Actualitats
Lo movement #WePark es arribat a Tolosa
De joves entrepreneires installan la taula e l’ordenador per carrièras sus una plaça de pargatge paganta per denonciar lo prètz astronomic de l’immobiliari de burèu
Començar un afar es complicat, mai que mai s’avèm de besonh un local o un burèu que podèm pas pagar. Es totjorn mens car d’installar la taula e l’ordenador per carrièras sus una plaça de pargatge paganta. Es atal que comencèt lo movement #WePark, a l’iniciativa del jove entrepreneire californian Victor Pontis que denonciava sus Twitter lo prètz astronomic de l’immobiliari de burèu. Ara aquel movement es arribat a Tolosa.
Robert Kneller, Maithe Quintana, Tarak Bach-Hamba, Valentin Décarpentrie e Boris Mounet son de joves entrepreneires qu’an fondat l’start-up Ikigai que prepausa de logicials e de servicis pels nòus entrepreneires. Los poiretz trobar en trabalhant sus una plaça de pargatge sus la Carrièra Antòni de Vila, al centre de la Ciutat Mondina. Amb dos taulas e d’ordenadors portables que captan lo wifi, trabalhan en plen aire per 1,50 èuro per ora, valent a dire çò que còsta lo tiquet de pargatge. “Volèm lançar lo movement en França”, çò disiá Décarpentrie a 20 minutes. “Çò mai dur quand se crèa son entrepresa, es de passar d’un a plusors, de restar pas isolat dins son canton. Pr’aquò, los prèses son tròp nauts e lo sector de l’immobiliari lòga pas a una entrepresa que se lança”, çò precisa.
La còla d’Ikigai a finalament trobat de burèus justament en Carrièra Antòni de Vila, mas es pas estat aisit. Mentretant, an jonch lo movement #WePark en esperant que lor combat ajudarà a d’autres joves entrepreneires. Atal, los rescontraretz encara de temps en temps en installant lo burèu sus una plaça de pargatge, e en pagant 1,50 èuro per ora.
Robert Kneller, Maithe Quintana, Tarak Bach-Hamba, Valentin Décarpentrie e Boris Mounet son de joves entrepreneires qu’an fondat l’start-up Ikigai que prepausa de logicials e de servicis pels nòus entrepreneires. Los poiretz trobar en trabalhant sus una plaça de pargatge sus la Carrièra Antòni de Vila, al centre de la Ciutat Mondina. Amb dos taulas e d’ordenadors portables que captan lo wifi, trabalhan en plen aire per 1,50 èuro per ora, valent a dire çò que còsta lo tiquet de pargatge. “Volèm lançar lo movement en França”, çò disiá Décarpentrie a 20 minutes. “Çò mai dur quand se crèa son entrepresa, es de passar d’un a plusors, de restar pas isolat dins son canton. Pr’aquò, los prèses son tròp nauts e lo sector de l’immobiliari lòga pas a una entrepresa que se lança”, çò precisa.
La còla d’Ikigai a finalament trobat de burèus justament en Carrièra Antòni de Vila, mas es pas estat aisit. Mentretant, an jonch lo movement #WePark en esperant que lor combat ajudarà a d’autres joves entrepreneires. Atal, los rescontraretz encara de temps en temps en installant lo burèu sus una plaça de pargatge, e en pagant 1,50 èuro per ora.
#WePark#Toulouse 2nd edition is LIVE! Join us for a drink until 5:30PM adress: https://t.co/GzxmWuYuB3 START 15h30! pic.twitter.com/nW6B7PFEQk
— Valoo (@valdecarpentrie) May 3, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es veritat, cal se bolegar per aconseguir las causas.
N'i a d'idèias, de potenciau, d'envejas dinc nòstra societat. E me fai gaug d'o constatar chasca jorn sus los sites alternatius d'enformacion coma lo vòstre. Gramecí Jornalet !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari