Actualitats
Las eleccions europèas e los pòbles minorizats
Creisson los independentistas catalans, escoceses e flamencs. L’autonomisme còrs davèra un sèti e pel primièr còp es elegit un turcochipriòta
Las minoritats de l’Union Europèa se sarran totjorn de l’idèa europeïsta per aténher de reconeissenças defòra dels estats que, sovent, las oprimisson. Dins aquel sens, Nationalia publica una analisi d’aqueles resultats ont soslinha la creissença de l’independentisme catalan, flamenc e escocés mentre que l’autonomisme còrs recupèra lo sèti de Françòis Alfonsi. En mai d’aquò, un turcochipriòta seirà pel primièr còp al Parlament Europèu.
Alfonsi torna al Parlament Europèu
Una de las nòvas mai remarcablas pels pòbles minorizats es que François Alfonsi, del Partit de la Nacion Còrsa, recupèra son pòste d’èurodeputat qu’aviá tengut entre 2009 e 2014. La lista Euròpa Ecologia, conducha per Yannick Jadot, a obtengut mai del 13% dels resultats dins l’estat francés e s’afirma coma l’alternativa als blòcs dels liberals e de l’extrèma drecha.
Es gràcias a aqueste bon resultat qu’es estada possibla l’eleccion d’Alfonsi, primadièr de Regions e Pòbles Solidaris a las europèas, qu’èra sus la 9a plaça sus la lista d’Euròpa Ecologia.
Se refortís l’independentisme catalan
Pel primièr còp, dos partits independentistas catalans davèran dos sètis cadun. Lo president de la Generalitat de Catalonha en exili, Carles Puigdemont, e son vicepresident en preson preventiva, Oriol Junqueras, son estats elegits eurodiputats e an fach de resultats recòrd en Catalonha e quitament dins d’autres territòris de l’estat espanhòl.
En Catalonha, l’independentisme empòrta lo 49,7% dels vòtes de las eleccions europèas. La lista de Carles Puigdemont es la fòrça mai votada amb un 28,5%. Seguisson los socialistas amb lo 22,1% e la lista d’Oriol Junqueras, amb lo 21,1%.
Es atal que la lista de Puigdemont pòt emportar dos deputats, del temps que la lista de Junqueras pòt arribar a tres car s’es presentada amb de sobeiranistas galècs e bascos.
Après l’ensag d’anullar la candidatura de Puigdemont e la suspension de l’eleccion de Junqueras e dels autres presonièrs politics elegits al Congrès dels Deputats espanhòl, la legitimitat de l’estat patís una revirada. Es un afar de seguir e Jornalet priorizarà las informacions qu’arriben dins aquel sens.
Puèja l’independentisme escocés
Puèi que lo Brexit arriba pas, lo Reialme Unit a degut participar a aquesta eleccion.
Los independentistas escoceses de l’SNP an amplament ganhat en Escòcia, e doncas auràn 3 eurodeputats, un de mai que fins ara.
Tanben los independentistas galeses mantenon l’eurodeputat qu’avián, e en Irlanda del Nòrd lo Sinn Féin e los irlandistas de l’SDLP pòdon aver una bona posicion.
Flandra: aument de l’independentisme d’extrèma drecha
En Flandra, la circonstància es extraordinària: los dos partits mai votats en tota Belgica son d’independentistas flamencs, los conservadors de l’N-VA e los ultradrechistas del Vlaams Belang.
Primièr deputat turcochipriòta
Pel primièr còp dempuèi son intrada a l’UE, en Chipre an elegit un candidat turcochipriòta. S’agís del professor universitari Niyazi Kızılyürek que se presentava pels comunistas d’AKEL. Aquel partit defend un acòrdi de patz entre las doas mitats de l’illa e vòl qu’aquesta siá una confederacion federala de dos estats, un grèc e un turc.
La rèsta del continent
Lo Partit Popular del Tiròl del Sud a confirmat lo deputat qu’aviá dins l’estat italian, aqueste còp amb un acòrdi amb Forza Italia.
L’aliança autonomista de la Val d’Aòsta a pas obtengut cap de deputat.
Los suedofòns centristas de Finlàndia mantenon lor deputat mendre que los sondatges disián que lo perdrián.
En Letònia, los russistas atenhon 3 sètis. En Lituània, la minoritat polonesa sèrva son deputat.
La minoritat ongresa de Romania manten los dos sètis qu’aviá. La d’Eslovàquia perd los qu’aviá.
En Bulgaria, lo Movement pels Dreches e las Libertats (DPS), que cèrca de representar los interèsses dels collectius dels turcs e dels ròms, a perdut un sèti dels 4 qu’aviá.
Per mai d'analisis sus los resultats de las eleccions europèas, podètz escotar l'edicion de ièr del Miègjornau sus Ràdio Lenga d'Òc. Gisèla Naconaski parla amb Camille Martel, Joan Pèire Laval, Dàvid Grosclaude e Ferriòl Macip.
Alfonsi torna al Parlament Europèu
Una de las nòvas mai remarcablas pels pòbles minorizats es que François Alfonsi, del Partit de la Nacion Còrsa, recupèra son pòste d’èurodeputat qu’aviá tengut entre 2009 e 2014. La lista Euròpa Ecologia, conducha per Yannick Jadot, a obtengut mai del 13% dels resultats dins l’estat francés e s’afirma coma l’alternativa als blòcs dels liberals e de l’extrèma drecha.
Es gràcias a aqueste bon resultat qu’es estada possibla l’eleccion d’Alfonsi, primadièr de Regions e Pòbles Solidaris a las europèas, qu’èra sus la 9a plaça sus la lista d’Euròpa Ecologia.
Se refortís l’independentisme catalan
Pel primièr còp, dos partits independentistas catalans davèran dos sètis cadun. Lo president de la Generalitat de Catalonha en exili, Carles Puigdemont, e son vicepresident en preson preventiva, Oriol Junqueras, son estats elegits eurodiputats e an fach de resultats recòrd en Catalonha e quitament dins d’autres territòris de l’estat espanhòl.
En Catalonha, l’independentisme empòrta lo 49,7% dels vòtes de las eleccions europèas. La lista de Carles Puigdemont es la fòrça mai votada amb un 28,5%. Seguisson los socialistas amb lo 22,1% e la lista d’Oriol Junqueras, amb lo 21,1%.
Es atal que la lista de Puigdemont pòt emportar dos deputats, del temps que la lista de Junqueras pòt arribar a tres car s’es presentada amb de sobeiranistas galècs e bascos.
Après l’ensag d’anullar la candidatura de Puigdemont e la suspension de l’eleccion de Junqueras e dels autres presonièrs politics elegits al Congrès dels Deputats espanhòl, la legitimitat de l’estat patís una revirada. Es un afar de seguir e Jornalet priorizarà las informacions qu’arriben dins aquel sens.
Puèja l’independentisme escocés
Puèi que lo Brexit arriba pas, lo Reialme Unit a degut participar a aquesta eleccion.
Los independentistas escoceses de l’SNP an amplament ganhat en Escòcia, e doncas auràn 3 eurodeputats, un de mai que fins ara.
Tanben los independentistas galeses mantenon l’eurodeputat qu’avián, e en Irlanda del Nòrd lo Sinn Féin e los irlandistas de l’SDLP pòdon aver una bona posicion.
Flandra: aument de l’independentisme d’extrèma drecha
En Flandra, la circonstància es extraordinària: los dos partits mai votats en tota Belgica son d’independentistas flamencs, los conservadors de l’N-VA e los ultradrechistas del Vlaams Belang.
Primièr deputat turcochipriòta
Pel primièr còp dempuèi son intrada a l’UE, en Chipre an elegit un candidat turcochipriòta. S’agís del professor universitari Niyazi Kızılyürek que se presentava pels comunistas d’AKEL. Aquel partit defend un acòrdi de patz entre las doas mitats de l’illa e vòl qu’aquesta siá una confederacion federala de dos estats, un grèc e un turc.
La rèsta del continent
Lo Partit Popular del Tiròl del Sud a confirmat lo deputat qu’aviá dins l’estat italian, aqueste còp amb un acòrdi amb Forza Italia.
L’aliança autonomista de la Val d’Aòsta a pas obtengut cap de deputat.
Los suedofòns centristas de Finlàndia mantenon lor deputat mendre que los sondatges disián que lo perdrián.
En Letònia, los russistas atenhon 3 sètis. En Lituània, la minoritat polonesa sèrva son deputat.
La minoritat ongresa de Romania manten los dos sètis qu’aviá. La d’Eslovàquia perd los qu’aviá.
En Bulgaria, lo Movement pels Dreches e las Libertats (DPS), que cèrca de representar los interèsses dels collectius dels turcs e dels ròms, a perdut un sèti dels 4 qu’aviá.
Per mai d'analisis sus los resultats de las eleccions europèas, podètz escotar l'edicion de ièr del Miègjornau sus Ràdio Lenga d'Òc. Gisèla Naconaski parla amb Camille Martel, Joan Pèire Laval, Dàvid Grosclaude e Ferriòl Macip.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a partits que respectan las minoritats europeas, com son Podem, Esquerra Unida, los partits anomenats nacionalistas de las nacions sense estat, e n'i a que non: lo trifachista, la dreta europea, lo nacionalisme de l'estat Francès, Espanhol, Italian, Turc, Grec....etc.
Esperi que dins l'avenir degun jutge lo pòble occitan pels comentaris que fan los legeires de Jornalet. Seriá quicòm de pietadós!
Tot aquò fa soscar e pensi al film «dansa amb’lops » a un momenton dins lo film, parlent del trip ont èra, Kevin Costner ça diguèc atal « èron de brave monde pas capable de prevezir los lendemans…. ».
Los occitanistes son benlèu de brave mond, mas sufís pas, an de prevezir de lendemans que ja puntan lo nas, si que non farem coma lo trip de Kevin Costner e sarem vodat a la disparicion !
Cal pas èsser entjaurits tanpauc, e qu’un que siague lo parti politic, los EELV an lo vent que remolina e buta, fa bombar lo solex a eolièna, tan melhor per elis. Solament prevezir l’esvenidor es pas de far fisença, en politic i a pas cap de fisença, i a sonque d’aliganças cambiadissas segon los moments, sols comptan los fachs ! Las ideologias son aqui que per lo vestit, per far bona semblança. Un còp te vendon un costat de la pèça, un còp l’autre, los costats son disparièrs segur, pr’aquò es totjorn la meteissa pèça.
Los pas tròp vièlhs demest nosaus se tornaràn remenbrar en 1981 lo PS e pus largament l’esquèrra tota e son saqueton de maravilhas a l’encontra de nosaus occitan. De que ne virèc ? ren !
La primièra error es pardonable la segonda error de la meteissa mena l’es pas ! l’enjòc es nòstra subrevida !
L’occitanisme es als occitans çò que son los gromicels a la pasta pels pescajons, es ora de meissar un briu d’òli dins la pasta occitaniste. Caldria cambiar, es pas lo primièr còp qu’es dich, si que non sarem somsits dis lo tomple dels pòbles dispareguts !
L’U.E. es estada inventada per d’òmes qu’èran al servici de l’argent e en cap de biais al servici dels pòbles de las nacions europencas.
Fuguèc concebuda e imaginada per èsser un airal de consomators , sens rasigas, sens identitat, destructurats e sosmeses.
Es de se demandar cossi d’unis vòlon far jogar a europa lo ròtle que i a pas jamai estat atribuit !!!
Coma lo disia Juncker: « i a cap de causida democratica contra los tractat europencs !
Atal ! La messa es dicha !
#2 Enfin, un rendut-compte exaustiu sus la votacion europenca d'aquesta dimenjada en Occitània ! Era temps, que per Jornalet aquo se resumissia unencament a las resultas de la val d'Aran e basta. Osca e encara gramaci, l'ome.
De tot biais podem afortir que i aguèc d’eleccions liures dins l’exagon lo 26 de mai de 2019, los sits occitanistes se n’eron pas trachat.
Lo pòble minorizat d’occitània a votat e las resultats çai-sos ( i pòt aver d’error) :
Mejanas :
RN = 24.89%
LREM = 20.33%
EELV = 12.24%
LR = 8.70
LFI = 7.07%
PS = 6.92%
Lo RN a pogut mai de 4.56% en mejana, çò qu’es plan mai que la diferencia nacionala exagonala qu’es de 0.90%
Departaments :
Lo + RN Var 33,54 %
Lo - RN Pirenèus Atlantics 16,94 %
Lo + Lrem Pirenèus Atlantics 25,17 %
lo - Lrem Arièja 16,72 %
Lo + EELV Nauta Garona 16,81 %
Lo - EELV Var 8,47 %
Lo + LR Naut Léger 19,56 %
Lo - LR Arièja 5,2 %
Lo + LFI Arièja 10,75 %
Lo - LFI Alps Maritims 4,19 %
Lo + PS Lanas 10,47 %
Lo - PS Alps Maritims 3,85 %
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari