Las partidas del campionat d’Elita son plan sarradas e se jògan sus unes detalhs. Lo debanament d’aquesta jornada de decembre ba mòstra clarament. Aquò comencèt dins lo frejum catalan d’un dissabte de vèspre a Sant-Estève. Limós e los Dragonets éran a egalitat a la pausa; 14-14. Los vesitaires prenián l’avantatge 24-14 a l’ora de jòc, mas l’aligança de la joinessa e de l’experiéncia acabèt per pagar dins lo darrièr quart d’ora amb cinc ensags a la clau per una victoria sang e aur: 38-24.
A dos passes d’aquí, en Salanca, lo dimenge, calguèt esperar la darrièra segonda d’una partida indecisa per conéisser lo ganhant: a la còrna, lo tombat de Maxime Gressèque desseparèt los locals e lo Tolosa-Olimpic: 25-24 per Pià. E dire que los Pianencs, tranquillons, menavan 24-6 a sèt minutas del tèrme mas s’èran fait remontar 24-24 amb tres ensages encaissats en cinc minutas!!
Al Molin de Lesinhan, Carcassona ataquèt coma cal la partida al punt de menar 12-0 al cap d’un quart d’ora de jòc: dos ensags e doas penalitats. Mas las individualitats localas remetián los Verd e Blanc dins la partida: 12-10 a la pausa pels vesitaires. A la represa, los campions tornavan marcar per Mark Offerdhal, mas se trapèron lèu amb los dos alièrs nafrats, puèi l’arrièr Guiraud. Lo dobertura Wynn e l’arrièr Duggan metèron a profit cada pauma, que lèu se transformèt en decas e presents, per assegurar la victòria delq Sanglièrs 38-22. Lo dobte es a ganhar los campions qu’auràn pas lo temps de polsar vist que dissabte de vèspre (a 6 e mièja sus l’estadi Domèc) serà la partida-revenge de las finalas de la prima contra Pià.
A Lescura, los Tarneses poguèron pas arrestar una dinamica formacion avinhonesa: 44-18.
Dissabte, en mai de l’ASC-Pià, se jogarà la partida Avinhon-St-Estève/XIII Catalan. Dimenge, Vilanòva d’Òlt reçauprà Lescura e serà temps de derby a l’Agulha entre Limós e Lesinhan.
De senhalar qu’aprèp ASC-Pià; jol tibanèl, se festejaràn los 30 ans de l’associacion dels Gaujoses Canaris, los afogats de l’ASC XIII que s’ocupan de l’estanquet de l’estadi e de faire manjar los jogaires e dins las recepcions: lo pastís d’aniversari serà bèl.
D’aquel temps, aqueste diluns 3 de decembre, totes los Dracs se tornan trapar per preparar la sason venenta de Super-Liga.
Alan Roch
A dos passes d’aquí, en Salanca, lo dimenge, calguèt esperar la darrièra segonda d’una partida indecisa per conéisser lo ganhant: a la còrna, lo tombat de Maxime Gressèque desseparèt los locals e lo Tolosa-Olimpic: 25-24 per Pià. E dire que los Pianencs, tranquillons, menavan 24-6 a sèt minutas del tèrme mas s’èran fait remontar 24-24 amb tres ensages encaissats en cinc minutas!!
Al Molin de Lesinhan, Carcassona ataquèt coma cal la partida al punt de menar 12-0 al cap d’un quart d’ora de jòc: dos ensags e doas penalitats. Mas las individualitats localas remetián los Verd e Blanc dins la partida: 12-10 a la pausa pels vesitaires. A la represa, los campions tornavan marcar per Mark Offerdhal, mas se trapèron lèu amb los dos alièrs nafrats, puèi l’arrièr Guiraud. Lo dobertura Wynn e l’arrièr Duggan metèron a profit cada pauma, que lèu se transformèt en decas e presents, per assegurar la victòria delq Sanglièrs 38-22. Lo dobte es a ganhar los campions qu’auràn pas lo temps de polsar vist que dissabte de vèspre (a 6 e mièja sus l’estadi Domèc) serà la partida-revenge de las finalas de la prima contra Pià.
A Lescura, los Tarneses poguèron pas arrestar una dinamica formacion avinhonesa: 44-18.
Dissabte, en mai de l’ASC-Pià, se jogarà la partida Avinhon-St-Estève/XIII Catalan. Dimenge, Vilanòva d’Òlt reçauprà Lescura e serà temps de derby a l’Agulha entre Limós e Lesinhan.
De senhalar qu’aprèp ASC-Pià; jol tibanèl, se festejaràn los 30 ans de l’associacion dels Gaujoses Canaris, los afogats de l’ASC XIII que s’ocupan de l’estanquet de l’estadi e de faire manjar los jogaires e dins las recepcions: lo pastís d’aniversari serà bèl.
D’aquel temps, aqueste diluns 3 de decembre, totes los Dracs se tornan trapar per preparar la sason venenta de Super-Liga.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari