Actualitats
Gajac: inscríver los bruts de la campanha au patrimòni immateriau de l’UNÈSCO
Lo cònsol màger que vòu que sian arreconeguts lo cant deu hasan, la nhaulèra deus cans, la campana de la glèisa o enqüèra las bramadas de las vacas. Que n’a hartèra deus clams deus qui ne supòrtan pas l’ambient sonòr de la ruralitat
Lo cònsol màger de Gajac (Vasadés), Bruno Dionis du Séjour, que vòu inscríver los bruts de la campanha au patrimòni immateriau de l’UNÈSCO.
En efèit, que n’a hartèra deus clams de contunh deus qui ne supòrtan pas l’ambient sonòr de la ruralitat. Atau, que vòu que sian arreconeguts lo cant deu hasan, la nhaulèra deus cans, la campana de la glèisa o enqüèra las bramadas de las vacas com patrimòni nacionau. Atau que serén protegits per la Constitucion en cas de denóncia.
En la letra, que bremba que lo son los navèths ruraus qui’s deven adaptar a la campanha si decideishen de s’i installar, e non pas lo contrari.
L’ahar qu’ei seriós, e la demanda oficiau de la part deu maire, ancian païsan, qui vòu deféner l’agricultura e lo terrador. Qu’a hèit la soa demanda dab ua letra obèrta taus parlamentaris, e qu’a dejà obtienut un gran sostien, politic com ciutadan. Ua proposicion de lei que’n poderé espelir en las setmanas a viéner, segon lo deputat de Losera Pierre Morel-À-L’Huissier.
Vertat ei que creishen mei anar mei los procediments de justícia entà har carar la campanha. E pro sovent, los tribunaus que balhan rason aus autors de denóncias. Brembem-nse per exemple de l’ahar de las graulhas de Granhòs (Vasadés), qui dura despuish 8 ans, e qui n’ei pas fenida.
Ua situacion que Bruno Dionis du Séjour ne supòrta pas mei, e qu’a decidit de combàter.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
En efèit, que n’a hartèra deus clams de contunh deus qui ne supòrtan pas l’ambient sonòr de la ruralitat. Atau, que vòu que sian arreconeguts lo cant deu hasan, la nhaulèra deus cans, la campana de la glèisa o enqüèra las bramadas de las vacas com patrimòni nacionau. Atau que serén protegits per la Constitucion en cas de denóncia.
En la letra, que bremba que lo son los navèths ruraus qui’s deven adaptar a la campanha si decideishen de s’i installar, e non pas lo contrari.
L’ahar qu’ei seriós, e la demanda oficiau de la part deu maire, ancian païsan, qui vòu deféner l’agricultura e lo terrador. Qu’a hèit la soa demanda dab ua letra obèrta taus parlamentaris, e qu’a dejà obtienut un gran sostien, politic com ciutadan. Ua proposicion de lei que’n poderé espelir en las setmanas a viéner, segon lo deputat de Losera Pierre Morel-À-L’Huissier.
Vertat ei que creishen mei anar mei los procediments de justícia entà har carar la campanha. E pro sovent, los tribunaus que balhan rason aus autors de denóncias. Brembem-nse per exemple de l’ahar de las graulhas de Granhòs (Vasadés), qui dura despuish 8 ans, e qui n’ei pas fenida.
Ua situacion que Bruno Dionis du Séjour ne supòrta pas mei, e qu’a decidit de combàter.
Ràdio País
Aqueste article es possible gràcias a un acòrdi de cooperacion entre Jornalet e Ràdio País.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma diguèt un còp èra « Gabo » (Gabriel García Márquez), dins una cronica de « El País » : « Lo campèstre, aquel luòc òrre ont las polas an de plumas ». Era lo títol de l’article. Pas segur que totes lo legeires de « El País », ipercondicionats als bruches e a las pudors de la vila, e ufanoses de portar la « civilizacion » als autres, coma los colonizaires d’antan, ajan comprés l’ironía del prepaus.
Pus molets son los brucs de las ciutat, perquè lo cant d'un gal es polit, coma los dels ausels e altras animals diverses.
Qual sap se los japals de quatre o cinc cans, embarrats tota l'annada dins un galinièr, podon far partida del patrimòni immaterial de l'UNESCO ?
Quid dels "gîtes ruraux" e de las "chambres d'hôtes" amb lor environament pivelaire ?
Cossí repoblar d'unes vilatges e manténer lors infrastructuras, se los vilandreses son criticats abans d'arribar ?
D'ont venes tu, òu l'òme ? Qual siás tu estrangièr que siás pas nascut aicí ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari