grand honneur d’en être le coréférent.
Droits Fondamentaux, partout, pour tous. pic.twitter.com/MHawNz1Z8Q
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quan Paca la culona faguet lo cop d'estat, i avia los nazis a Alemanha e En Mussol a Italia. Mas ara non. l'UE té una justicia democràtica e Espanha continua coma abans, non se faguet la transicion democràtica sustot en lo constitucional e lo supren, los canviaren lo nom e res pus.
#8 tiò qu'ei vertat qu'escrivi en Gascon mès quan leguexi un teste en Castelhan o en Catalan que compreni pormor que son lengas neòlatinas coma Gascon e Occitan lengadocian n'ei pas complicat eths italians quan parlan dab un Arroman (roumain) que comprenen sense problèma per autant son duas lengas diferents !
#7 Mas ? S'escrives pas en occitan, pensas que t'anam compréner ?
#4 que leguexi en aqueth petit jornau eths comentaris , jo que pòrti ua contradiccion eras vòstas ideias
que son hèra numeros eths lenguistas qu'ac disen eth Gascon n'ei pas "occitan " aras suas especifisitats que son tròp importantas per arrapòrt aths autes parlars de lenga d'òc , que preni un etsemple simple en Catalonha , Espanha, Italia,Pòrtugau entà diser òc que disen "si" per autant era sitania n'etsista pas donc er'occitania qui amassa era Gasconha tanpòc , qu'i avéva eths pais de lenga d'òc e'th Gascon desempuix era sua vajuda qu'èra diferent deths autes parlars deth sud de França d'alhurs eths concors literaris deras 'leis d'amor' qu'arrefusavan eths testes en Gascon déja en aquesta epòca eths escrivans lengadocians qu'aven compres qu'eth Gascon era un lengatge estranh ! adixatz .
#4 Es çò qu'anavi dire.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari