Actualitats
La justícia espanhòla a suspendut l’exumacion de Franco
Lo 10 de junh èra la darrièra data prevista per l’exumacion del còrs del dictator
La Cort Suprèma espanhòla decidiguèt dimars passat, a l’unanimitat, de suspendre l’exumacion de las rèstas del dictator Francisco Franco e de las traire pas del “Valle de los Caídos” (la Val dels Tombats), un gigantesc monument religiós al nòrd de Madrid que lo dictator faguèt bastir. Lo govèrn espanhòl n’aviá aprovat l’exumacion, prevista abans la fin de 2018 e puèi programada per aqueste mes de junh, mas los jutges an decidit de la suspendre.
La familha del dictator, los monges del sit e la Fondacion Francisco Franco an depausat un recors e los jutges argumentan que vòlon “evitar lo prejudici que causariá als autors del recors, als interèsses publics de l’estat e a las institucions constitucionalas” una eventuala exumacion en cas que lo recòrs s’aceptèsse e que calguèsse tornar las rèstas al Valle de los Caídos.
“Una anomalia en Euròpa”
La revista d’analisi politica ForeignPolicy publiquèt fa un mes un reportatge qu’avertissiá de la persisténcia del franquisme en Espanha. Entitolat “Lo dictator es mòrt, mas sa popularitat demòra viventa”, lo reportatge avertissiá de la preséncia d’un franquisme sociologic e politic mai o mens evident.
Lo reportatge foguèt publicat en seguida de la decision de Pedro Sánchez d’exumar lo cadavre del dictator e de lo traire del Valle de los Caídos. A prepaus d’aquel monument, lo reportatge assolidava qu’èra “un santuari del franquisme e un endrech de pelegrinatge dels partisans de Franco”, e remembrava que dins los darrièrs jorns de nombroses ultradrechistas avián manifestat per las carrièras de Madrid per defendre lo sit e lo dictator.
A mai, lo jornal NewYorkTimes parlava en julhet de l’intencion d’exumar lo còrs del dictator. “Espanha es una anomalia en Euròpa”, çò disiá lo títol del reportatge que remarcava: “Alemanha a pas cap de monument consagrat a Adolf Hitler. Itàlia n’a pas cap de consagrat a Benito Mussolini. Mas Espanha a lo Valle de los Caídos, una basilica que sèrva las rèstas de Francisco Franco”.
Un gigantesc monument religiós
El Valle de los Caídos es un gigantesc monument religiós al nòrd de Madrid, bastit per l’obsession del dictator que ne vesitava lo talhièr plan regularament. Franco comandèt lo bastiment del sit lo 1r d’abril de 1939, jorn que s’acabèt la Guèrra Civila espanhòla. Lo general putschista disiá qu’èra concebut per rendre omenatge als mòrts de la guèrra, tan franquistas coma republicans, mas en realitat es una clara apologia del franquisme. Dins la cripta se tròba los tombèls del cap de la Falange, José Antonio Primo de Rivera, e del dictator Francisco Franco.
L’origina dels cadavres enterrats ailà es malsegura. Los archius documentan aperaquí la mitat dels còrses, mas se desconeis l’identitat dels autres. Los còrses foguèron amassats e raportats de divèrses prats batalhièrs de la guèrra.
Per la bastison del monument se faguèt trabalhar de presonièrs politics, que lor avián promesa una reduccion de pena en escambi de lor trabalh e d’un petit salari. Pasmens, la manca de mejans e de seguretat provoquèt la mòrt de maites obrièrs.
A l’ora d’ara, lo Valle de los Caídos es una abadiá catolica, una atraccion toristica e tanben un ponch d’amassada de divèrses grops faissistas lo 20 de novembre, jorn de la mòrt de Primo de Rivera e de Franco.
Amb lo retirament del cadavre de Franco, se cercava de despolitizar lo monument.
La familha del dictator, los monges del sit e la Fondacion Francisco Franco an depausat un recors e los jutges argumentan que vòlon “evitar lo prejudici que causariá als autors del recors, als interèsses publics de l’estat e a las institucions constitucionalas” una eventuala exumacion en cas que lo recòrs s’aceptèsse e que calguèsse tornar las rèstas al Valle de los Caídos.
“Una anomalia en Euròpa”
La revista d’analisi politica ForeignPolicy publiquèt fa un mes un reportatge qu’avertissiá de la persisténcia del franquisme en Espanha. Entitolat “Lo dictator es mòrt, mas sa popularitat demòra viventa”, lo reportatge avertissiá de la preséncia d’un franquisme sociologic e politic mai o mens evident.
Lo reportatge foguèt publicat en seguida de la decision de Pedro Sánchez d’exumar lo cadavre del dictator e de lo traire del Valle de los Caídos. A prepaus d’aquel monument, lo reportatge assolidava qu’èra “un santuari del franquisme e un endrech de pelegrinatge dels partisans de Franco”, e remembrava que dins los darrièrs jorns de nombroses ultradrechistas avián manifestat per las carrièras de Madrid per defendre lo sit e lo dictator.
A mai, lo jornal NewYorkTimes parlava en julhet de l’intencion d’exumar lo còrs del dictator. “Espanha es una anomalia en Euròpa”, çò disiá lo títol del reportatge que remarcava: “Alemanha a pas cap de monument consagrat a Adolf Hitler. Itàlia n’a pas cap de consagrat a Benito Mussolini. Mas Espanha a lo Valle de los Caídos, una basilica que sèrva las rèstas de Francisco Franco”.
Un gigantesc monument religiós
El Valle de los Caídos es un gigantesc monument religiós al nòrd de Madrid, bastit per l’obsession del dictator que ne vesitava lo talhièr plan regularament. Franco comandèt lo bastiment del sit lo 1r d’abril de 1939, jorn que s’acabèt la Guèrra Civila espanhòla. Lo general putschista disiá qu’èra concebut per rendre omenatge als mòrts de la guèrra, tan franquistas coma republicans, mas en realitat es una clara apologia del franquisme. Dins la cripta se tròba los tombèls del cap de la Falange, José Antonio Primo de Rivera, e del dictator Francisco Franco.
L’origina dels cadavres enterrats ailà es malsegura. Los archius documentan aperaquí la mitat dels còrses, mas se desconeis l’identitat dels autres. Los còrses foguèron amassats e raportats de divèrses prats batalhièrs de la guèrra.
Per la bastison del monument se faguèt trabalhar de presonièrs politics, que lor avián promesa una reduccion de pena en escambi de lor trabalh e d’un petit salari. Pasmens, la manca de mejans e de seguretat provoquèt la mòrt de maites obrièrs.
A l’ora d’ara, lo Valle de los Caídos es una abadiá catolica, una atraccion toristica e tanben un ponch d’amassada de divèrses grops faissistas lo 20 de novembre, jorn de la mòrt de Primo de Rivera e de Franco.
Amb lo retirament del cadavre de Franco, se cercava de despolitizar lo monument.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Soi pas plan segur que los que se son manjats còps de barras de la polícia pel cap per la soleta rason d'èsser estat a la votacion democratica per l'independéncia de Catalonha agèssen trobat "soft" aqueste totalitarisme de rasclanha d'ultradrèita…
Lo Tribunal Suprem diguet que Franco fou lo cap d'esta d'Espanya des de l'octubre del 36 qu' es proclamet a Burgos lo presiden dels golpistes, sense esperar la fin de la guerra. An demostrat aquestes jutges amb aquesta declaracion lo que son.
#2 E ben, mon paure! Vist lo camin qu'an pres, es pas per deman! Al contrari, son a reviscolar lo nacional catolicisme. Es pas que de veire los processes politics e lo poder de la glèisa suls problèmas societals.
I a pas que lo Garzon, de Izquierda Unida (Esquèrra Unida)qu' a ausat dire al rei qu'aviá malparlat de l’endeman el 1èr d’octòbre.
Los autres, la Colau compresa, se vòlon aliar amb los qu’an desencadenat la mesa jos tutèla de Catalonha amb l’article 155 de la cosntitucion.
Nos fa mestièr un bon sociològ per trabalhar sus l'idèa de "totalitarisme soft".
Quòra la suspension de las idèias de Franco ...
Coma diguèt son Excelléncia lo Generalissim (lo quite Franco): "Todo está atado y bien atado » (Tot es ligat e plan ligat).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari