Actualitats
Vielha: era ceremònia des prèmis literaris ei aué dedicada a Jusèp Condò
Condò siguec eth prumèr aranés qu'empleguèc er occitan coma lengua literària en tot deishar un legat preciós tara lengua nòsta. Era Val d’Aran a consagrat tot er an 2019 a commemorar eth centenari dera sua mòrt
Se debane aué en Vielha era ceremònia màger des premis d'art e literatura dont era XXIXu edicion deth concors literari Mossen Condò Sambeat, era XIXu deth Prèmi Aran de Literatura, eth XIIu Concors de Diboish ena Escòla e eth XIIu Hestivau de Teatre ena Escòla. Er eveniment ei ongan dedicat ar escrivan e poeta aranés Jusèp Condò Sambeat, en ocasion deth centenari dera sua mòrt.
Neishut en Montcorbau (Marcatosa) eth 29 de març de 1867, Condò siguec eth prumèr aranés qu'empleguèc er occitan coma lengua literària en tot deishar un legat preciós tara lengua nòsta. Escriuec poèmes, condes, romans e teatre. En 1912, guanhèc eth prèmi des Jòcs Floraus de Tolosa damb er amàs de poèmes entitolat Era Val d’Aran.
De soslinhar eth Vocabulari aranés publicat en 1915 e es òbres Victòria des Aranesi, Ua ròsa polida, Era votz deth campanau, Luenh dera Pàtria, Cançon dera Garona, Era cunhèra, Sang nòble e sang deth pòble, Jamès seigut e Ath deuant deth Sant Crist de Salardú, entre d’auti obratges.
Venguec capelhan dera glèisa catolica en 1891 e lo destinèren en diuèrses parròquies de Catalonha e d’Aragon enquiar an 1910 que tornèc tath país coma prèire de Salardú. Moric eth 5 d’en agost de 1919 as 52 ans e ei enterrat en Bossòst. Era Val d’Aran a consagrat tot er an 2019 a commemorar eth centenari dera sua mòrt. En 1989, se creèc eth Concors Literari Mossen Condò de roman e poesia en sòn aunor.
Eth 17 de junh que ven, en escadença dera Hèsta d'Aran, eth collaborador de Jornalet, Tònho Castet, que harà ua conferéncia sus Mossen Condò e era musica ena glèisa de Montcorbau.
Ferriòl Macip
Neishut en Montcorbau (Marcatosa) eth 29 de març de 1867, Condò siguec eth prumèr aranés qu'empleguèc er occitan coma lengua literària en tot deishar un legat preciós tara lengua nòsta. Escriuec poèmes, condes, romans e teatre. En 1912, guanhèc eth prèmi des Jòcs Floraus de Tolosa damb er amàs de poèmes entitolat Era Val d’Aran.
De soslinhar eth Vocabulari aranés publicat en 1915 e es òbres Victòria des Aranesi, Ua ròsa polida, Era votz deth campanau, Luenh dera Pàtria, Cançon dera Garona, Era cunhèra, Sang nòble e sang deth pòble, Jamès seigut e Ath deuant deth Sant Crist de Salardú, entre d’auti obratges.
Venguec capelhan dera glèisa catolica en 1891 e lo destinèren en diuèrses parròquies de Catalonha e d’Aragon enquiar an 1910 que tornèc tath país coma prèire de Salardú. Moric eth 5 d’en agost de 1919 as 52 ans e ei enterrat en Bossòst. Era Val d’Aran a consagrat tot er an 2019 a commemorar eth centenari dera sua mòrt. En 1989, se creèc eth Concors Literari Mossen Condò de roman e poesia en sòn aunor.
Eth 17 de junh que ven, en escadença dera Hèsta d'Aran, eth collaborador de Jornalet, Tònho Castet, que harà ua conferéncia sus Mossen Condò e era musica ena glèisa de Montcorbau.
Ferriòl Macip
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dedicat a Josèp Condò : Imaginem que som als ans ...1162-1199...mai o manco, i a un trobador a l'entrada del vespre que canta :
Bela dolça amia, tan sui en ric sojorn,
qu'eu no volgra mais fos alba ni jorn,
car la gensor que anc nasqués de maire
tenc e abràs, per qu'eu non prezi gaire
lo fol gelòs ni l'alba.
Rigaut de Bornelh.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari