CAPÇALERA PAIS INVISIBLE

Actualitats

EscòlaInternacionalPolitica

Lo ministre francés de l’educacion ataca l’educacion immersiva

Blanquer a estimat al Senat que “i a fòrça de discutir” sul plan pedagogic de las escòlas coma Calandreta o Diwan e a paur que los enfants “parlen solament la lenga regionala” e “desconescan lo francés”

Blanquer a estimat al Senat que “i a fòrça de discutir” sul plan pedagogic de las escòlas coma Calandreta o Diwan e a paur que los enfants “parlen solament la lenga regionala” e “desconescan lo francés”
Blanquer a estimat al Senat que “i a fòrça de discutir” sul plan pedagogic de las escòlas coma Calandreta o Diwan e a paur que los enfants “parlen solament la lenga regionala” e “desconescan lo francés” | Calandreta Lis
Lo ministre de l’educacion francés, Jean-Michel Blanquer, ven d’atacar l’ensenhament immersiu dins las lengas territorialas autras que lo francés, en reagissent durant los debats tenguts al Senat. A estimat que “i a fòrça de discutir” sul plan pedagogic e a paur que los enfants “parlen solament la lenga regionala”.
 
Aqueste dimars passat, la cambra nauta del parlament francés votava lo projècte de lei sus l’escòla e s’es parlat de l’ensenhament immersiu dins las lengas que nomenan “regionalas”. Es dins aquel debat qu’a reagit lo ministre Blanquer, conegut per sa reforma que fa perilhar l’occitan dins lo segondari.
 
Blanquer s’es pas mostrat brica favorable a l’ensenhament de las lengas autras que lo francés. D’efièch, a assolidat que la consequéncia principala seriá lo perilh de desconeissença del francés. Dins aquel sens a quitament afortit: “D’un ponch de vista pedagogic, i auriá agut fòrça de discutir a l’entorn d’aquò. Se poiriá arribar de dire que cognitivament, es pas tan bon precisament se l’enfant es mes dins la situacion d’ignorar la lenga francesa”.
 


La representanta de Diwan, Stéphanie Stoll, a afirmat que lo ministre “sap plan que l’ensenhament immersiu es pas d’unilingüisme”. E mai a insistit per dire que “se fa lo programa de francés, las avaloracions son regularas, los examens son passats, los enfants son luènh d’èsser unilingües”.
 
David Grosclaude a reagit amb una letra dobèrta al ministre en li demandant quina zòna del cervèl conten la marrida fe.


 

 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Dark Vador Estela Negra
16.

#8 Comprenes pas cossí un ministre ultra-liberal pòt parlar aital ? Te vau explicar lèu fait. Per los liberals, tota despensa publica es una despensa de tròp. Donc, cal despensar mens, e mai se, per i pervenir, cal abolir complètament de palancadas de servicis publics. A partir d'una teoria coma aquesta, comprenes ben qu'un professor de Breçòla, Diwan o Calandreta, qu'exercís sa profession devant classas d'un quinzenat de dròlles, aquò es pas rentable ! S'ensenha en francés, o farà davant 25 o 30 dròlles. Còsta plan mens car ! E de tot çò mai, s'en fot, cap e tot…

  • 7
  • 0
Reinat TOSCANO LO VAU
15.

#8 Se deuguessiam comptar toti li contraveritats d'aquel òme... Coma nos explicar qu'en parlant de "lenga A", "lenga B" e "lenga C", aquò anerà mai ben qu'en dient "lenga 1", "lenga 2" e "lenga 3".

  • 6
  • 0
pjm
14.

#13 efectivament, èi mau legit vòste comentari. desolat ; ende dider vrai sabèvi pas qu'i avossi immersiu dens lo public.
ez ziren zozokeriak ; uste nuen fake news zabaltzen ari zinela. usu gertatzen da webgune huntan, baina ez gaur... barka zazu

  • 2
  • 0
loïson Ispora
13.

#10 Lo subjècte que portava sus las escòlas PUBLICAS. L'immersion que s'i practica taus escolans d'edat mairau (mensh de 6 ans) hens 16 escòlas PUBLICAS e que son, qu’ac torni díser, 400 pertocats. Los autes 4600, haut o baish, que son hens lo primari a orari paritari. E per segur l’experiéncia que s’acaba a l’elementari. N’a pas arren a véder dab lo sector associatiu on efectivament 31 escòlas, 4 collègis e 1 licèu ensenhan en immersion a mei de 3700 escolans. Eta zozokeriak erran aintzin artoski irakurtzen ikasi behar duzu, behar ba.

  • 1
  • 0
francesc palma
12.

Lo ministre Blanquer que pareis un linatge catalan, a anat jamai a escola a aprene la lenga Catalana o la lenga d'Oc, es un ignorant en sa propia lenga, un analfabet integral que li an rental lo cervelh. Acolhonat cap de suro !

  • 3
  • 0

Escriu un comentari sus aqueste article