Lo dissabta 21 d'abriu, a 10 oras dau matin, a l'ascensor dau Castèu, serà l'apontament de la seissanta-seisena vísita guidada de Niça en occitan. Aquesta vísita en niçard serà consacrada au castèu de Niça, que foguèt prefondat per lo rei de França en 1706 e que constituissia una fortalesa imprenabla despí l'Atge Mejan.
Lo sit arqueologic de l'anciana catedrala Santa Maria, li diferenti sobrias dei fortificacions, coma finda lu cementèris installats en l'anciana ciutadèla laissan imaginar la vida intensa d'aquesta còla que i està lo brèç de Niça.
Cristòu Daurore, professor d'occitan niçard, nen guiderà en Castèu. Coma limitam aquesta vísita a 25 personas, es indispensable de prevenir de la vòstra venguda au +33 (0)6 71 18 61 21 ò sus
www.nissapantai.com.
Ja 952 personas son vengudi ai 65 promieri vísitas.
La vísita serà registrada per la ràdio Internet Niça Pantais (
Ràdio Nissa Pantai).
Centre Cultural Occitan País Nissart e Alpenc
Lo site dal Centre Cultural Occitan País Nissart e Alpenc es http://nissa.org e http://coarasa.fr
Per ajustar, que se faran de vísitas en occitan dins d'autres luecs dau canton. De previst : passejaa de Coarasa en gavòt, Mónego en monegasco, etc. Vi tendrem au fiu.
Podetz veire un estrach d'una vísita sus lo site de Nice Tv : http://www.nice-television.fr/natv/index.php?option=com_content&view=article&id=905:nissa-en-nissart&catid=56:suivez-le-guide&Itemid=99
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari