Actualitats
Lodeva: an sancionat un director d’escòla per aver pres posicion contra la reforma Blanquer
Per mièg març, expliquèt a l’antena de France Bleu perqué èra contra certanas disposicions d’aquela reforma. Doas setmanas pus tard, foguèt sancionat per aver mancat a son “obligacion de neutralitat”
An sancionat Sébastien Rome, un director d’escòla de Lodeva per aver pres posicion contra la reforma de l’educacion francesa dicha nacionala. Convidat a la ràdio France Bleu d’Erau, Rome expliquèt perqué èra contra certanas disposicions d’aquela reforma. En mai d’aquò, lo director signèt un apèl als senators que lo publiquèt Le Monde per s’opausar a la reforma que la vòl impausar lo ministre Blanquer.
Doas setmanas pus tard, lo convoquèron a l’inspeccion academica e puèi recebèt una “letra d’amonestacion” que li reprochava d’aver criticat la lei e d’aver mancat a son “obligacion de neutralitat”.
“Çò qu’es estranh e criticable, es que tant qu’es pas dins l’exercici de sas foncions, lo foncionari es pas somés a la mendre obligacion de neutralitat”, çò remarca l’avocat de Rome, qu’a demandat al ministèri d’anullar la sancion. “I a neutralitat sonque quand lo foncionari, en l’ocurréncia l’ensenhaire, es en servici davant sos escolans. Aquí, es a títol personal, privat, que Sénher Rome s’exprimiguèt a vòstra antena”, çò precisa l’avocat a France Bleu. E mai qualifica la sancion de decision inquietanta que “val a negar la libertat d’expression dels ensenhaires quand son fòra de l’exercici de lors foncions”.
Sébastien Rome a tanben previst de sasir lo defensor dels dreches e d’anar davant lo tribunal administratiu.
Doas setmanas pus tard, lo convoquèron a l’inspeccion academica e puèi recebèt una “letra d’amonestacion” que li reprochava d’aver criticat la lei e d’aver mancat a son “obligacion de neutralitat”.
“Çò qu’es estranh e criticable, es que tant qu’es pas dins l’exercici de sas foncions, lo foncionari es pas somés a la mendre obligacion de neutralitat”, çò remarca l’avocat de Rome, qu’a demandat al ministèri d’anullar la sancion. “I a neutralitat sonque quand lo foncionari, en l’ocurréncia l’ensenhaire, es en servici davant sos escolans. Aquí, es a títol personal, privat, que Sénher Rome s’exprimiguèt a vòstra antena”, çò precisa l’avocat a France Bleu. E mai qualifica la sancion de decision inquietanta que “val a negar la libertat d’expression dels ensenhaires quand son fòra de l’exercici de lors foncions”.
Sébastien Rome a tanben previst de sasir lo defensor dels dreches e d’anar davant lo tribunal administratiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los professors e directors an de poder expressar-se liurament sas opinions en patz. E los governs democràtics han d'acceptar las opinions dels ensenhants e de los sindicats. Macrona sempre amb sas violacions de las leis dels trabalhadors.
Coneissi un establiment onte denonciar lei disfoncionaments es catalogat coma "irrespècte vèrs l'Institucion" (en rason dau dever de resèrva qu'i siéu tengut, ai pas lo drech de dire aquí qu'es çò que m'es estat reprochat au Liceu de Brinhòlas). Mai çò que me rassegura es que, dins lo meme temps, siés"competent", "experimentat", "emerit" (aquò lo díson quora an besonh de tu per li rendre un servici...).
Quand los governaments neoliberals, o mai exactament "ordoliberals" — es a dire los que defendon l'idèa que las leis economicas, las del mercat, devon èsser en dessús de las leis votadas e discutidas politicament — son per definicions de governaments autoritaris que non pòdon sofrir cap contestacion per tot çò tocant a la politica economica, coma, plan notadament la redducions dels impòstes e, donc, de las despensas publicas.
Mas quand dins un sistèmi indiscutible — ja qu'ordoliberal — contestatz la diminucion de las despensas publicas, transgressatz aitanlèu un interdit politic vengut e proclamat indiscutible — d'aquí la nocion mal definida de "pensada unica". Tota autra pensada passarà d'ara enlà per utopica, irrealista o passida (nocion de "vièlha luna").
Òr, la pensada unica ordoliberala, la qu'es a l'ora d'ara gravada dins lo marbre de las institucions europèas, es, o vesètz plan, complètament incompatibla amb l'idèa pus mendra de "democracia" e de debat public autentic (non pas macronian).
Tant val dire que sèm totes tombats jos la dominacion d'un sistèmi discrètament dictatorial ; discrètament, estant que sa dimension dictatoriala s'acontenta del domani economic per exercir sa salvatjariá antidemocratica. Aquò constituís l'arma fatala contra tota idèa de politica publica, a començar per exemple per manten e la defensa — economicament non rentabla a corta escasença — d'una lenga non-oficiala, quina que siá.
Poiretz pas dire que vos aviam pas prevenguts ni avisats…
Es escandalós. Aquò se meritariá una peticion. Esperam que lo defensor li brandirà las pelhas a la ierarquia rampanta.
Vesi que dins l’inspeccion academica de Montpellièr contunha son prètzfach de matrassar los que fan lor trabalh en consciéncia.
Ieu foguèri marcat a la tencha roja tre la debuta – per pas res segon mon vejaire- e me faguèron cagar lo vintenat d’annadas que trevèri lo primari. Marcat definitivament coma fug-l’òbra, podiái susar la camisa -e me’n tirar pas tròp mal amb los diagos, quitament en ZEP-, cada còp que vegèri un inspector, anava quèrre la virgula qu’aviái oblidat de corregir dins qualque quasèrn per me fotre una marrida nòta e me far pèrdre bravament d’argent.
Èra tant mai escandalós que demest nòstres formators i aviá qualques fenhants de primièra borra qu’en mai d’aquò avián facha una carrièra meteorica. Segur que devián pas desrengar degun aqueles d’aquí.
A l’epòca i aviá pas de defensor. Ara qu’i es, per qualque gestion que me calguèt far poguèri veire que lo defensor fasiá son trabalh en consciéncia. Cal esperar que contunhe aital.
Fa bèl brieu que ne soi sortit d’aquel sac de rats e me’n pòrti fòrt plan.
Non solament pòt pas èsser sancionat en defòra de son servici, mas en mai se presenta tanben coma elegit comunal. De mai critica pas una lei mas un projècte de lei en discussion. Doncas aurà tota la rason dabans un tribunal. Lo sol objectiu (minable) de son administracion es de li botar la pression. Paure epòca.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari