Actualitats
Marselha: los descargaires del pòrt refusan de cargar d’armas
Lo vaissèl mercand saudian Bahri Tabuk, qu’arribava per quèrre de material, lo carguèron pas dimècres passat qu’amb de material civil. “Cargarem ges d’arma, ges de municion per quina guèrra que siga”
Los descargaires del pòrt de Marselha e Fòs refusan de cargar d’armas francesas per l’Arabia Saudita e per quina autra guèrra que siá, e o an demostrat aquesta setmana. Lo naviri mercand saudian Bahri Tabuk, qu’arribèt quèrre de material, lo carguèron pas dimècres passat qu’amb de material civil, çò rapòrtaL’OBS.
Lo vaissèl èra sospechat per lo mèdia d’investigacion Disclose de venir cargar d’armas que l’Arabia Saudita crompa a França e qu’emplega, sus un fons de crimes de guèrra, contra de civils en Iemèn. Disclose afirmava dimars que lo vaissèl anava prene de canons Caesar. Los salariats del pòrt de la Ciutat Focèa carguèron solament de material civil e demandèron qu’un representant de la societat Shipping Agency Service (SAS), que representa lo vaissèl saudita en França, certifiquèsse qu’avián pas cargat cap d’arma.
“Leis obriers descargaires CGT dau Golg de Fòs cargarem ges d’arma, ges de municion per quina guèrra que siga”, çò a anonciat lo sindicat. “Embarcarem jamai d’armas destinadas a tuar de civils”, çò a precisat a France 3 lo secretari general CGT dels descagaires de Marselha Fòs, Laurent Pastor.
“Avèm demandat au cosignatari e au provesidor de documents oficiaus qu’atèsten que cargarem de materiau civil, destinat ai civils, e en ges de cas de materiau militar”, çò ditz un comunicat del sindicat. “Fidèus a nòstra istòria e nòstrei valors de patz, nòstre sindicat combat totei lei guèrras dau glòbe, nos batèm còntra l’imperialisme, còntra la destabilizacion de certans país, contra lo pilhatge dei ressorsas primieras, còntra totei lei guèrras geopoliticas”.
Après la mobilizacion dels descargaires provençals, sembla que las partidas en contenedors que contenián los canons Caesar e las municions, fabricadas a Brageirac, son estadas menadas devèrs una destinacion desconeguda, segon Disclose.
Lo 10 de mai passat, una autra nau saudiana renoncièt d’acostar al pòrt de Le Havre, en Normandia, ont deviá cargar d’armas.
En abril passat, lo mèdia d’investigacion Disclose, desvelèt las armas exportadas per França dins la guèrra de Iemèn, dont de canons Caesar, qu’aurián tuat de civils. Mentretant, la ministra francesa de las armadas, Florence Parly, assegura que i a pas cap “de pròva” que d’armas francesas fagan de victimas civilas en Iemèn.
De mençonar que França foguèt en 2017 lo tresen exportator d’armas al Mond e que l’Arabia Saudita n’es un crompaire màger. Mai concretament es lo segond client pus important darrièr Índia e davant Qatar, çò rapòrta BFM TV. Dempuèi 2008, l’Arabia Saudita a comandat 11 miliards d’èuros d’armas a França.
Una guèrra que comencèt en març de 2015
Las armadas d’un desenat de païses, dirigits per l’Arabia Saudita, atacan dempuèi març de 2015 la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas sauditas contra los huthis.
Segon l’ÒNU, lo país es pròche de la catastròfa umanitària, e 21 milions de iemenitas an de besonh d’assisténcia en Iemèn del temps que las fòrças del govèrn, los saudians e los huthis, contunhan los afrontaments.
Las atacas contra los civils son frequentas, fins al ponch d’aver tuat d’enfants qu’anavan a l’escòla.
Alemanha cancelèt la venda d’armas a l’Arabia Saudita
En octòbre passat, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de l’assassinat del jornalista Jamal Khashuqji (sovent transcrich Khashoggi). Parallèlament, los govèrns alemand, britanic e francés publiquèron un comunicat conjonch ont consideravan “injustificable” l’assassinat de Khashuqji que condemnan “dins los tèrmes pus energics possibles”. Lo ministre de l’economia alemanda, Peter Altmaire, a demandat als autres païses de suspendre tanben la venda d’armas a l’Arabia Saudita. De badas.
França e Espanha ne contunhan de vendre
Mas pel president francés, Emmanuel Macron, la venda d’armas auriá pas res a veire amb la mòrt del jornalista: “Aquò a pas res a veire amb lo subjècte que sèm a tractar. Es pas perque un dirigent ditz quicòm que soi obligat de reagir a cada còp”, çò diguèt Macron. De fach, Macron sembla de revendicar la presompcion d’innocéncia de Riad per l’afar Khashuqji. “Espèri que la vertat serà establida”, çò diguèt, malgrat las pròvas.
Tanben lo president del govèrn espanhòl, Pedro Sanchez, anoncièt al Congrès dels Deputats que cancelariá pas la venda d’armas a l’Arabia Saudita “a causa dels interèsses d’Espanha e de l’emplec dins de sectors estrategics dont plusors son situats dins de zònas tocadas pel drama del caumatge”. Sánchez fasiá referéncia a l’entrepresa publica Navantia qu’es a fabricar cinc vaissèls de guèrra per l’Arabia Saudita, e qu’emplega 6000 personas.
Lo vaissèl èra sospechat per lo mèdia d’investigacion Disclose de venir cargar d’armas que l’Arabia Saudita crompa a França e qu’emplega, sus un fons de crimes de guèrra, contra de civils en Iemèn. Disclose afirmava dimars que lo vaissèl anava prene de canons Caesar. Los salariats del pòrt de la Ciutat Focèa carguèron solament de material civil e demandèron qu’un representant de la societat Shipping Agency Service (SAS), que representa lo vaissèl saudita en França, certifiquèsse qu’avián pas cargat cap d’arma.
“Leis obriers descargaires CGT dau Golg de Fòs cargarem ges d’arma, ges de municion per quina guèrra que siga”, çò a anonciat lo sindicat. “Embarcarem jamai d’armas destinadas a tuar de civils”, çò a precisat a France 3 lo secretari general CGT dels descagaires de Marselha Fòs, Laurent Pastor.
“Avèm demandat au cosignatari e au provesidor de documents oficiaus qu’atèsten que cargarem de materiau civil, destinat ai civils, e en ges de cas de materiau militar”, çò ditz un comunicat del sindicat. “Fidèus a nòstra istòria e nòstrei valors de patz, nòstre sindicat combat totei lei guèrras dau glòbe, nos batèm còntra l’imperialisme, còntra la destabilizacion de certans país, contra lo pilhatge dei ressorsas primieras, còntra totei lei guèrras geopoliticas”.
Après la mobilizacion dels descargaires provençals, sembla que las partidas en contenedors que contenián los canons Caesar e las municions, fabricadas a Brageirac, son estadas menadas devèrs una destinacion desconeguda, segon Disclose.
Lo 10 de mai passat, una autra nau saudiana renoncièt d’acostar al pòrt de Le Havre, en Normandia, ont deviá cargar d’armas.
En abril passat, lo mèdia d’investigacion Disclose, desvelèt las armas exportadas per França dins la guèrra de Iemèn, dont de canons Caesar, qu’aurián tuat de civils. Mentretant, la ministra francesa de las armadas, Florence Parly, assegura que i a pas cap “de pròva” que d’armas francesas fagan de victimas civilas en Iemèn.
De mençonar que França foguèt en 2017 lo tresen exportator d’armas al Mond e que l’Arabia Saudita n’es un crompaire màger. Mai concretament es lo segond client pus important darrièr Índia e davant Qatar, çò rapòrta BFM TV. Dempuèi 2008, l’Arabia Saudita a comandat 11 miliards d’èuros d’armas a França.
Una guèrra que comencèt en març de 2015
Las armadas d’un desenat de païses, dirigits per l’Arabia Saudita, atacan dempuèi març de 2015 la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic a las atacas sauditas contra los huthis.
Segon l’ÒNU, lo país es pròche de la catastròfa umanitària, e 21 milions de iemenitas an de besonh d’assisténcia en Iemèn del temps que las fòrças del govèrn, los saudians e los huthis, contunhan los afrontaments.
Las atacas contra los civils son frequentas, fins al ponch d’aver tuat d’enfants qu’anavan a l’escòla.
Alemanha cancelèt la venda d’armas a l’Arabia Saudita
En octòbre passat, la cancelièra alemanda, Angela Merkel, anoncièt que son executiu aviá anullat la venda d’armas a l’Arabia Saudita tant que s’esclaririá pas las circonstàncias de l’assassinat del jornalista Jamal Khashuqji (sovent transcrich Khashoggi). Parallèlament, los govèrns alemand, britanic e francés publiquèron un comunicat conjonch ont consideravan “injustificable” l’assassinat de Khashuqji que condemnan “dins los tèrmes pus energics possibles”. Lo ministre de l’economia alemanda, Peter Altmaire, a demandat als autres païses de suspendre tanben la venda d’armas a l’Arabia Saudita. De badas.
França e Espanha ne contunhan de vendre
Mas pel president francés, Emmanuel Macron, la venda d’armas auriá pas res a veire amb la mòrt del jornalista: “Aquò a pas res a veire amb lo subjècte que sèm a tractar. Es pas perque un dirigent ditz quicòm que soi obligat de reagir a cada còp”, çò diguèt Macron. De fach, Macron sembla de revendicar la presompcion d’innocéncia de Riad per l’afar Khashuqji. “Espèri que la vertat serà establida”, çò diguèt, malgrat las pròvas.
Tanben lo president del govèrn espanhòl, Pedro Sanchez, anoncièt al Congrès dels Deputats que cancelariá pas la venda d’armas a l’Arabia Saudita “a causa dels interèsses d’Espanha e de l’emplec dins de sectors estrategics dont plusors son situats dins de zònas tocadas pel drama del caumatge”. Sánchez fasiá referéncia a l’entrepresa publica Navantia qu’es a fabricar cinc vaissèls de guèrra per l’Arabia Saudita, e qu’emplega 6000 personas.
« En 1950, sur le port de #Marseille, les dockers CGT bloquaient les cargaisons d’armes vers Saigon pour lutter contre la guerre d’#Indochine. En 2019, les dockers annoncent qu’ils bloqueront les livraisons d’armes à l’#ArabieSaoudite (guerre contre le #Yémen). » @JulienBrygopic.twitter.com/FmMepDbYjC
— Rasha Kanoo (@KanooRasha) 29 de maig de 2019
Pour la #CGT des dockers de Fos sur Mer a assuré que le port « ne servira pas à charger des armes ou des munitions »
— L'Humanité (@humanite_fr) 29 de maig de 2019
Un navire est attendu à Marseille pour, selon le média @Disclose_ngo y charger des armes à destination de #arabiesaoudite .
https://t.co/R8yqj24qTtpic.twitter.com/jr2oAqtEZL
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ben qu'an fait. Fora la venda d'armas pels paísos de l'UE que s'empren per far guerras e assassinar a l'Orient Mitjà e Africa, e per tot.
#3 Lo Felipe VI es pro interessat per la venda d'armas perque aqueles afars li augmentan l'eiretatge, ja que son paire, lo Juan Carlos, a travèrs de sa mestrèssa la Corinna, encaissa de comisssions sus las vendas d'armas a Arabia Saodita. Armas que son pas emplegadas en Iemèn, plan segur, ja qu'o dison eles tanben. Entre lo rei d'aval e lo que se somia rei aicí, fan un polit parelh d'ipocritas.
Crec que Felip VI d'Espanya s'ha ofert de voluntari per a carregar-les( però rebent una comissió, naturalment ) ...
Sembla qu'a Marselha sabon pas que las armas francesas son vendudas mas son pas emplegadas ont i a de guèrra, la ministra dixit! (Devon èsser en Soïssa, dins de còfres de colleccionaires maniacs!)
Era l'an 1907...
Los paures manifestavan
E volgeron pas tirar
Pòbles e soldats... Eran fraires
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari