Actualitats
An festejat lo breton coma “lenga nacionala”
Mai d’un milierat de personas an participat a la Festa Nacionala de la Lenga Bretona
Aquesta dimenjada, s’es debanada a Langoned (Bretanha) la dicha “Gouel Broadel ar Brezhoneg“ (GBB), çò es la Festa Nacionala de la Lenga Bretona. Mai d’un milierat de personas i son anats per escotar los concèrts, dançar als festoù-noz, participar als debats a l’entorn de la plaça actuala de la lenga dins la societat bretona o crompar (amb de bilhets bretons!) de libres, de DVD, de CD e de jòcs en breton dins un dels taulièrs installats sus la granda plaça de Langoned. D’unes an tanben jogat al fotbòl en breton dins l’encastre del Tournamant (“Torneg”).
En mai de tot aquò, l’associacion Mignoned ar Brezhoneg (Los Amics del Breton), que baileja Gouel Broadel ar Brezhoneg, presentèt son novèl sit Internet consagrat a las entrepresas o als comèrcis ont es possible de faire sas compras en breton: stal.bzh.
La GBB es una vertadièra legenda en Bretanha. Se passa cada dos ans, en alternància amb la corsa per la lenga bretona apelada Redadeg. Lançada dins los ans 1970, la GBB amassava mai de 10 000 personas a Spezed dins los ans 1990, puèi foguèt interrompuda durant mai de 15 ans. Es l’associacion Mignoned ar Brezhoneg, pròcha d’Aï’ta, que tornèt aviar la fèsta en 2017 a Langoned, comuna de Morbihan, que son cònsol màger es l’autonomista breton Christian Derrien.
Fabien Lecuyer
En mai de tot aquò, l’associacion Mignoned ar Brezhoneg (Los Amics del Breton), que baileja Gouel Broadel ar Brezhoneg, presentèt son novèl sit Internet consagrat a las entrepresas o als comèrcis ont es possible de faire sas compras en breton: stal.bzh.
La GBB es una vertadièra legenda en Bretanha. Se passa cada dos ans, en alternància amb la corsa per la lenga bretona apelada Redadeg. Lançada dins los ans 1970, la GBB amassava mai de 10 000 personas a Spezed dins los ans 1990, puèi foguèt interrompuda durant mai de 15 ans. Es l’associacion Mignoned ar Brezhoneg, pròcha d’Aï’ta, que tornèt aviar la fèsta en 2017 a Langoned, comuna de Morbihan, que son cònsol màger es l’autonomista breton Christian Derrien.
Fabien Lecuyer
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vinga, ànims. segur que us en sortiu. massa optimista!? Potser si, però passen coses grosses que no se si arriben, però en passen.
Aquí al sud dels Pirineus, o ets mot llest o, estàs com tothom, fora de lloc, i en el pràctic deliri a que et sotmet la premsa.
Potser si els d'aquí deixessin d'al·lucinar, fariem alguna cosa, però sabent-ho anem fent.
Visca la Terra...Lliure!
L'Ernest, "El Tàrrega".
Òsca, amics bretons!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari