Actualitats
Es mòrt lo realizaire marselhés Philippe Carrese
Conegut mai que mai per sa sèria Plus belle la vie, l’occitanisme se recordarà d’el per son longmetratge Malatèrra rodat en occitan
Dimenge passat, 5 de mai, un càncer emportèt lo realizaire e scenarista provençal Philippe Carrese. Conegut mai que mai per sa sèria Plus belle la vie, l’occitanisme se remembrarà d’el per son longmetratge Malaterra rodat en occitan.
Nasquèt en 1956 dins la Ciutat Focèa, filh d’immigrants napolitans, Carrese cresquèt dins lo quartièr del Panièr. Son òbra portava un imatge critic sus la societat qu’el coneissiá, Marselha e sos quartièrs del nòrd que ne faguèt de deocumentaris entre 1990 e 2005. Faguèt una recèrca istorica sus la Primièra e la Segonda Guèrra Mondiala e per rodar Malatèrra (2003), filme que ganhèt lo festenal de ficcion de TV de Sant Tropetz en 2004. E mai realizèt Liberata (2005) en còrs, francés e italian, e L’Arche de Babel (2010).
Sa carrièra coma escrivan foguèt tanben fòrça prolifica amb de romans policièrs e amb de literatura pel public pus jove.
Carrese a agut son univèrs pròpri pel cinèma. Quant a la literatura, se basa sus sas experiéncias personalas e de l’entorn en tot inclure d’istòrias e d’anecdòtas de Marselha.
Malatèrra
Sèm dins un mas de la Provença alpenca en setembre de 1916. Fèlix espèra que son paire torne de la guèrra. L’arribada d’un barrutlaire dins aquela familha o cambiarà tot.
S’agís d’un filme de mistèri, dins una familha de païsans que demòra sola jos un vilatge maldich, Malatèrra.
Nasquèt en 1956 dins la Ciutat Focèa, filh d’immigrants napolitans, Carrese cresquèt dins lo quartièr del Panièr. Son òbra portava un imatge critic sus la societat qu’el coneissiá, Marselha e sos quartièrs del nòrd que ne faguèt de deocumentaris entre 1990 e 2005. Faguèt una recèrca istorica sus la Primièra e la Segonda Guèrra Mondiala e per rodar Malatèrra (2003), filme que ganhèt lo festenal de ficcion de TV de Sant Tropetz en 2004. E mai realizèt Liberata (2005) en còrs, francés e italian, e L’Arche de Babel (2010).
Sa carrièra coma escrivan foguèt tanben fòrça prolifica amb de romans policièrs e amb de literatura pel public pus jove.
Carrese a agut son univèrs pròpri pel cinèma. Quant a la literatura, se basa sus sas experiéncias personalas e de l’entorn en tot inclure d’istòrias e d’anecdòtas de Marselha.
Malatèrra
Sèm dins un mas de la Provença alpenca en setembre de 1916. Fèlix espèra que son paire torne de la guèrra. L’arribada d’un barrutlaire dins aquela familha o cambiarà tot.
S’agís d’un filme de mistèri, dins una familha de païsans que demòra sola jos un vilatge maldich, Malatèrra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Morir se als 65 ans, es a l'edat de la jubilacion, tota sa vida trabalhant e quan podia descansar se moriguet. Ja o sabets amics, non mangets ni car ni peis perquè aital non aurets cancer. Visca la vida e lo cel de Marselha !
"Plus Belle la Vie" participa d'aquela disneylandisacion de Marsèlha qu'encanta tant la parisencalha. Processus idem amb "Un si grand soleil " per Montpelhièr e Sèta. Dins l'encastre cultural francès qu'es parisiano-centrat de cap en cima es que seria estat possible de far autrament ? Pausar la question es i respondre. Es saique pas Malatèrra qu'om retendrà de Carrese, ailàs.
#1 Plus Belle La Vie qu'ei çò qu'ei ... Espiatz Malatèrra, dejà, e après que veiram d'avetz enquèra enveja de'vs trufar.
Un amic, un conselhier avisat, totjorn en ligam. Un brau. Marselhés e dal monde.
Me cal te far un omenatge, mas lo mèstre temps... Totjorn parier. L'engatsa !
Adieu de Gavotina, de Noiers de Jabron o de Malatèrra coma de la Valentina o de Chanòt.
Una bierra per la rota.
"Plus belle la vie", es aquela seria que los marselheses i parlan ponchut?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari