Es ostalèrs dera Val d’Aran an de mau a trobar emplegats entara sason d’estiu, quitament s’eth caumatge ei mès naut. Era diferéncia entre es sasons baishes e es sasons de punta ei de 1500 emplecs, çò arrepòrte Aran Nau.
 
D’un caire, eth president deth Grèmi d’Ostalaria dera Val d’Aran, Ambròs Barberà, afirme que non pòden pas ofrir melhores condicions de trabalh qu’es ostalèrs dera còsta. Der autre costat, eth secretari dera Federacion d’Ostalaria dera província de Lhèida, Ramon Solsona, afirme que pendent es mesi d’estiu era concurréncia deth torisme dera còsta ei plan fòrta, çò que non se passe pas en iuèrn. 
 
Ena còsta es contractacions se hèn entà periòdes mès longui e eth lotjament des salariats ei mès aisit, çò precise Solsona Segons eth, eth problèma entà trobar emplegats ei qu’eth govèrn espanhòl non daurís contingents entà contractar salariats estrangèrs que cobrisquen es vacantes.




FM