Actualitats
Coçac: cauma de la fam contra un projècte de pargue de léser al castèl de Chaufalha
Protèstan contra l’installacion d’un pargue d’atraccions musical que creson que seriá una catastròfa pel sit. Un dels caumaires es Jan dau Melhau
Divendres que ven, 17 de mai, començarà un june public a Coçac (País de la Vinhana) per protestar contra un projècte de pargue de léser al castèl de Chaufalha. Los caumaires, venguts un pauc de totes los vilatges de l’entorn, mantendràn lo june fins al 20 de mai. Atal vòlon mostrar lor determinacion contra un projècte que creson que seriá una catastròfa pel sit. En mai d’aquò, dissabte i aurà una marcha simbolica de l’esplanada del castèl de Bonaval fins al de Chaufalha.
Mentre que se tendrà la cauma, los manifestants convidan las gents a venir e discutir amb eles, per parlar del projècte e lor explicar la revendicacion. Los caumaires seràn dins la gara, un endrech que foguèt fòrça frequentat durant cinquanta ans e qu’ara fonciona pas pus.
Lo projècte contra lo qual protèstan es un pargue d’atraccions a l’entorn de la musica amb d’instruments gigants e d’atraccions ont los participants poiràn crear de melodias e d’acòrdis en pedalant, en se balançant o en virant dins un viravira, çò rapòrta Le Populaire.
Un dels caumaires es lo cantador lemosin Jan dau Melhau.
Mentre que se tendrà la cauma, los manifestants convidan las gents a venir e discutir amb eles, per parlar del projècte e lor explicar la revendicacion. Los caumaires seràn dins la gara, un endrech que foguèt fòrça frequentat durant cinquanta ans e qu’ara fonciona pas pus.
Lo projècte contra lo qual protèstan es un pargue d’atraccions a l’entorn de la musica amb d’instruments gigants e d’atraccions ont los participants poiràn crear de melodias e d’acòrdis en pedalant, en se balançant o en virant dins un viravira, çò rapòrta Le Populaire.
Un dels caumaires es lo cantador lemosin Jan dau Melhau.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Es con del punt de vista d'un occitanista rebèl. Del punt de vista d'un enfanton, serà segurament quicòm mai.
Tròbi pas pas aquò completament con, malgratlos comentaris e los cridals gaireben "isterics" de Terra Nòstra. Soi anat, i a pas longtemps al "Puy du Fou" amb mos pichons e ai pas trobat qu'aquò siá una "umiliacion" per la Vendée… Cal far viure un territòri en difficultat. Es melhor aquò qu'una centrala nuclerara, una zòna comerciau o una escobilha giganta, non ?
Puslèu que de s'oposar frontalament, es qué seriá pas possible de s'accordar ? D'integrar la musica e la cultura tradicionalas del Limosin dins aqueste projecte ?
Tot çò que pòt frenar la disneylandizacion del mond, e per consequent l'imbecilizacion dels esperits, es bon. I cal anar!
Convidi lo lectorat de jornalet d'agachar la vidèo de presentacion del pargue :
https://www.melofolia.com/decouvrir
Sembla mai a una caricatura de pargue d'atracions talament es ridicule :D
Letra magnifica-magnifica de Tèrra nòstra ! Tot çai es dich. Tot.
E los elegits locaus, de qué díson eles ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari