Actualitats
Catalonha: Puigdemont es elegible al Parlament Europèu
Los jutges an contradich lo Conselh Electoral espanhòl, qu’aviá exclús sa candidatura a la demanda de PP e de Ciutadans
Lo president de la Generalitat de Catalonha en exili, Carles Puigdemont, se poirà enfin presentar a las eleccions al Parlament Europèu. Lo Conselh Electoral espanhòl aviá fòrabandit Puigdemont e dos de sos ministres en exili de la lista Liures per Euròpa que se presenta lo 26 de mai que ven a l’eurocambra. En seguida i aguèt una apelacion e comencèt un espectacle juridic: lo tribunal del contenciós administratiu numèro 9 de Madrid mandèt l’afar a la Cort Suprèma, e la Cort Suprèma se declarèt incompetenta de l’afar. Ara, lo tribunal madridenc a enfin acceptat lo recors dels candidats e considèra que i a pas cap d’empediment legal que limite lor drech de sufragi passiu.
Lo Conselh Electoral espanhòl aviá enebit que se presentèsson tres candidats de la lista Liures per Euròpa l’endeman de las eleccions legislativas e senatorialas del 28 d’abril passat. Aquel jorn, lo Conselh Electoral acceptèt las denóncias presentadas pel Partit Popular e per Ciudatans qu’argumentavan qu’aqueles candidats podián pas èsser elegibles a causa de lor situacion judiciària de rebellion.
Lo Conselh Electoral espanhòl aviá enebit que se presentèsson tres candidats de la lista Liures per Euròpa l’endeman de las eleccions legislativas e senatorialas del 28 d’abril passat. Aquel jorn, lo Conselh Electoral acceptèt las denóncias presentadas pel Partit Popular e per Ciudatans qu’argumentavan qu’aqueles candidats podián pas èsser elegibles a causa de lor situacion judiciària de rebellion.
Que abandonin tota esperança els que creguin que ens venceran retorçant el dret https://t.co/aOX6EQZsWm#JuntsxCat#26Mpic.twitter.com/ngidOvNKMF
— Carles Puigdemont (@KRLS) 6 de maig de 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bona novèla! Espèri que serà elegit.
Una bona nova puei de tantas de dolentas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari