Actualitats
Tolosa: EELV exigís lo retirament de las afichas pròcorrida
Lo partit ecologista planh una campanha de comunicacion de l’Union de las Vilas Taurinas Francesas que “cèrca de far creire que la tradicion de las corridas es indissociabla de l’identitat culturala” d’Occitània
Euròpa Ecologia Los Verds (EELV) demanda que cèsse la campanha lançada per l’Union de las Vilas Taurinas Francesas (UVTF), e que retiren de Tolosa sas afichas que mòstran un taur negre e la legenda en francés “Lo taur, nòstra cultura”, çò rapòrta France 3.
“Aquesta campanha de comunicacion cèrca de far creire que la tradicion de las corridas es indissociabla de l’identitat culturala de nòstra region e que l’imatge de nòstra vila deu èsser associada a las corridas”, çò planh EELV, que remembra son oposicion a “aquelas practicas d’espectacle de cruseltat envèrs los animals”.
Segon lo partit ecologista, “es urgent que l’UVTF lève al pus lèu aquelas afichas que damatjan l’imatge de nòstra vila e introduson lo dobte sus la relacion que la vila de Tolosa ten amb la tauromaquia”. Dins aquel sens, remembran que la vila de Tolosa “virèt l’esquina a las corridas fa 43 ans”. D’efièch, las Arenas del Solelh d’Aur aculhiguèron los espectacles d’aquela mena entre 1953 e 1976.
“Aquesta campanha de comunicacion cèrca de far creire que la tradicion de las corridas es indissociabla de l’identitat culturala de nòstra region e que l’imatge de nòstra vila deu èsser associada a las corridas”, çò planh EELV, que remembra son oposicion a “aquelas practicas d’espectacle de cruseltat envèrs los animals”.
Segon lo partit ecologista, “es urgent que l’UVTF lève al pus lèu aquelas afichas que damatjan l’imatge de nòstra vila e introduson lo dobte sus la relacion que la vila de Tolosa ten amb la tauromaquia”. Dins aquel sens, remembran que la vila de Tolosa “virèt l’esquina a las corridas fa 43 ans”. D’efièch, las Arenas del Solelh d’Aur aculhiguèron los espectacles d’aquela mena entre 1953 e 1976.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#16 Parlatz d'aquel arderos aparaire de l'occitan, lo montalbanès Dany Cohn-Bendit ?
#28 Coma o fai justament arremarcar "oksitan", los 1,1 miliard de bèstias tuadas cada annada en França (dont la mitat "ritualament", es a dire sens anestesia) per la consomacion del brave mond semblan en defora de las indignacions de jovencela d'aqueles besuquets d'EELV. L'iniciativa venenta d'aquela vertuosa organizacion de bobos parisencs serà saique l'enebicion d'aquel genocidi intolerable practicat en tota impunitat sus de milions e de milions d'essers vius e sensibles per d'orres provincials primitius e sadics : la cargolada.
#19 E alara ? Sem pas a Barcelona, l'amic !
#20 En1939 : 470 000 republicans espanhòls fugisson lo regim franquista e rescompassan los Pirenèus, Faguèron de Tolosa una mena de capitala. Son estimats a mai de 20 000 los que venguèron a Tolosa. Mas subre aquestes republicans, quant èran los Catalans (per la lenga) e los Basques, que se chautavan ben pro de maselar de taurs dins una arena ?
#15 EELV, los que defendon mai las lengas ? Voliás dire "lo mens pauc", supausi…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari