Actualitats
An condemnat EDF a 4000 èuros de multa per una pèrda radioactiva a Golfuèg
La cort d’apelacion de Tolosa condamnèt EDF diluns passat a 4000 èuros d’emenda per una pèrda d’aiga radioactiva a la centrala de Golfuèg (Sèrras d’Agenés).
Aquela condemnacion seguís una pèrda de triti que se debanèt lo 18 de genièr de 2010. Foguèt una pèrda mendre, qu’aguèt un impacte de santat feble segon l’Autoritat de la Seguretat Nucleara (ASN).
Al vejaire de las organizacions antinuclearas, aquela condemnacion es quicòm de novèl.
EDF es un dels principals productors e fornidors d’electricitat del Mond, e deurà pagar dos còps 2000 èuros per aver utilizat un sistèma d’alèrta inadaptat.
La cambra correccionala de la cort d’apelacion condamnèt tanplan l’entrepresa per aver trigat a intervenir sus un potz mòrt. Al delà de l’emenda, EDF deurà donar 1500 èuros de damatges e interèsses a caduna de las tres partidas civilas del procès: los collectius Sortir du Nucléaire, France Nature Environnement e los Amis de la Terre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mes s'aqueth "incident" ne s'amerita pas qu'ua esmenda de 4000 €, e podem har hidança a la justícia ?
Es manhaga l'ASN. Amb ela es jamai grèu quand i a un accident nuclear. Per començar, dins son vocabulari, "accident" existís pas. Son pas que d'"incidents". Li podèm pas far fisança mai qu'a la TEPCO de Japon.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari