Lo castèl de la Tor sus Sòrga, un actor del patrimòni viu de Roergue Sud
Dempuèi los ans 1990, l’associacion dels Amics del Castèl de la Tor lo gerís e se tracha de sa restauracion. L’associacion prepausa d’apartaments e de grandas salas de logar al dintre del quite castèl
Quora castèl fòrt, quora bòria, lo castèl medieval de la Tor sur Sòrga en Santafrican rebofa d’istòria. Amb mai de mila ans d’existéncia, lo castèl a un molon de causas de far descobrir. Al dintre del bastiment se trapa de fenèstras romanicas, un plafon de las fustas pintadas del sègle XVIn e tanben se pòt montar sus la tor medievala per profechar d’un panorama sus la valada de Sòrga.
Dempuèi los 1990, l’associacion dels Amics del Castèl de la Tor lo gerís e se tracha de sa restauracion. Son los benevòls de l’associacion dempuèi 27 ans qu’an restaurat de cap e fons lo castèl. Uèi, l’associacion prepausa d’apartaments e de grandas salas de logar al dintre del quite castèl.
Es possible, lo temps de las vacanças, de venir de vertadièrs castelans. Las salas se lògan per mai d’una rason coma de maridatges, de fèstas d’anniversari, de seminaris... De mai, lo castèl se vistalha de junh a octòbre. Tre lo mes de julh e fins a la debuta de setembre, lo castèl es dobèrt a la vesita cada jorn de 14h a 18h. De jòcs jos la forma d’enquistas son botats en plaça pel castèl (per enfants e per adolescents e adultes).
L’annada tota, l’associacion, amb la collaboracion d’autras associacions localas, porgís mai d’una animacion, coma d’estagis de iòga, de concèrts, d’obradors de terralha, d’escritura, de teatre o tanben de nocturnes (vesita-espectacle pendent l’estiu), preparadas pendent l’annada pels benevòls de l’associacion. Los benevòls e los guidas son a la disposicion de cadun per far descobrir las animacions e l’istòria del castèl, un actor vertadièr del patrimòni viu de Roergue Sud al pè de Larzac.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Casteth polit e interessent, coma n'auem fòrça en tot eth airau occitan. Totis e cada un, ara sua manèra, pòrten com uns libes de peiras, un beth tròç deth auviatge deth país.
Çò que mès m'estranha ací, qu'ei era fòrma e contengut deth article : non m'ac aueriài cap pensat torbar-ne un atau en Jornalet.
Qu'em deisha pensar ad'aqueras arrevistas regionaus sus "Le riche et attachant patrimoine de nos belles provinces de France". Eth madeish documentari filmat se pòt veir entà d'un "Manoir de Normandie (présence du fantôme anglais optionnelle moyennant réservation)". Idem en Bourgogne, e dilhèu qu'aueriem agut eth plasèr d'ausir "au mens" eth accent borguinhon !
Que acíu en Roergue (pardon : sudAveyron -12- !!!!) pas un mòt d'occitan ! ni era mès petita evocacion dera lenga locau (maugrat qu'ac diden mès sauvada qu'en d'autis lòcs d'Occitània !)
Sembla que çò d'important, qu'ei d'auer hèt arreclam entath logatge de crambas e salas... Ben-ben, en nòste patrimoni istoric bastit qu'auerià de valor sustot coma "tourisme rural Haut de Gamme" ???
Qu'ei atau que dam arrasons e arguments entàths qui nos diden qu'em " ploucs, incultes et arriérés"
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
Polit airal, polit castèl ! Na Delgà i pòt anar escampar qualques saquetons de Tolzes per melhorar la mesa en valor !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Casteth polit e interessent, coma n'auem fòrça en tot eth airau occitan. Totis e cada un, ara sua manèra, pòrten com uns libes de peiras, un beth tròç deth auviatge deth país.
Çò que mès m'estranha ací, qu'ei era fòrma e contengut deth article : non m'ac aueriài cap pensat torbar-ne un atau en Jornalet.
Qu'em deisha pensar ad'aqueras arrevistas regionaus sus "Le riche et attachant patrimoine de nos belles provinces de France". Eth madeish documentari filmat se pòt veir entà d'un "Manoir de Normandie (présence du fantôme anglais optionnelle moyennant réservation)". Idem en Bourgogne, e dilhèu qu'aueriem agut eth plasèr d'ausir "au mens" eth accent borguinhon !
Que acíu en Roergue (pardon : sudAveyron -12- !!!!) pas un mòt d'occitan ! ni era mès petita evocacion dera lenga locau (maugrat qu'ac diden mès sauvada qu'en d'autis lòcs d'Occitània !)
Sembla que çò d'important, qu'ei d'auer hèt arreclam entath logatge de crambas e salas... Ben-ben, en nòste patrimoni istoric bastit qu'auerià de valor sustot coma "tourisme rural Haut de Gamme" ???
Qu'ei atau que dam arrasons e arguments entàths qui nos diden qu'em " ploucs, incultes et arriérés"
Polit airal, polit castèl ! Na Delgà i pòt anar escampar qualques saquetons de Tolzes per melhorar la mesa en valor !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari