Actualitats
Calandreta celèbra son congrès del 40n anniversari
Del 29 de mai al 1r de junh, Quilhan aculhirà l’eveniment a un moment ont, pel primièr còp, i a de calandrons de la mairala fins al bachelierat
Lo congrès de Calandreta d’ongan se presenta coma fòrça especial: dins lo quadre del 40n anniversari del movement d’escòlas immersivas en occitan e a un moment ont, pel primièr còp, i a de calandrons de la mairala fins al bachelierat, de la pichona seccion a la terminala. L’eveniment se tendrà al domeni de l’Espinet, a Quilhan (Rasés) del 29 de mai al 1r de junh e se prevei la participacion d’environ 400 personas.
La tematica del congrès virarà ongan a l’entorn de la pedagogia, qu’es la clau de l’accion de las escòlas associativas occitanas qu’an quitament reüssit a bastir una veritabla “pedagogia Calandreta”.
Dimècres 29 de mai, lo congrès començarà per la “jornada pedagogica”, considerada coma lo recampament pus important d’ensenhaires d’occitan. Los 30 e 31 de mai veiràn trabalhar ensems los associatius e los ensenhaires dins cinc obradors tematics e quatre comissions qu’elaboraràn de proposicions d’accion e d’organizacion. Enfin, lo dissabte 1r de junh serà consagrat a l’assemblada generala de la Confederacion Calandreta.
En mai d’aquò, la partida culturala de l’eveniment se tendrà a l’Espaci Catar de Quilhan lo divendres 31 de mai amb un concèrt del grop Cocanha. Aquel meteis jorn, a 18h30, es previst un rescontre amb lo cònsol màger e los elegits de la comuna.
La tematica del congrès virarà ongan a l’entorn de la pedagogia, qu’es la clau de l’accion de las escòlas associativas occitanas qu’an quitament reüssit a bastir una veritabla “pedagogia Calandreta”.
Dimècres 29 de mai, lo congrès començarà per la “jornada pedagogica”, considerada coma lo recampament pus important d’ensenhaires d’occitan. Los 30 e 31 de mai veiràn trabalhar ensems los associatius e los ensenhaires dins cinc obradors tematics e quatre comissions qu’elaboraràn de proposicions d’accion e d’organizacion. Enfin, lo dissabte 1r de junh serà consagrat a l’assemblada generala de la Confederacion Calandreta.
En mai d’aquò, la partida culturala de l’eveniment se tendrà a l’Espaci Catar de Quilhan lo divendres 31 de mai amb un concèrt del grop Cocanha. Aquel meteis jorn, a 18h30, es previst un rescontre amb lo cònsol màger e los elegits de la comuna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 ???
A ! Calandreta emb de son congrès renommat que li creseguère, fai quauquas annadas, en anent a Quilhan. Mès quanta deçavença dinc los temps que seguiguèron !
Calandreta e sa gestion dau bugèt. Calandreta e sa consideracion egalitària de totes los establiments "Calandreta". Calandreta e son respèct de l'efantuènha. Calandreta, fidèla escotaira dau monde associatiu e dals parents mobilizats. Calandreta e son onestetat generala ! Mès quau sap pas tot aquò ?!
Calandreta saique es un dals estruments pus prometoses d'educacion qu'ague enventat nòstra identitat collectiva. Meravelhós ! Solament, i a quauques menaires de dança que son a aborrir e descredibilizar queste prefach lausable. Los vèrmes que son dinc lo pom vòlon pas se remetre en question, per los uns, ni mai sortir, per los autres.
E son los elements nutritius de basa qu'a flor e mesura son butats vèrs la sortida. Daumatge que poguem pas tot desvelar sus aqueste blòg, que n'i a per desbanar, monde !
Pels 30 ans de Calandreta, legiguèri lo rendut-compte dins "La Setmana". De mercé a l'OPLO, "La Setmana" nos pòt pas mai entresenhar sul sicut. Aürosament qu'avèm "Jornalet".
Parlant de l'OPLO: lo conselh departamental de Catalonha Nòrd ven de votar que balharà 100 000 euros per butar lo catalan a travèrs l'OPLC (ofici public de la lenga catalana). Vergonha per l'OPLO!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari