Actualitats
Hong Kong: enòrma manifestacion contra las extradicions devèrs China
Los manifestants portavan de parapluèjas jaunes, simbòls de la manifestacion per la democracia en 2014
De centenats de milièrs de personas participèron ièr a una de las protèstas pus grandas de l’istòria d’Hong Kong contra la proposicion d’una lei que permetriá l’extradicion devèrs la China continentala de tota persona sospechada de cometre de delictes. Aquí, los jutges son nomenats pel Partit Comunista e los presonièrs an pas cap de garentida de respièch dels dreches umans.
Aperaquí 2000 policièrs contrarotlavan la protèsta, que segon los organizaires seriá la pus seguida que l’aja vista la ciutat autonòma. En 2003, i aguèt una manifestacion similara contra una proposicion de lei, aquel còp per durcir la nòrma de seguretat nacionala.
Lo conselh del govèrn d’Hong Kong deu discutir, dimècres que ven, la dicha Lei pels Delinquents Fugitius, que poiriá intrar en vigor a la fin de julhet. La cap del govèrn autonòm, Carrie Lam, a ensajat d’adocir la proposicion de lei mas i a pas reüssit. Fòrça manifestants demandavan sa demission.
Aperaquí 2000 policièrs contrarotlavan la protèsta, que segon los organizaires seriá la pus seguida que l’aja vista la ciutat autonòma. En 2003, i aguèt una manifestacion similara contra una proposicion de lei, aquel còp per durcir la nòrma de seguretat nacionala.
Lo conselh del govèrn d’Hong Kong deu discutir, dimècres que ven, la dicha Lei pels Delinquents Fugitius, que poiriá intrar en vigor a la fin de julhet. La cap del govèrn autonòm, Carrie Lam, a ensajat d’adocir la proposicion de lei mas i a pas reüssit. Fòrça manifestants demandavan sa demission.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 L'informacion de las susmautas segon Paris Inter : Quand aquò se passa a Hong Kong es tras que genial, quand es a Paris o Tolosa son de lo fach de dangeroses "factieux" e quand es a Barcelona son d'òrres secesionistas.
France Inter, ièr: en substància: 1 milion de manifestants per 7 milions d'estatjans, vos rendètz compte?
E quand n'i aguèt gaireben 2 milions dins las carrièras de Barcelona per, tanben, 7 milions d'abitants, què?????
Lo que diu l'article sobre la vulneracions de los Drets Umans, me recorada a uns altres paisos molt propers tant propers que son aquí.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari