Actualitats
Aran: Carlos Barrera que dèishe era politica
Era decision arribe dempús des marrits resultats de Convergéncia Democratica Aranesa enes passades eleccions deth 26 de mai. Era conselhèra Anna Díaz a tanben renonciat ath sòn cargue
Er actuau sindic d’Aran, Carlos Barrera, a anonciat que dèishe era politica dempús de 20 ans de dirigir eth Conselh Generau d’Aran. Era decision de Barrera arribe dempús des marrits resultats de Convergéncia Democratica Aranesa enes passades eleccions deth 26 de mai, a on demorèc damb 4 conselhèrs generaus, deth temps qu’eth sòn rivau, eth socialista Paco Boya, n’obtenguec 9. Aué qu’ac condarà en ua conferéncia de premsa.
Barrera siguec elegit sindic d’Aran peth prumèr viatge en 1995 e governèc eth país occitan de cap de Garona enquia 2007, quan siguec remplaçat per Paco Boya. En 2011 que guanhèc es eleccions un aute còp e a estat sindic d’Aran enquia ara, que tornarà a èster remplaçat per Paco Boya. Un des prètzhèts mès remarcables des mandats de Barrera ei era naua Lei d’Aran, aprovada en Parlament de Catalonha eth 21 de gèr de 2015 e qu’a dat a Aran es quòtes mès nautes d’autogovèrn.
Era conselhèra Anna Díaz a tanben renonciat ath sòn cargue.
FM
Barrera siguec elegit sindic d’Aran peth prumèr viatge en 1995 e governèc eth país occitan de cap de Garona enquia 2007, quan siguec remplaçat per Paco Boya. En 2011 que guanhèc es eleccions un aute còp e a estat sindic d’Aran enquia ara, que tornarà a èster remplaçat per Paco Boya. Un des prètzhèts mès remarcables des mandats de Barrera ei era naua Lei d’Aran, aprovada en Parlament de Catalonha eth 21 de gèr de 2015 e qu’a dat a Aran es quòtes mès nautes d’autogovèrn.
Era conselhèra Anna Díaz a tanben renonciat ath sòn cargue.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Quand lo fons e la fòrma son en plena adeqüacion : aquí una frasa negacionista tipica. La recomandi als lingüistas e als professors de poësia.
#3 Confondes país e estat, coma o fan totes los nacionlistas franceses…
#2 eth noste pais non pensi pas era vath d'Aran qu'ei Espanha desempuix tostemps !
#1 Aqueth òmi no't coneish pas tampòc. A! A! A! A!
Barrera qu'ei un òmi politic important en lo nòste país.
Non coneixi pas aqueth òmi !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari