Actualitats
Lo govèrn britanic a signat lo mandat d’extradicion de Julian Assange
La decision finala es dels tribunals de justícia, que prendràn en compte la demanda del govèrn britanic
Lo ministre de l’Interior del Reialme Unit, Sajid Javid, a signat l’òrdre d’extradicion de Julian Assange als Estats Units, ont es mes en examen per dètz e uèch delictes, dont violar la Lei de l’espionatge. “Vòli que se faga justícia e la demanda d’extradicion es legitima; per tant, l’ai signada, mas la decision finala es dels tribunals”, çò precisèt Javid.
Per ara, lo departament de la Justícia dels Estats Units a anonciat que la detencion d’Assange seguís un mandat d’extradicion pertocant “una acusacion de conspiracion” per èsser sospechat d’aver comés “d’intrusions informaticas” dins un ordenador del govèrn dels Estats Units. Segon aquò, Assange riscariá una pena de cinc ans de preson. Ça que la, segon son avocat, Baltasar Garzón, los Estats Units seguisson l’estrategia abituala d'anonciar una carga, e puèi n’apondre d’autras. Per tant, l’afar “pòt derivar devèrs de penas pus grèvas”.
A l’ora d’ara, Assange complís una pena de cinquanta setmanas de preson al Reialme Unit per aver mancat a la libertat condicionala qu'aviá per una acusacion de viòl en Suècia en se refugiant dins l’ambaissada de l’Eqüator a Londres, ont i demorèt sèt ans. En abril, lo president eqüatorian Lenín Moreno li retirèt l’asil politic e permetèt que la polícia britanica lo detenguèsse.
Fa una setmana, lo tribunal suedés que met en examen l’acusacion de viòl contra Assange refusèt la demanda del ministèri public de l’arrestar inabsentia, que seriá lo primièr pas d’una extradicion. L’òrdre de detencion inabsentia significa l’arrestacion d’un suspècte qu'es pas al país. Pasmens, lo tribunal considerèt que caliá pas que las autoritats suedesas lo detenguèsson perque es ja encarcerat al Reialme Unit, ont pòt èsser interrogat per contunhar l'enquèsta.
Un raportaire de l’ÒNU ne demanda la non-extradicion
Lo raportaire especial de l’ÒNU sus la tortura e los tractaments crusèls, inumans o degradants, Nils Melzer, avertís del “risc real de violacions dels dreches umans” se concedisson l’extradicion de Julian Assange als Estats Units. Melzer o diguèt dins un comunicat publicat lo 31 de mai passat après vesitar lo jornalista dins una preson de Londres.
Segon Melzer, als Estats Units Assange risca de patir de violacions de sa libertat d’expression, del drech a un jutjament just e de la proïbicion de la tortura. En particular, l’expèrt se mòstra “alarmat” per l’anóncia recenta del Departament de Justícia estatsunidenc de 17 nòvas cargas contra Assange segon la Lei de l’Espionatge, que lo poirián condemnar fins a 175 ans de preson o quitament a la pena capitala.
Chelsea Manning
Quant a Chelsea Manning, ela es tornarmai encarcerada. Una de las darrièras decisions de Barack Obama, tres jorns abans de quitar la presidéncia dels Estats Units, foguèt de comudar la pena de Manning, condemnada a 35 ans de preson per aver passat a Assange sèt cents mila documents classats del govèrn dels Estats Units, que l’organizacion WikiLeaks difondèt puèi. La decision d’Obama arribèt tres jorns abans que quitèsse l’Ostal Blanc, en genièr de 2017. Mas la libertat de Manning es estada brèva. L’8 de març passat, tornava èsser encarcerada. La rason es qu’ela refusèt de respondre davant una jurada sus una enquèsta pertocant WikiLeaks. “Participarai pas a de procèsses secrets e ne refusi moralament un qu’es estat emplegat per arrestar e perseguir d’activistas a causa de lor discors politic”, çò diguèt segon AP.
Dins aquesta segonda detencion, l’an tornarmai embarrat dins una cellula d’isolament, segon çò qu’a denonciat lo grop de sosten a Manning nomenat “Chelsea Resist!”. Lo 4 d’abril passat, lo compte oficial de Twitter de la detenguda raportèt qu’avián mes fin a aquela situacion, après qu’aguèt passat 28 jorns en aquela situacion.
Aqueste còp, sembla que l’Ostal Blanc favorirà pas la situacion de Manning, se prenèm en compte qu’al començament de 2017 Donald Trump diguèt qu’èra una “traita ingrata” (ungrateful traitor) que “jamai deviá pas èsser mesa en libertat”.
Nascuda Bradley Manning, èra analista d’intelligéncia de las Fòrças Armadas dels Estats Units e passèt a Wikileaks de documents classats sus las guèrras d’Iraq e d’Afganistan; d’autres documents provoquèron una granda polemica internacionala quand foguèron publicats en 2010.
Dins son jutjament, en julhet de 2013, Manning foguèt declarada innocenta del delicte d’aver ajudat l’enemic dins l’afar Wikileaks, çò que li evitèt d’èsser condemnada a perpetuitat, mas foguèt declarada colpabla dels autres dètz e nòu delictes que n’èra acusada. Manning foguèt arrestada en mai de 2010 e empresonada tres ans en esperant aquel jutjament. La mitat del temps lo passèt estremada dins una cellula de 4,46 mètres cairats.
Pendent son procès, Manning demandèt perdon. “Me grèva d’aver greujat los Estats Units”, çò diguèt.
Per ara, lo departament de la Justícia dels Estats Units a anonciat que la detencion d’Assange seguís un mandat d’extradicion pertocant “una acusacion de conspiracion” per èsser sospechat d’aver comés “d’intrusions informaticas” dins un ordenador del govèrn dels Estats Units. Segon aquò, Assange riscariá una pena de cinc ans de preson. Ça que la, segon son avocat, Baltasar Garzón, los Estats Units seguisson l’estrategia abituala d'anonciar una carga, e puèi n’apondre d’autras. Per tant, l’afar “pòt derivar devèrs de penas pus grèvas”.
A l’ora d’ara, Assange complís una pena de cinquanta setmanas de preson al Reialme Unit per aver mancat a la libertat condicionala qu'aviá per una acusacion de viòl en Suècia en se refugiant dins l’ambaissada de l’Eqüator a Londres, ont i demorèt sèt ans. En abril, lo president eqüatorian Lenín Moreno li retirèt l’asil politic e permetèt que la polícia britanica lo detenguèsse.
Fa una setmana, lo tribunal suedés que met en examen l’acusacion de viòl contra Assange refusèt la demanda del ministèri public de l’arrestar inabsentia, que seriá lo primièr pas d’una extradicion. L’òrdre de detencion inabsentia significa l’arrestacion d’un suspècte qu'es pas al país. Pasmens, lo tribunal considerèt que caliá pas que las autoritats suedesas lo detenguèsson perque es ja encarcerat al Reialme Unit, ont pòt èsser interrogat per contunhar l'enquèsta.
Un raportaire de l’ÒNU ne demanda la non-extradicion
Lo raportaire especial de l’ÒNU sus la tortura e los tractaments crusèls, inumans o degradants, Nils Melzer, avertís del “risc real de violacions dels dreches umans” se concedisson l’extradicion de Julian Assange als Estats Units. Melzer o diguèt dins un comunicat publicat lo 31 de mai passat après vesitar lo jornalista dins una preson de Londres.
Segon Melzer, als Estats Units Assange risca de patir de violacions de sa libertat d’expression, del drech a un jutjament just e de la proïbicion de la tortura. En particular, l’expèrt se mòstra “alarmat” per l’anóncia recenta del Departament de Justícia estatsunidenc de 17 nòvas cargas contra Assange segon la Lei de l’Espionatge, que lo poirián condemnar fins a 175 ans de preson o quitament a la pena capitala.
Chelsea Manning
Quant a Chelsea Manning, ela es tornarmai encarcerada. Una de las darrièras decisions de Barack Obama, tres jorns abans de quitar la presidéncia dels Estats Units, foguèt de comudar la pena de Manning, condemnada a 35 ans de preson per aver passat a Assange sèt cents mila documents classats del govèrn dels Estats Units, que l’organizacion WikiLeaks difondèt puèi. La decision d’Obama arribèt tres jorns abans que quitèsse l’Ostal Blanc, en genièr de 2017. Mas la libertat de Manning es estada brèva. L’8 de març passat, tornava èsser encarcerada. La rason es qu’ela refusèt de respondre davant una jurada sus una enquèsta pertocant WikiLeaks. “Participarai pas a de procèsses secrets e ne refusi moralament un qu’es estat emplegat per arrestar e perseguir d’activistas a causa de lor discors politic”, çò diguèt segon AP.
Dins aquesta segonda detencion, l’an tornarmai embarrat dins una cellula d’isolament, segon çò qu’a denonciat lo grop de sosten a Manning nomenat “Chelsea Resist!”. Lo 4 d’abril passat, lo compte oficial de Twitter de la detenguda raportèt qu’avián mes fin a aquela situacion, après qu’aguèt passat 28 jorns en aquela situacion.
Aqueste còp, sembla que l’Ostal Blanc favorirà pas la situacion de Manning, se prenèm en compte qu’al començament de 2017 Donald Trump diguèt qu’èra una “traita ingrata” (ungrateful traitor) que “jamai deviá pas èsser mesa en libertat”.
Nascuda Bradley Manning, èra analista d’intelligéncia de las Fòrças Armadas dels Estats Units e passèt a Wikileaks de documents classats sus las guèrras d’Iraq e d’Afganistan; d’autres documents provoquèron una granda polemica internacionala quand foguèron publicats en 2010.
Dins son jutjament, en julhet de 2013, Manning foguèt declarada innocenta del delicte d’aver ajudat l’enemic dins l’afar Wikileaks, çò que li evitèt d’èsser condemnada a perpetuitat, mas foguèt declarada colpabla dels autres dètz e nòu delictes que n’èra acusada. Manning foguèt arrestada en mai de 2010 e empresonada tres ans en esperant aquel jutjament. La mitat del temps lo passèt estremada dins una cellula de 4,46 mètres cairats.
Pendent son procès, Manning demandèt perdon. “Me grèva d’aver greujat los Estats Units”, çò diguèt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una cançoneta del trobador Jofre Rudel (...1125-1148...) dedicada a lo gran defensor de la patz mundiala Julian Assange, perseguit per aver mostrat los crims que facet lo pentagon en la guerra de l'Irac.
Lai quand li jorn son lonc en mai
m'es bels douz chans d'auzels de loinh,
e quand me sui partitz de lai
remembra'm d'un amor de loinh.
Vauc, de talant embroncs e clus,
si que chants ni flors d'albespins
no'm platz plus que l'inverns gelatz.
#1 An pas besonh, los Americans, de quichar fòrt subre Bretanha Granda per far clinar la balança d'aqueste costat. Aquò dit, los Escosseses, los Irlandeses ni los Gallecs non son pas los Angleses…
L'imperi ionqui pressiona al govern britanic de dretas coma tots. E aqueste es baixa los calçons fent lo que li ordena la cia e el pentagone, l'imperi del mal e de la guerra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari