Actualitats
Los ciutadans britanics votaràn a las eleccions europèas
Lo govèrn del reialme a pas pro de temps per ratificar l’acòrdi del Brexit qu’es totjorn a lo debatre amb los trabalhistas
Lo govèrn del Reialme Unit confirma que los ciutadans britanics participaràn a las eleccions europèas d’aqueste mes de mai. Concretament, aquí las eleccions se tendràn lo dijòus 23 de mai, car es abitual dins aquel estat que las votacions se fagan en dijòus.
Lo ministre del gabinet de la primièra ministra, David Lidington, afirmèt dimars passat que i aviá pas pro de temps per ratificar l’acòrdi del Brexit car lo govèrn es totjorn a lo debatre amb los trabalhistas.
La decision modificarà la desparticion dels estats dins lo Parlament Europèu; amb la partença del Reialme Unit, l’estat francés passava de 74 eurodiputats a 79 e l’estat espanhòl de 54 a 59, una mesura que per ara s’aplicarà pas.
Segon los sondatges, lo Brexit Party (Partit del Brexit) ganhariá aquela eleccion mentre que conservators e trabalhistas arribarián a de resultats istoricament basses. Lo Partit del Brexit foguèt fondat per l’eurosceptic Nigel Farage après quitar l’UKIP.
Lo ministre del gabinet de la primièra ministra, David Lidington, afirmèt dimars passat que i aviá pas pro de temps per ratificar l’acòrdi del Brexit car lo govèrn es totjorn a lo debatre amb los trabalhistas.
La decision modificarà la desparticion dels estats dins lo Parlament Europèu; amb la partença del Reialme Unit, l’estat francés passava de 74 eurodiputats a 79 e l’estat espanhòl de 54 a 59, una mesura que per ara s’aplicarà pas.
Segon los sondatges, lo Brexit Party (Partit del Brexit) ganhariá aquela eleccion mentre que conservators e trabalhistas arribarián a de resultats istoricament basses. Lo Partit del Brexit foguèt fondat per l’eurosceptic Nigel Farage après quitar l’UKIP.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot aquò sentís lo còp de Trafalgar. Veiretz que los britanics finiràn per demorar dins l'UE e contunharàn d'i desmontar lo pauc de social qu'i demòra. Nods an fach lo còp ja d'anar contra çò qu'es estat votat. I a tròp d'interesses financièrs en jòc.
E Barnièr, li van donar çò que cal per que se cale: se parla de la presidéncia de l'UE. S'es per que se junkerize o se tuskerize, alara sèm fotuts.
Cal votar per Euròpa mas pas pels partits que se fondrián dins lo PPE o los socials-democratas liberalocompatibles. Siquenon aurem encara per d'annadas un parelh que tirariá plan mai a biò qu'a dià!
Anem, nos cal un boièr verd per corregir los degalhs liberals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari