La data del dissabte 18 de mai de 2019 serà de marcar dins l’istòria del movement tretzista de tinta sang e aur amb l’oposicion al Camp Nòu de Barcelona del venceire de la Superliga 2018, Wigan, e dels deteneires de la Cup, los Dragons Catalans .
Cup: Bradford se paga Leeds
Aquesta dimenjada, justament, se debanavan los 8ns de la Cup. Calguèt mièja oreta als catalans per s’entraïnar abans de ganhar 62-6 fàcia a Doncaster, pensionari de la Liga 1. Per contra, Wigan es eliminat: defaita 26-24 cò del finalista 2018: Warrington.
La suspresa ven de Bradford, esquipa del Championship, qu’elimina Leeds 24-22 alara que Wakefield bat Widnes: 26-6. Autre qualificat del Championship: Halifax, que va ganhar a Dewsbury 36-6.
Las doas formacions d’Hull se qualifican: 28-12 pel FC contra Castleford e 32-26 per KR a Salford. St Helens s’impausa a Huddersfield: 22-16.
Los quarts de finala se debanaràn la primièra dimenjada de junh. Una formacion del Championship serà en mièja finala vist que Bradford e Halifax se rescontraràn. Los Dragons deuràn anar desfisar Hull FC en Anglatèrra. Hull KR reçauprà Warrington e Wakefield jogarà a St Helens.
Elèit 1: los qualificats per las pelhòfas coneguts
La 17a jornada del campionat permet de saupre los 6 qualificats per las fasas finalas. Albi, venceire de Lesinhan 28-24, e Vilanòva que va ganhar a Tolosa 48-26, an fait un trauc definitiu amb los percaçaires. Acompanharàn las 3 formacions audencas e los Dragonets per la fasa eliminatòria. Palau marca 20 punts d’entrada e ganha a St Gaudenç: 44-24. Avinhon pòt pas res faire fàcia als Dragonets: 56-22. A l’estadi Domèc, los bodegaires bufèron tant que poguèron mas capitèron pas a balhar de vam a de limosencs de la formacion rejovenida e a de carcassoneses que multipiquèron las maladreiças. Un tombat de Franco a la darrièra minuta ofrís la victòria als locals 19-18.
Championship: Tolosa fàcia a Toronto
Las doas formacions primadièras del Championship se tornaràn trapar aqueste dissabte de vèspre a Blackpool per la jornada “magica” de la categoria: lo Summer Bash. De notar qu’a Tolosa la partida, coma los Dragons Catalans contra Wigan, se poirà seguir a l’Ostal d’Occitània (14h15) dins un ambient “a l’anciana” dels tempses ont se gaitavan los rescontres televisats collectivament dins un cafè.
NRL: reüssida del Magic Round
Mai de 134 000 personas an seguit los 8 rescontres organizats sus quatre jornadas a l’estadi Suncorp de Brisbane. Los Bròncos ganhèron la partida a l’exterior, segon lo calendièr, que jogavan… a domicili contra Manly: 26-10! Los Tigres batèron las Pantèras 30-4 e Melbourne atomizèt Parramatta: 64-10.
Alan Roch
Imatge:
Cup: Bradford se paga Leeds
Aquesta dimenjada, justament, se debanavan los 8ns de la Cup. Calguèt mièja oreta als catalans per s’entraïnar abans de ganhar 62-6 fàcia a Doncaster, pensionari de la Liga 1. Per contra, Wigan es eliminat: defaita 26-24 cò del finalista 2018: Warrington.
La suspresa ven de Bradford, esquipa del Championship, qu’elimina Leeds 24-22 alara que Wakefield bat Widnes: 26-6. Autre qualificat del Championship: Halifax, que va ganhar a Dewsbury 36-6.
Las doas formacions d’Hull se qualifican: 28-12 pel FC contra Castleford e 32-26 per KR a Salford. St Helens s’impausa a Huddersfield: 22-16.
Los quarts de finala se debanaràn la primièra dimenjada de junh. Una formacion del Championship serà en mièja finala vist que Bradford e Halifax se rescontraràn. Los Dragons deuràn anar desfisar Hull FC en Anglatèrra. Hull KR reçauprà Warrington e Wakefield jogarà a St Helens.
Elèit 1: los qualificats per las pelhòfas coneguts
La 17a jornada del campionat permet de saupre los 6 qualificats per las fasas finalas. Albi, venceire de Lesinhan 28-24, e Vilanòva que va ganhar a Tolosa 48-26, an fait un trauc definitiu amb los percaçaires. Acompanharàn las 3 formacions audencas e los Dragonets per la fasa eliminatòria. Palau marca 20 punts d’entrada e ganha a St Gaudenç: 44-24. Avinhon pòt pas res faire fàcia als Dragonets: 56-22. A l’estadi Domèc, los bodegaires bufèron tant que poguèron mas capitèron pas a balhar de vam a de limosencs de la formacion rejovenida e a de carcassoneses que multipiquèron las maladreiças. Un tombat de Franco a la darrièra minuta ofrís la victòria als locals 19-18.
Championship: Tolosa fàcia a Toronto
Las doas formacions primadièras del Championship se tornaràn trapar aqueste dissabte de vèspre a Blackpool per la jornada “magica” de la categoria: lo Summer Bash. De notar qu’a Tolosa la partida, coma los Dragons Catalans contra Wigan, se poirà seguir a l’Ostal d’Occitània (14h15) dins un ambient “a l’anciana” dels tempses ont se gaitavan los rescontres televisats collectivament dins un cafè.
NRL: reüssida del Magic Round
Mai de 134 000 personas an seguit los 8 rescontres organizats sus quatre jornadas a l’estadi Suncorp de Brisbane. Los Bròncos ganhèron la partida a l’exterior, segon lo calendièr, que jogavan… a domicili contra Manly: 26-10! Los Tigres batèron las Pantèras 30-4 e Melbourne atomizèt Parramatta: 64-10.
Alan Roch
Imatge:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
HullFC-Dragons programat lo dijus 30 de mai la ser. Partida retrasmesa per BeInSport.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari