Vegèrem las afichas de Tristan Gahús qu’a traduch los Pokémons de la 1a generacion. Nos diguèrem: “Es simpatic. Seriá una bona idèia de far la meteissa causa”, e nos lancèrem. D’en primièr, donèrem de noms als Pokémons de la tresena generacion, en fasent de jòcs de mots, en nos inspirant de lors caracteristicas e dels jòcs de mots franceses.
 
Aprèp, faguèrem de cartas amb lo sit Valenga.fr. Nos calguèt traduire tota la carta: lo nom, las atacas, las descripcions. I a de causas que poguèron pas èsser traduchas perque lo sit es en francés.
 
Vos demòra pas qu’a los trapar totes!
 
 
Duscas a 8 generacions de Pokémons
 
Dempuèi 1996, data de la publicacion dels 2 primièrs videojòcs al japon, lo nombre de Pokémons s’es demultiplicat. A cada sortida d’un videojòc novèl de Pokémons suplementaris son inventats. A començat amb 150 primièrs, e ara ne sèm a 819 Pokémons diferents.
 
Los Pokémons se destrian per “generacion”, es a dire pel “flòc” ont son inventats. A l’ora d’ara coneissèm 7 generacions diferentas de Pokémons. La 3a generacion correspond als Pokémons inventats per la sortida dels videojòcs Pokémon Ruby e Pokémon Saphirre, e Pokémon Emerald en 2002 per la Game Boy Advance.
 
Amb la sortida de Pokémon Sword e de Pokémon Shield lo 19 de novembre venent, coneisserem la 8a generacion de Pokémons.

 
 
 

Ianís, Tibaut, Artús, Lucia, Marina, Matilda
escolans de 1a del licèu Soult de Masamet



 
 

fffff		fffff
	Los autors de l'article nos an tanben mandat un messatge pel lectorat de Jornalet:   Sèm de retorn per vos jogar un marrit torn! Per defendre l’occitan dins nòstra nacion, per servar la lenga de la desaparicion, per escrachar la reforma e l’injustícia, per espandir l’occitan dins la galaxia. La classa de primièra d’occitan, del licèu Soult a Masamet Cedèx 81207 mai aluserpida qu’un franchimand! Legalizatz l’occitan o serà la guèrra! Nos apelam Ianís, Tibaut, Artús, Lucia, Marina, Matilda!

Clicatz sus l'imatge per descargar



 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…