Microsoft aviá capitat amb fòrça succès que Windows 8 foguèsse un sistèma operatiu de plan mal de piratejar, e mai se i aviá una opcion. Mas a l’ora d’ara, Microsoft o a fach plan aisit, sens o voler.

A la fin d’agost, qualques usatgièrs obtenguèron una version finala de Windows 8 que permetiá d’utilizar de còdes d’activacion d’autras companhiás, per certans servicis que permetián d’activar una còpia del sistèma operatiu temporàriament.
 
Aqueles còdes activavan la còpia piratejada de Windows 8 pendent 180 jorns. Ça que la, las caliá reactivar cada sièis meses. I a ara un nòu sistèma qu’es arribat dirèctament de Microsoft, per error, que fa que la còpia siá completa.
 
Lo gigant de Redmond a ofèrt una actualizacion de Media Center als usatgièrs de Windows 8 Pro fins en genièr. Es aicí que los piratas an descobèrt que lo còde que l’acompanha activa de manièra completa la còpia de Windows 8 qu’abans lo caliá reactivar cada sièis meses.
 
The Vergea confirmat qu’es possible de descargar una còpia illegitima de Windows 8, de l’activar de faiçon illegitima amb los primièrs còdes e, après, de metre a jorn vèrs la version completa mercés a l’actualizacion de Media Center qu’ofrís Microsoft.