L’ÒNU cèrca de metre lo ponch final al trabalh dels enfants. Amb la tòca de l’an 2025 l’organizacion mondiala s’es mesa al trabalh per eradicar lo problèma. Aquò se tradutz pel refortiment de l’educacion obligatòria e l’eradicacion de la misèria que patisson fòrça familhas que poirián pas subreviure sens lo trabalh de lors enfants.
 
A l’ora d’ara, s’estima que i a 152 milions d’enfants que trabalhan, una donada que davala a cada an que passa, mas qu’es totjorn de mal eradicar d’aicí a sièis ans. A mai, dins las zònas en conflicte lo problèma aumenta: es lo cas de Siria e dels rohinyas en Birmania.
 
En ĺndia, gaireben 4,5 milions d’enfants d’entre 5 e 15 ans trabalhan dins de condicions de misèria e d’esplecha. Dins aquel país, las leis empachan que los enfants trabalhen mas, ça que la, segon l’UNICÈF, la proporcion d’enfants d’entre 5 e 9 ans que trabalhan a aumentat d’un 25% dins los darrièrs 8 ans.
 
Segon l’agéncia de l’ÒNU per l’enfança, un enfant sus dètz trabalha dins lo Mond, dont un sus cinc en Africa.