Actualitats
Una divergéncia evolutiva qu’es fòrça mai anciana
Fins a uèi, l’antropologia afirmava que la divergéncia evolutiva entre nòstra espècia e la neandertaliana aviá agut luòc entre fa 300 000 e 500 000 ans. Totun, de nòvas donadas scientificas confirman que se produguèt fa mai de 800 000 ans
Fins a uèi, l’antropologia afirmava que la divergéncia evolutiva entre nòstra espècia, Homo sapiens sapiens, e la neandertaliana aviá agut luòc entre fa 300 000 e 500 000 ans. Totun, de nòvas donadas scientificas confirman que se produguèt fa mai de 800 000 ans.
Es çò qu’arriba d’una nòva analisi de las dents de diferentas espècias omininas e entre aquestas nòstra espècia e la dels neandertalians. Una pròva segura son de dents d’ominins trapadas a la Sima de los Huesos, dins l’estat espanhòl, que fan sospechar qu’aqueles ominins (qu’an una edat d’aperaquí 800 000 ans) divergiguèron fòrça abans e que doncas la desseparacion entre nòstra espècia e la dels neandertalians se passèt longtemps abans.
“Aquò venguèt pr’amor de diferents factors, çò diguèt Aida Gómez-Robles, de l’Escòla Universitària de Londres. Aital, una plan fòrta seleccion naturala auriá entraïnat de cambiaments dins las dents d’aqueles ominins. Tanben se poiriá èsser debanat en rason de lor isolament. Totun, las dents dels neandertalians de la Sima de los Huesos son plan desparièras de las d’autras espècias de l’epòca”.
D’analisis d’ADN erronèas
Malgrat que las darrièras analisis d’ADN confirmen encara que l’òme modèrne e los neandertalians aurián divergit coma espècias fa solament 300 000 ans, benlèu serián d’analisis erronèas. Aquela divergéncia es pas compatibla amb l’estudi anatomic e genetic dels neandertalians de la Sima de los Huesos.
“Aqueles ominins an de premolaras e caissals plan pichons, çò confirmèt Gomez-Robles. Aquò soslinha que son plan semblables als neandertalians classics. S’un còp foguèron mai grands, es perque i aguèt un ancessor comun als neandertalians e als òmes modèrnes fa almens 800 000 ans”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Es çò qu’arriba d’una nòva analisi de las dents de diferentas espècias omininas e entre aquestas nòstra espècia e la dels neandertalians. Una pròva segura son de dents d’ominins trapadas a la Sima de los Huesos, dins l’estat espanhòl, que fan sospechar qu’aqueles ominins (qu’an una edat d’aperaquí 800 000 ans) divergiguèron fòrça abans e que doncas la desseparacion entre nòstra espècia e la dels neandertalians se passèt longtemps abans.
“Aquò venguèt pr’amor de diferents factors, çò diguèt Aida Gómez-Robles, de l’Escòla Universitària de Londres. Aital, una plan fòrta seleccion naturala auriá entraïnat de cambiaments dins las dents d’aqueles ominins. Tanben se poiriá èsser debanat en rason de lor isolament. Totun, las dents dels neandertalians de la Sima de los Huesos son plan desparièras de las d’autras espècias de l’epòca”.
D’analisis d’ADN erronèas
Malgrat que las darrièras analisis d’ADN confirmen encara que l’òme modèrne e los neandertalians aurián divergit coma espècias fa solament 300 000 ans, benlèu serián d’analisis erronèas. Aquela divergéncia es pas compatibla amb l’estudi anatomic e genetic dels neandertalians de la Sima de los Huesos.
“Aqueles ominins an de premolaras e caissals plan pichons, çò confirmèt Gomez-Robles. Aquò soslinha que son plan semblables als neandertalians classics. S’un còp foguèron mai grands, es perque i aguèt un ancessor comun als neandertalians e als òmes modèrnes fa almens 800 000 ans”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1Anam pas metre lo fanquisme e lo nazisme sul trocet de Neandertal qu'avèm dins nosautres. Ara sabèm Neandertal èra pas tant barbar coma se pensava.
Es a dire prop d'un milion d'ans qu' apareguet l'homo sapiens. Mas alerta qu' encara n'hi ha molts del Neandertal. Franquistas, nazis, fachistas, chovinistas,psicopatas,criminals,militaristas,.....no s'ha acabat de far la separacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari