Dempuèi divendres passat, Taiwan es lo primèr país d’Asia a legalizar lo maridatge per totes. Après un intens debat politic, lo parlament de l’illa aprovèt de legalizar las unions entre de personas del meteis sèxe.

Los deputats del Partit Progressista Democratic, majoritari al parlament, an sostengut una mesura qu’enfin s’impausèt amb 66 vòtes favorables e 27 contra. S’agís d’una reforma que dona las meteissas proteccions legalas de totes los maridatges. Intrarà en vigor tanlèu que la presidenta del país, Tsai Ing–wen, l’aurà promulgada.
 
Malgrat la pluèja, de milièrs de personas s’acampèron a l’entorn del parlament per èsser presents a aquel eveniment istoric.
 
“Lo 17 de mai de 2019, en Taiwan l’amor a ganhat. Avèm fach un grand pas devèrs la vertadièra egalitat e avèm fach de Taiwan un país melhor”, çò diguèt sus Twitter, Tsai Ing-wen, que se pòt veire greujada indirèctament per la mesura davant sa possibla reeleccion en 2020.

 

Good morning #Taiwan. Today, we have a chance to make history & show the world that progressive values can take root in an East Asian society.

Today, we can show the world that #LoveWins. pic.twitter.com/PCPZCTi87M

— 蔡英文 Tsai Ing-wen (@iingwen) May 17, 2019

 
 

Thread - At lease over 20,000 protesters are gathering outside the legislature in #Taiwan, as legislators prepare to vote on the decisive bill that will legalize same-sex marriage on the island, making it the first Asian country to do so. pic.twitter.com/FPbpiHxUm9

— William Yang (@WilliamYang120) May 17, 2019