Actualitats
Un raportaire de l’ÒNU demanda la non-extradicion d’Assange
Ditz que presenta de simptòmas de tortura psicologica e qu’als Estats Units risca de patir de violacions de dreches e quitament la mòrt
Lo raportaire especial de l’ÒNU sus la tortura e los tractaments crusèls, inumans o degradants, Nils Melzer, avertís del “risc real de violacions dels dreches umans” se concedisson l’extradicion de Julian Assange als Estats Units. Melzer o diguèt dins un comunicat publicat divendres passat après vesitar lo jornalista dins una preson de Londres.
Segon Melzer, als Estats Units Assange risca de patir de violacions de sa libertat d’expression, del drech a un jutjament just e de la proïbicion de la tortura. En particular, l’expèrt se mòstra “alarmat” per l’anóncia recenta del Departament de Justícia estatsunidenc de 17 nòvas cargas contra Assange segon la Lei de l’Espionatge, que lo poirián condemnar fins a 175 ans de preson o quitament a la pena capitala.
Melzer soslinha tanben que dempuèi l’an 2010, quand Wikileaks comencèt de publicar d’informacions suls “crimes de guèrra e torturas comesas per las fòrças estatsunidencas”, fòrça estats comencèron de sosténer l’extradicion als Estats Units, çò que causa “de preocupacions grèvas sus la criminalizacion del jornalisme d’investigacion”. Segon el, dempuèi alavetz s’es tenguda una campanha de difamacion contra lo fondador de Wikileaks, tant als Estats Units coma al Reialme Unit, en Suècia e fa gaire en Eqüator.
“La persecucion collectiva d’Assange deu finir ara”
“En 20 ans de trabalh amb de victimas de guèrra, de violéncia e de persecucion politica, jamai ai pas vist un grop d’estats democratics isolar, diabolizar e abusar d’una sola persona pendent tant de temps e amb tan pauca consideracion per la dignitat umana e l’estat de la lei”, çò afirma Melzer, en demandant que se meta fin a la “persecucion collectiva de Julian Assange”.
Marrida santat
D’autre caire, lo raportaire explica tanben qu’après sa vesita dins la preson acompanhat d’expèrts, es evident que la santat d’Assange s’es vista grèvament afectada per l’encastre “extrèmament ostil e arbitrari” qu’a degut suportar pendent tantas annadas. Segon el, Assange mostrava totes los simptòmas “d’una exposicion perlongada a la tortura psicologica”.
Segon Melzer, als Estats Units Assange risca de patir de violacions de sa libertat d’expression, del drech a un jutjament just e de la proïbicion de la tortura. En particular, l’expèrt se mòstra “alarmat” per l’anóncia recenta del Departament de Justícia estatsunidenc de 17 nòvas cargas contra Assange segon la Lei de l’Espionatge, que lo poirián condemnar fins a 175 ans de preson o quitament a la pena capitala.
Melzer soslinha tanben que dempuèi l’an 2010, quand Wikileaks comencèt de publicar d’informacions suls “crimes de guèrra e torturas comesas per las fòrças estatsunidencas”, fòrça estats comencèron de sosténer l’extradicion als Estats Units, çò que causa “de preocupacions grèvas sus la criminalizacion del jornalisme d’investigacion”. Segon el, dempuèi alavetz s’es tenguda una campanha de difamacion contra lo fondador de Wikileaks, tant als Estats Units coma al Reialme Unit, en Suècia e fa gaire en Eqüator.
“La persecucion collectiva d’Assange deu finir ara”
“En 20 ans de trabalh amb de victimas de guèrra, de violéncia e de persecucion politica, jamai ai pas vist un grop d’estats democratics isolar, diabolizar e abusar d’una sola persona pendent tant de temps e amb tan pauca consideracion per la dignitat umana e l’estat de la lei”, çò afirma Melzer, en demandant que se meta fin a la “persecucion collectiva de Julian Assange”.
Marrida santat
D’autre caire, lo raportaire explica tanben qu’après sa vesita dins la preson acompanhat d’expèrts, es evident que la santat d’Assange s’es vista grèvament afectada per l’encastre “extrèmament ostil e arbitrari” qu’a degut suportar pendent tantas annadas. Segon el, Assange mostrava totes los simptòmas “d’una exposicion perlongada a la tortura psicologica”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'ONU es lo major garant de los Drets Umans ,e los estats qu' es consideran democratics an de segre las recomanacions de l'ONU.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari